¹ Te Iesu veia re vaunini tetara maei, "Atotsibo paipai ga garita ra tera ri ga igo e vararua ga igo ira tavovuro ra airuru, aramori a taro ari veigorio atotsibo arei ga abia virua ra! ² Ea kokora ire taro ari ioigo a tavovuro ari bunu gae gitou ga vu patsitsiria vokuru nau o oio a airorura mae a gapo mago, goio pigie eia sotaroa mago oio a romu a kakisa o ire eia mamuge vaunini a bibi bainiei soio a tavovuro bunu o. ³ Mutou ga mata emi ra aigogoru are mutou ioigo a re! "Arige ratamare mu ga igo a tavovuro ari bunu veimatate eia, ge arige eia go rimamisi vautaro a tavovuro ra. ⁴ Ge arige eia igo bunue eme vaka ini-mata sagaporo irua mago pirivu somai tau me, veirapu rima tomie eme ini-mata sagaporo-irua, rimasi, nene ire eme ga vautaro a tavovuro bunu ari mae eia igo a samai tau me o. ⁵ Te gitou e vaunini tetara vei areia maei, "Taro kerira vaikusia tautaurairo ra te mitou ga kusi kerira." ⁶ Te Iesu koria peperera te gitou maei, "Ariga tautaurairo ra tamutou ga kerira mae a vokora sesera tama baio, eme ga veia rea aobu o vera, apuritsi goio magiri oio a kabirira mago, eia ga nomurie eme. ⁷ Te Iesu vei totomua gitou maei, "Arige eita oio tamutou ere ga bae taro ra augogaru tetara ga goio a vauma terari ga kori eiemia tabu o goio terari ga bomuimurie sipsipu. Oio are eia ga pirivu somai ga magiri oio a mata ra bigomu, eme ga tora subui e eia ga gomou terari ga aria aurari te ta ra? ⁸ Arere ouka! Eme ga vei maei, soio tetara, eme raragia a gakua airari tokoromo oio a tovorobo ra taume, abia airari tegaku somae eau aria, verou eme ira aiari tsi tau me, niu ta nanu. ⁹ Muraruga o ga vei neneki soio te taro ra aigogoru o ire eia nomurie eia o, ku ouka? ¹⁰ Ea mae mutou tai, arige mutou ga igo gou gorua aigogoru te Pago mae are eia vei ira mutou, neneki ire mutou ga vei vere, 'Mitou gamma tau aro ra aigogoru ari kokora. Mitou igo mori a aigogoru ari mae mitou ga igo a o. ¹¹ Te Iesu iritaro e gitou te eia tatuga goio te Jerusalemu o, eia goio gari to oio a ba ra gare ra tabue Samaria me Galili. ¹² Are eia goiro aio a mautua aro, eia vapaga te tauaro savuru ari airobe oio te gitou o. Gitou magiri abua vau oio tetara ¹³ te gitou tora soio teta ra, veivei maei, "Iesu Taro kerira, gogo ire mitou." ¹⁴ Oio are eia veimaurie gitou o, eia veia gitou maei, "Goio vaino e mutou soio te gitou e Pristi." Are gitou tatuga goio e gitou ge gari neneki etsi. ¹⁵ . Oio are eita oio te gitou ino mae eia gari neneki to, eia pirivu soio, te eia vei neneki sesere tera ri veisarea aisare Pago. ¹⁶ Eia toturu taua nagura sotaroa vare Iesu, tera ri vei neneki soio te Iesu. Eia a taro re Samaria. ^{19 17} Te Iesu vei maei, "Gitou e tau aro savuru (10) tsi gari nenekio? Gitari inimata sagaporo iva o to owei? ¹⁸ Eita oio te gitou gamma ga gomai vei neneki tera ri ga veisarea aisare Pago, tsimore ea ri tera mautu a poro rai? ²⁰ Te gitou e Farisi tagia te Iesu ira oio a rogo ari mavei ge a Mautu Kerira ari neneki te Pago ga gomai, Te Iesu korie gitou vera, "Mautu Kerira ari neneki te Pago ga gomai o atsibo ita gamma ga gari soko tera ri vainoe tatou mae a Mautu Kerira ari neneki te Pago tsi goimaito. ²¹ Gae gitou ga vei maei, 'Ino, ea to oie goimai tei!' Ire mutou so no. A Mautu Kerira te Pago tsi oiro tamutou e re." ²² Te Iesu vei are vaunini tetara maei, "A rogo ga gomai te ra ri ge eme ga masaga vau ira ri ga ino e Rature Pago oio a rogo ra, aramori eme gamma ga ino a. ²³ Mago e gitou ga veia ume vera, 'Ino, Soio! Ino Somai! aramori gamma goio a ba ita o asi tsirimurie gitou, ²⁴ ea mae a meimasi ga karamea kerira vau ga gigame oio a ba ita oata nagi goio a gare ra ba ra ita ra nagi o, a rogo re Rature Taro tsi ga gari maeo ge vararua ga ino a. ²⁵ Soko oio a roga te Rature Taro ga gari, Eia ga so goiroa tovomuimuti ra kerira ge vararua ga vire eia, ga igo bunue eia. ²⁶ Maea tavovuro are e gitou e vararua igoa oio a rogo re No a o, ea ga garitara mae o oio a rogo te Rature Taro. ²⁷ E gitou e vararua kakara ga aiari, e gitou ga niniu a nanu ge tam eimare me tasema ga ioigoa tavovuro ra toroveri ra, goio kara oio a rogo are e Noa ga goiro oio a sipio ga a nanu ga ari vau ga gomai biri peo ire vararua o. ²⁸ Ea mae tai oio a rogo re Lotio, E vararua kakara aulau rari aiari, niuniu a nanu, roroto, sasovea airari, tsitsigia aruma. ²⁹ Ge oio moria rogo are e Loti iritaroa mautue Sodomu o, avi mea watsi ra a-ario oroio a moutu ra marokara paru gotaro turu gogo e vararua tsi biri peo e gitou o. ³⁰ Ea ga mae o oio a rogo arige e Rature Taro go gomai. ³¹ "Oio a rogo aro a taro ari oata gamma ra ruma tetara o gamma ga gotaro ga goiro a ruma tetara terari ga abi nau a totsibo tetara; ea mae taie a taro ari oio a bara wauma gamma koramuria ri pirivu soruma. ³² Gabutara e riture Lotio! ³³ Tsimae ea ri gabutara matomoa totsibo nau tetara ari kokora nau o, gamma ga suria mauri ra; Eari gamma gabutara matotomo a totsibo nau kokorao, suria mauriro. ³⁴ Oio a rarogo aro, Eau ga veia mutou maei, E tauaro irua ga nouta tomi oio a popogo ito: ita ga goio, ge eari ita o go ouka. ³⁵ Eururu e tasema irua goio igo gougoru oio a wauma ra koni terari tau titomia ari matua o, ita oio te gira ga goio, ita ga ouka." ³⁶ XXX ³⁷ Te gitou e vaunini te Iesu tagie eia vera, "Atotsibo nau arere ga garita gaisa oio a ba aro wei? Iesu korie gitou maei, "Oio a mautu te tauaro ari peo to, oio a ba ra ari moro te gitou a aogora o gamai vaika popo oio vora o.