¹ Rature Pago tsi ino e gitou e vararua ari auvatsi komuko oio te gitou tsi gomai taua tabarira tegitou oioa tsiraurau ra auvatsi tera aruma ra Kiraka. ² Te eia tsi inoe tasema ita, eurara peotsi te eia pou baru bunau vau mori eia tsi taua toea irua gotaro oio a Kesi ra auvatsi. Te rature Pago Pepere. ³ Eau vei sesere soio Tamutou, Baru arei eurara Peotsi, eia taua siringi ita Kerira vau oio tegitou Kakara. ⁴ Tatou bisusau tsi auvatsi Komuko te gitou rovea o. Aramori tasema ari baru ei, eurara peotsi, tsi eia pou bunau vau, te eia rovea avatsi kakara eia tautauao soio tetara. ⁵ Gitou e vararua Sari inoa rumara kiraka, Gitou tsi tokoromo a nineki vau tomia avatsi nineki vau te gitou tokoromo gitou tsi rovea maea tabarira soio te Pago te rature Pago tsi viveia. ⁶ Gitou a papaga ari naue mutou tsi inoa, Arogo Sari gagri ge tsi ouka ita tegitou a auvatsi ga taburi tarue tamira. Gitou ga karupora pora gitou ga Pigie gitou kakara sotaro. ⁷ Nineki gitou vararua tssi tagia rature Pago mae, E tisa, Arogo ari mavei gitou ga igoa tocibo naue ga gari? Arova tsi ga gari ga tabaia ge mitou ga noino ge rovi mae eia arogo ari igoe tera atotsibo ga gari. ⁸ Te Rature Pago Koria Peperera tegitou, "Mutou ga bomuri tsigia, umara gitou e taimare ga kogono mutou. Gitou vararua Kakara ga gomai ga teia aisara tetara; Te eia vei mae, Eau taro arei, arogo teara gomai agavi etsi. Mutou gama go vamuri tegitou vararua ari nau ere. ⁹ . Arogo ari mutou noe gitou vaikue ire gitou e tauaro ts kue tomie gitou ita ita, tomie gitou Sari-, mutou gama matutau. Ira rova gitou a totsibo arei tsi gari soko, mae arogo ra tabu ga karuvu ge gama gari supiei." ¹⁰ Ge rature Pago tsi vei sesere mae, Gitou a maututu ga puritsi ga kue tome gitou a amautu ge gitou e Kingi ga kue tomieekiragi. ¹¹ Gitou amoutu keri ga gari, ge arogo ra paurara gitari airobe bunu tai ga gomai oio a mautu totsibo Sari ga gari tsi igoe gitou e vararua tsi matauei, Ge mutu ga ino a vano paraara ga gari oio a anagi. ^{13 12} Ara mori gitou a tosibo arei gama gari, gitou ga Sautora mutou ga igo bunu mutou. Ga vaimagirie mutou oio a veimata tara oiro a rumara kiraka ge taue mutou soio a kisitora. Ge gitou ga vagoio e mutou magiri oioa veima tatara te gitou e ekingi me egitou e egavamani, Ira rova mutou taua a tautarairora oioa aisara. /v 13 Arogo arei arog nineki vau tamutou ira ga peperea peperera soio tegiou. ¹⁴ /v 14 Mae te mutou gama pou gogo or gabutara pipai mutou ga vei mavei ira ga koria pepere ra tegitou. ¹⁵ Eau mlri taua peperera oio a are, gitou ira ga abia mitou a gabutarara nineki ire gitou e vararua bunu tai mutou ga koramuri ira ga porope pea rurapua ga tomua peperera eau rovea amutou. ¹⁶ v 16 Gitou e tama mitou me tsiramitou, ratamare mitou ire gitou kasoso gitou ita mori te gitou vaitami tomie gitou ire tamimitou tai ga tau e mutou tai soio a rima ra veimatatara, ge gitou ga biririe gitou sari tegatou ga peo. ¹⁷ Ira aisagu