¹ Teni onewanami Jessasi seveni buku ukikemi Mana buku anaewaci oneci, yeweke indewanami Fofara afasam Tafura ukinkemi mana Tafurami inaru asen Tiremi Macnin Jemi, “Yeno!” Temi. Afo ² Yeweke Tukam Macde ananami mana efar hosimi bemoni. Afo Mini osin naropac Kuman Takenim gainta-I isanda pakarem bani yeweke King atac baci amirayonii. Yeweke aruini uwinic ure yeyon yiric emi akac aruin oman uwinicim baricbac mukem yemi. ³ Yewekemi Jesasi sekani buku anauraci indewanami namba Tu afasam Tafurami macnin Temi “yeno!” ⁴ Mini acnayem paci, ena uwo mana hosimi bemi ikan kenim baric mukemi, ye afatafic emi. Afo mini hasin naropac kuman Takenim bainta – I mana makakaci nanayin bani dukeyon arurana yaci, yeweke anasiwanta yenyira yirumam pukoko wani kumem moni. Yeweke mini hosin naropac kuman Takenim baintami, mana iyena bainatim paka ankenoni. ⁵ Mini nuram Jesasi namba Tari buku anaewaci, Teni indewanami namba Tari afasam Tafurami macnin Temi “yeno!” Tewaci yewekec Teni onanami kasic hosimi bami, afo mini hosin naropac kuman Takenim bainta-I sikerimi wen ayampim pakarem bami. ⁶ Teni indewanami mana arani mini fofara afasam Tafurauc yicbanapa Temi macnin Teno, “Mana murami yokekon ayake, amankafi kukam mintenowitim mana kirokaci mareyone, yeweke mana nurami yokeyon ayake, amanka fikac intenafino bali – Tari kiro kaci iye yonic intena Fino. Afo iyewakaci oeriwa wainiuci maro mandacino. ⁷ Afo Jesasi lnamba fo buku anauraci indewanami naba fo afasam Tafurami macnin Temi “yeno!” ⁸ Afo mini acnayem paci, teni mana hosimi onecu, benic Kara-I gre-I bami. Mini hosin naropac kuman Takenim bainta-I ben awici pukini bami, yeweke bani pukeyom baintaucyic makuni bani, yeweke beman awakure noni Afo yeni mana maka acnon kaci mana awa faci maka amim benaci yeweke anasi wainta bainati foya yiruman pukino wani mini erar amenoni, akac iyena yandarowa, manda yic andandawa akac mana makakakena afasam tufurauc poyac bake. ⁹ Yewekem Jesasi namba faipi buku ana uraci, Teni oneewanami alta aniniti kimi, iyeuyaci peni yirumam puke yafo yen yimanuci bami, newarafi, yeni Gotin awayani Teni yeweke bayani Teyon erani duken noyoni. ¹⁰ Yeni eram baci dureni macnin Tenoni, “iyem baintaci eni masicden andandu kaci antike fono, eni pukawe akac holi ukanom banamifo, nacde nuranaci pawena fino ena mana makakac yerewa anasi waintaic awoc awac jaimewa akac iyen iniya wainta ukaci mayauni Tirumam pukeyafo yemac yeweke yenyic ayac mare yimin tefono. ¹¹ Icnayemi yeni mana iyac cfan Korosin yimirani maya, maya waintauci Marenoni yeweke yeni tiyimeni teni kapa taimikac antikec bayaci amankac mini baintauc ikenyic manayokam waintawa yeweke iken yiwawa ikenyic sistauna mac yirurakac onowe macnem peni yire wayoniceye. ¹² Yewekem Jesasi namba sixse buku anauraci, Teni onewanami iyen makundakam urami. Akenimi Maron ayufumi keno kasic korosikemi akac ikonami maro uwomanan untikeno umac awafake. ¹³ Inarumpaci Bayom beninuke masicaemi undakakemi mana makakac manan kun yandinteno, manaci mukeno diwai Fiki akami iyewac Tesac ukan kimi iyena tisowani yemi yeman mini yani yocba yurami mini yay akanua makapaci yandeninic minteno mini bayo ucbake. ¹⁴ Mikac mana mati mandemi rollin e-one amankaci inarumi micni mu emi iyem banteno Yeweke Masicden anunara aileni uci yeni bakeyom makuni yerereni iyan nintenoni ¹⁵ Mini acnayem paci, mana makaka kena kingna akac anasi waintan yiwick I dike younamac, ami nucyic ofisawa akac amucna ondawa kakon duke yom waitauc namac eram waintawa, yewekem masicden ena-ena iniya waintuc namac pani beyom bantawa sewe. Miyiuye iyena onocban andun tinkinkaci yucma nte yeweke iyena anunar andun Tinkaci onoc bami benin acba nampataci yucman dintenani. ¹⁶ Miyiuni yeweke mini anunara onocbanu kani teni, “Mayun naropac dacdeka ayofa sinkako! King sia kaci kuman tenim bainta akare, yeweke Jesasinic aran andandaukan dacbake. ¹⁷ Newarafino, yenyic yiran andandaic iyena kukakani aci year eno. Afo iyeci beni amankac benaci ukukaman erar intenafino?”