¹ Mago e Iesu vei ta gitou e vaunini tetara a pepere ra mararanira ita te ra ri ga vaimari e gitou ga kaka oio a rogo titomi ge gitou ga umara sinunau. ² Te Iesu vei maei "Oio a mautu kerira ita, a taro ari nono a veimatata ra oio. Eia gamma matutau e Pago tai eia gamma togo seere vararua. ³ Ge abaru ita eia oio pou tai oio a mautu kerirao, eia gomai gano te taro ari nono a veimatatara o ga veivei, a reia vere, 'Su urie eau re vararu a ari bubunue eau o vera ga birie eau. ⁴ Taba vau ataro ari nono a veimatata ra o gamma masag a ari ga surie eia, aramori eia gabutara rivu vei rivua arei a maei, 'Arige eau gamma matau e Pago o togo e taro ita, ⁵ Ge mae a mausaka ra te a baru arei, are eia veivei ra gakuei, eau ga surie eia. Arige eau gamma surie eia, eia ga gomai gano tegoku go igoe eau sinau!" ⁶ Te taro keriro vei totomua gitou maei, "No soio te taro bunu ari nono a veimatata ra o ga vei arowa. ⁷ Oio a ba ri igoei, mavei e Pago gamma ga surie vararua ari mae teta ra ari tari tutavue eia oio a oiro mea rarogo kaka rao? Souka eia gamma ga suri subuie gitou? Ouka. ⁸ Eau veia mutou maei, eia ga veimatata e gitou ga suri subui e gitou. Aramori oio are Rature Taro ga pirivu samai a Tabuei, Eia ga abi morie vararua tetara ari tautaurairo ge gitari ouka o? ⁹ Iesu vei tai rou a peperera mararanira ita soio te vararua ari gabu vere gitou oio matata oio te vararua nau ari gamma kokorao maei, ¹⁰ Taro irua goio a ruma ra kiraka vera ga rubu robo: Eita tere Farisi, eita te a taro ra Airabi ra watsi. ¹¹ Farisio goio magiri bisau a sebera ino soata Mautu ra Maroka ra te eia kaka maei, 'Eau vei neneki, e Pago, ire eau gamma pakikari, eau gamma kogono, eau gamma ioigoa tavovuro ra tovoveri ra, mae vararuo ioigoa o. Eau vei neneki ire eau gamma mae a taro ra airabiro a watsi oroio o. ¹² Eau ga vigumu gamma ga ari oio a rogo irua airo a wiwiki nau o. Eau aiabia aume a taitsi ra watsi mea-aigogoru tegaku. ¹³ "Aramori a Taro ra airabi ra watsio goio magiri abua gamma ino soata mautu ra marokara, eia taua nagura sotaro, pepere oiro a tsia ra maei, 'Pago, gogo ire eau, eau taro bunu!' ¹⁴ Te Iesu vere, Eau vei mutou maei, "Taro ra airabi ra watsi o tsirimuri matatea garu ra kiraka tomie Pago oio arige eia ga gorumo gamma e Farisio. Ire vararua nau ari itsi sisae gitou ga gotaro ge vararua ari vagotaro e gitou o, ga goata." ¹⁵ Gitou e vararua vagomeimai te ruratu gitou oio te Iesu ga e Iesu tau a rima ra oata te gitou tera ri vaibaravae gitou, Oio are vaunini te Iesu ino a mae re, gitou ka gitou e vararua o. ¹⁶ Aramori e Iesu tare vaunini teta ra somai tetara, te Eia veia gitou maei, "Mutou vagomai e momoro bainiere omai te gaku, gamma tunonobo e gitou. Ira mautu kerira te Pago tsi te momoro baini ari maei. ¹⁷ Sesere matomo, Eau ga veia mutou maei, eari masaga vera ga inoa Mautu kerira ari nen eki te Pago, ea ga gari mae momoroi ari ga ouka ea gamma ga koramuri vau ari goiro vora." ¹⁸ Muraruga ra aigogoru ita tagie Iesu vvere, "Taro ra vaimarira, arowa ga e Eau igo a te ra ri vaigaria maurira ari a karuvura mea tapasi ra ouka o?" ¹⁹ Iesu veia areia maei, "Mavei te eme teie eau neneki? Eita gamma neneki, e Pago morito. ²⁰ Eme rovi ta vaimatatara mae-gamma ioigo a tavovuro ra toroverira, gamma