¹ Icnayemi teni oncwanami mana maka acnon xxxx fofara ensoro tafara konakaci anli keyouni, yewekeni erar indini yeni pasin nenoni Tisowaya mana maka acnon kaci fofara kona nona yayasem benipac inowani indirami. ² Acamami urenim patemi ena ensoron urewaci Teni onecv, mini ensoroi Gotinic makimi beni aukemi. Beni eram baci auyin kemini mini fofara ensorou kinke iyeci mana makawa nonase mandem mandaci nowan eyo senafi bemi Tamemi Temi. ³ Iyewakaci mana makawa, nona yayase mande mandac urukanakaci, mai gotinic maki masicden yokam baintauc yicnon kac danakac oko. ⁴ Afo iyen iniya waintaukaci yeni Gotinic maki mandu keyafo, mini-I macni mudena 144,000 iniya waintauci mandukenoni. Mini iniya wain tauci umacden nani Israeli kimi beyouni marenoni. ⁵ Mini nar andun tinke-I, Judanic nani 12,000 iniya wainta maram, Rubeninic nani 12,000 iniya waintauc maram, yeweke Gadinic nani 12,000 iniya waintauc marenoni. ⁶ Yeweke Asanic nantinke I 12,000 ni iniya wainta maram, Naptalinic nantinke-I 12,000 ni iniya wainta maram, akac manasenic nantinke 12,000 ni iniya waintauci Marenoni. ⁷ Akac simioninic nani=tinke-I 12,000 ni iniya wainta maram, livainic nantinke-I 12,000 ni iniya wainta Maram, Yeweke Isakanic nantinke 12,000 ni iniya waintauc Marenoni. ⁸ Yeweke Jebuluninic nantinke-I 12,000 ni iniya wainta maram, Josepinic nantinke-I 12,000 ni iniya wainta maram, yeweke Benjameninic nantinke 12,000 ni iniya waintauci marenoni, miyiuni aci yeni bani mini maki-I nabdyje noni. ⁹ Icnayemi mini andandauc acnayem paci, Teni yonewanani iyena daini iniya waintami amucnoukami bani, iyem banta amankac beya yandaric iric ukami. Afo yeni masicdem Makusinke yewam yeweke mana maka acnon kaci beyon iniya wainta yewam, akac ena ena tok plesi Teyouyac baci ye manakinic u-eni, yeweke Jesasi benic king siakaci kuman Tani ben ontapaci ye ukukeni yeweke yeni iyakama efan korosin ureni pami wen Teyon yayana yeni yiyampimi pakare banoni. ¹⁰ Afo yeni eram bakukami dureni macnin Teno, “yeweke mana waintanc eyam marano, mini-I mayusic Goti king siakaci Kuman Tenin nomac Jesasin kandayic yokani bemino.” ¹¹ Masicden ensorouc ukuke king sia yeukam akac acnonic ukeyom waintanka yeweke fofara Tafurawa semi masicdemi yeyani manan makafin ukami deni yeweke yen yuuuruci mandeke Gotin okankaci makakaci deni, afo yeni bemi lotun Ti-ankennoni. ¹² Yeweke yeni macnin Tenoni, “pukaukame! Ikeunamake Masicden erani dukenin Gotin awikaci yanic ekaci yeweke ben iyena bic amekaci akac mikinkac ben awic yanic ekaci. Tusuwakaci Ti-ankano Gotinare, awokuc indin dukem mareninare akac beni umacden nurami baric baric manam mukeninare! Pukawe!” ¹³ Icnayemi mana hetmanimi yen yicbana patemi Tenkaci indaemi macnin Temi, “Mabeyouni efan Korosin uruke youye, yeni iyen nantinkeci beyaci akac yeni nefateci-yeweya fonowe?” ¹⁴ Kac Teni bemi Tameci, “yeno-o, eni Indin Kanano Tirami,”yewekem beni Temi macnin Tiren Tisimeno, “mayauye iyena umar acbana pate yem baintauci benone. Yenacuni yenyic andandauci Tesecurami maro efaric emino gotin akac Jesasinic narekimi. ¹⁵ Mini andakaci, Gotinic King sia acnakaci beni yeni bemi ayufun namac bayan kori namaci lotu makim beni, yeweke bemi lotusi onkami akac iyen baintaci king siakaci kuman Tenafii beni yemi dafic yinkan Temi. ¹⁶ Micni Mukami yeni iyewac mana yunanani yandaroce yeweke yimeni iyewac mana acyan Kanteno nonare. Micni mukami akac mini naropaci iyewaci akenin namac ikankenim hoti-I yikanteno. ¹⁷ Miyi-I Sisasim bemi yeweke benic king sia kaci yen yicbana paci kumantemi beni yenyic dafisim baintac mukemi, yewekem beni yemi dafisemi akac mikinkaci yemi iyakac ban nomi yimiremi. Yeweke yukam penkinkena yuwanonuci Gotimi masicdemi yomanan yinkantemi.