gitou e vararua ga sinau ge gama masagau emutou. ¹⁸ Ara mori eita tera auto gatou gama burau. ¹⁹ Mutou si magiri vavaga ire mutou ga abia maurira. ²⁰ Mutou si ino gitou vararua ra kurue magiri ganie e elemu, ge mutou ge rovi mae arogo gomai gavi esi tesini kerira ga bunu. ²¹ Ira arogo arere gitou vararua si pou oio a tesin eJudia si ere soata mapatsi, ire gitou vararua tsi pou oio e amautu kerira tsi retaroa ga goio. Ge gitou e vararua tsi pou oio a amautu agara oio a tesini kerira gama goimai oiro. ²² Arogo Arere eia tsi kikoria masaukara tsi otosibo kakara gitou tsi kikesia oio a abuku te Pago tsi gari sesere. ²³ Gogo vau ire gitou e tasema ari kavutuo ire gitou tasema tsi vasusu e gitou e vaunini keketu oioa arogo arei, Ira rova masaukara kerira ga gari otaro a tabu ira temasire te Pago tsi paru oata tegitou e vararua. ²⁴ Gitou e vararuara kakue ga birie vau e gitou ira ga abie gitou kakara avavara soio a sakitora oioa amautu bisau. Ga gitou a amautu ts toataru e eJeruselemu, tsi goio koramuri maePago taua. ²⁵ Ga mutou tsi inoe gitou tabai ra ga oio a aro, taio mea gitou atsimugo, Ire oio a tabu gitou a amautu ita ga bunu, ge gitou e vararua tsi matau ira tsirarira amago pei tsi sari somai. ²⁶ Ge amataura tauara tsi gari ge igoe vararua tsi tuakara ouka tsi gitou paru bununau nau, ira rova gitou tsi matau ira asibo gari oio a tabu. Ge a tosibo vavaga ra anagi ga mautu. ²⁷ Arogo arere mutou inoa rature Pago tsi gomai oio a karu tomie vagagarira mea momogera te tetara. ²⁸ Arogo arei gitou a tosibo soko gari bununau, mutou magiri ira ga taga so a ta, Ira rova toiro ra vaisuri ga gomai gavi." ^{31 29} Rature Pago veia agitoua peperera vei sokora, "mutou inoa aobu arei ra afiki ge aobu sari bisau. ³⁰ Arogo are gitou taua gargarara aobu mutou tsi inoa ge mutou tsi rovi mae arogo ra aro tsi vera gigari tei. /v 31 Mae mori ei, arogo mutou inoa tosibo nauei gari, mutou tsi rovia amautu te Pago gomai gavi etsi. ³² Eau vei sesere soio tamutou, gitou e vararua tera arogo arei ga koramuri gama ga peomori koramuri gitou a tosibo arei ga gari. ³³ Amautu ari nineki me atabu ga Karuvu, ge peperera te Pago gama ga karuvu. ³⁴ Aramori mutou ga bomuri emi e mutou mori, umara tamusimutou tsi voru tomia tavovuro ra ainiu ra ananu vavaga ga niu tsi gari pauavava, Ira gogo ra totsibo tera avovo. Arogo arei ga gari subui vau mutou gabutara, mae gitou wararua tsi taua amai ra ga biri abasi. ³⁵ Arago arei ga gari oio te vararua kakara ga pou oio a bara tabu kakara. ³⁶ Ara mori arogo kakara mutou ga pou raragi, Ge mutou ga kaka vavaga ira ga poropepea arogo arei, Ge mutou ge magiri vavaga ira matara eratura taro." ³⁷ Oio a arogo kakara arog te Pago tsi rovia ira sikukure gitoue wararua oio a rumarakirakag ge oio a ararogo eia rovia ari gogara oio tesin kerira tsi goio pou oata mapaitsi re olivi. ³⁸ Ge ira kaukoki vau gitou vararua tsi goio goimai oio a aruma ra kiraka ga noe eia veveia peperera.