bibiri, gamma pakikari, gamma kogono, togo e tamamu me Tsiramu." ²¹ Muraruga ra aigogoruo vei are Iesu maei, "Atotsibo nau arere Eau ge tsitsiria oio ta samaragu." ²² Mate Iesu, ino soio teta ra te eia vei maei, "Atsibo ita eme oio so gamma igoa. Eme ga sovea totsibo kakara are eme taukea o, abia watsi oio vora mago rove a are gitou a ao gora nau o, arige eme ga igo a mae re, eme ga abia totsibo ari kokora oio a mautu ra marokara io o gomai, tsirimurie eau." ²³ Aramori oio are muraruga o no a pepere ra ari mae o, eai ugogo vau, ire ea taokea totsibo komuko vau. ²⁴ Ge e Iesu ino mae e muraruga o atsia ra oio taburi baugu, ire eia atotsibo komuko vau, te Iesu vei are muraruga o maei, "Vararua ari atotsibo komuko vau o, e gitou gamma ga goiro a Mautu Kerira ari neneki te Pago! ²⁵ Ire ea oio gamma koramun vau re taro ari a totsibo komuko ga goiro a Mautu Kerira te Pago mae tai a kameli gamma ga ru soiro bai a popao ra a riri ra sira o. ²⁶ Gitou e vararua ari no eia pepere maeo tagie eia maei, "Erei, ga koramuria ri, abia mauri ra?" ²⁷ Iesu koria pepere ra maei, "Arowa oio gamma koramuri oio te vararua oio te Pago eia koramuri." ²⁸ Mago te Pita vei maei, "Ino! e mitou ere taro a raruma nau temitou te ra ri tsirimurie eme." ²⁹ "I-ino." Iesu vei a gitou maei, "Sesere matomo eau veia mutou mae taro ari ere taro a ruma teta ra, o e ritura, oe rata marera, or e tama ra me tsirara, or e ruratura tera kokora ra tea Mautu kerira te Pago, ³⁰ ea ga abia totsibo komumuko oio are eia poupopou igoe ge vamuri' a rogo ra o, ea ga abia maurira." ³¹ Te Iesu tora tomie vaunini teta ra savuru gotaro irua o goio a ba aseke gitou te eia veia gitou maei, "No!" Tatou ga goio e Jerusalumu oio a ba ari a totsibo komuko komuko vau oio vora mae are gitou e tau aro ra vano para kukesi ta vere e Rature Taro ga gomai Sesere. ³² Eia ga e gitou vagoio eia oio te gitou e Gentaeli, e gitou ga vire eia, kue eia, ga kapute voru e eia. ³³ Gitou ga kue eia, ga biri peo eia, aramori vamuria rogo ra itoru eia ga apuritsi, mauri rou." ³⁴ Aramori e gitou e vaunini te Iesu gamma mata ga ga ira pepere ra nau are Iesu vei vei ao; A masovara pepere ra nau o, kokovu oio te gitou, te gitou gamma rovi vaua a rowa te e Iesu vei vei a o. ³⁵ Oio are Iesu gomai agavi to oio a ba ra mautu e Jeriko o, eia ino mae oio a ba aro, a ta ro ita gamma noino, poupou oio a pepera gauru, tagagia nau a totsibo. ³⁶ Are eia noe vararua goio goimai poro pepe eia o, eia tagi e gitou maei, "Arowa tei?" ³⁷ Te gitou vei are taro ari gamma noino maei, "Iesu re Nagareti tsi tatuga goio to." ³⁸ Te eia tari tatora tsi vei vei maei, "Iesu! Rature Devitsi! Gogo ire eau!" ³⁹ Gitou e vararu a nau o kaitoro e eia veia re taro ari gamma noino ga makovu pou keke. Aramori eia tora kerira veivei vere, "Rature Devitsi! Gogo ire eau!" ⁴⁰ Mate Iesu magiri te eia veia re vararua ga vagomai e taro ari gamma noino soio teta ra. Oio are eia gomai a gavi te Iesu o, e Iesu tagia te eia vere, ⁴¹ "Eme masaga arowa ga eau igo a aume?" "Taro Kerira" "Eau masaga ari ino." Eia korie Iesu mao. ⁴² Te Iesu vei ta areia maei, "Eme ino! Tautau rairo ra mori taume tsi veimaurie eme re." ⁴³ Tsimoro eia ino, te eia tsirimuri e Iesu tera ri vei neneki soio te Pago.