¹ Afo Jisasi mana bouti Kimi uen Kumandemi non amukaci bemi, benic maku faci bemi ² Oronini, akac yeni mana wainta ac dukanimi avike be wapaci yeno, uckukem belikim mana wam waintan avike yeno. Akae Jisasi miyiuc yonanini, bilivic mure avike mare rami, akac beni mini ac wainta wani temi, “aninla o,en anduni nanan nukanteno. Teni enic siniuc aci daoyankeko.” ³ Lo indi kayom waintauci Jisasi tenim wayay indireni, akac ye yirani macninteno. “mana Wainta Gotinic makuni mareno.” ⁴ Mini tewayoni, Jisasi yenyic indir onaremi akac beni macnin temi. “Ne anda warac ikeni mini manda indini iken yinduntin dukeka fono? ⁵ Ne waya yac ye indiric ukenimi, teni tenteka fucno? Ye indiric ukenim waya tenuawe, ‘Teni enic siniuci daoy yankeko; o mini ye amankac indinic ukam wayani teko, eni ukuke wono’? ⁶ Minici teni unacde onako ware, Wanta akaci mana makakac eranic duci keno, beni amankaci sini daon yinkan teno. “ Jisasi mini waya tireni, akac beni uckukanim wainta maro onaremi, macnin temi, “Ukuke wac enic yo manare enamac pac bono.” ⁷ Afo mini Wainta mini kinke ukukemi benic yo manaremi ben amac paci bemi. ⁸ Afo anasi Wanta mini onareni pekeno. Akac yeni Gotin avici yanic eno, newarafi, beni mini bic namac eran namaci wantauci yimemi. ⁹ Jisasi yereremi orem mana waintami onemi, Metiumi. Takisi maram makimi bami. Afo Jisaasi macnin tirem tamemi, “yec ten tiwa kurono. Afo Metiu mikinkec ukukemi Jisasimi awac Kuremi. ¹⁰ Afo Jisasi namum kumanten naruc newanini, okac takisi mare wayom waintauc namac sinic owayom waintauc namaci yeno. Yereni Jisasi, benic disaipoliuc namac banini ye kumandeni yunan neno. ¹¹ Farisiuc mini onareni, Jisasinic disaipoliuc kaci macnin tire inda eno. “ne anda warac iken yic Tisa mini Waintauc namac kumanten yunan nenafino?” ¹² Jisasi mini wayay indiremi macnin temi, “Wanta ac iye dukemi, iyewaci dokta wapac beno. Iye wake. Ac wainta manam dokta wapac beno. ¹³ Ikeni orekac mini indim marako Gotinic buku kimi beno. Emi Tifonkeno, ikeni payan akonke mekone.Tema Tiyenimi, ena iniya Wainta awokufic ucyin kako ware.” Akac Jisasi yeweken temi. “teni yekunaci, anteke yom waintauc yarararac yekaucne. Iye wake, Teni yekunaci, sinic eyom waintauc yararani yeko. ¹⁴ Mini nurami Joninic disaipoliuc yereni Jisasin kaci macnin tire indaeno, “Ikenikac ukakac Farisue namac maya unamaci yenamac yunan iyewac nanayac enic disaipoluc nana yenamac yunan neya fono?” ¹⁵ Afo Jisasi macnin tirem tiyimemi, “Afo mana Wainta bayic irare, ben ackandaucni yirac umarac amin teyafo, be yenamac baye? Iye wake. Afo icnayem mini wainta acvike packe icma yenamac iyec wani, yeni yunami aoc tire iyen nanteya. ¹⁶ Iye Waci mana Waina oyan dawarawe arac mandem peyan yaketi daka kananikim andukin teno. Afo bena andukene, mini yaketi tesecimi, oyan dawarawen anduke nimic. Titofic minamic mini yaketin yem beken daka kanami mini kimi iyena anduric minteno. ¹⁷ Iye Waci mana wainta peyankena memen anda Kim Waini bacytineno. Afo yena wac yirami, memen andaci daka kanami, Waini bac yemi makapaci kumin teno, aka memen anda Waci mandci minteno. Micni mewani yeni oyan memen andac mandeni oyam waini mikim bacyinmi makan tanda awokukac banteno. ¹⁸ Jisasi Joninic disaipoliuc namac asem banimi, akac acnonic ukam wainta mika yeremi Jisasin arafimi mare akon donan ducemi temi, “ten tiramumi make uckami puke wako. Yec ore benkac ayan danan ukuc kano ware. “ ¹⁹ Afo Jisasi mini indiremi, benamac ye awackurem bini, benic disaipoliuc baci beno. ²⁰ Mikimi mana inini beni 12 fic orandekac ikona onem ban inini bami. Mini inini Jisasin acnayem paci ye ukuckemi, akac beni ayami demi Jisasinic korosi aranic oka emi. ²¹ Beni macnin tiren oka emi “te benic korosi acra Oka eci tasasini macan teko. “ ²² Afo Jisasi yo wec en onaremi macnin temi, Aninta o, en andune nana yintinac bano. Temi bilivic muranami, en aci kipeno. “ Micni sewanimi mini inic aci kipe moni. ²³ Afo Jisasi acnonic ukam wainta awac kurem ben amakac ocren yonanini, anasi wanta icfideni wano. Akac mini kaci wantauci ana futani, anasi wanta bucolu, bacolu me wano ²⁴ Afo mini kake Jisasi emi, “Ikeni yankakec boko. Mini ackinta iyem pukeno. Iye wake. Beni oni rukeno. “ akac yeni benani acmanure icmi seno. ²⁵ Afo mini kim bayon iniya wainta tiyin ka ecke mapac dayomi, Jisasi mikin ucndemi, mini ackinta acyam pakarami, beni uckuci kemi. ²⁶ Afo Jisasi micnonim bayani ucmaden acwafa kukami bemi, mini distriki kimi. ²⁷ Jisasasi mini maku sincke yereremi bemi. Akac yukam manda ukam wainta kanda ben acwa kuro yereni macnin teno. “Ecru Devitin akaci banamifo, ben deka akunan timeno.” ²⁸ Afo beni namunc ucndo nuni, akac mini wainta kanda waci mikin ureno. Akac Jisasi macnin tirem, yen kanda tiyi memi, “ike kanda bilibikac ecwaka teni ucwaran teka funo, oiye wakafi?” akac yekanda macnin teno, “Eyo, Iyeno, Bendeka bilivic meko. ²⁹ Afo yenkanda manan demi ayan yukankac demi macnin temi, “Ike kanda tenkim biliv ecmi, mini acnene ikenkim ampa min teno.” ³⁰ Afo yenkanda yukanda yukin ante onimi. Afo Jisasi yenkanda eram wayani tiyimemi temi, Iye wakoc mana wainta wac tameko ikemi tasa sekuna wec.” ³¹ Afo mini acnayam paci yekand yerereni umacdempaci mini distrikikin oreni Jisasinic awokuc yokarani tiyi meno. ³² Afo mini wainta kanda Jisasin yere ankare boyomi, akac anasi wanta acyabac iyewac tem manda spiriti benkim banim waintan avike yeno. Jisasi Wapaci. ³³ Mare rami akac Jisasi mmini manda spiritin yo manan dami, akac acyabac iyewac tim bakemi mikaci asemi. Akac anasi wanta anon indiric ureni macnin teno, “Peni macnu kanin acneneuci, iye waci Isrelic ampa memoino.” ³⁴ Micni teyomi, akac Farisiuci teni, “Beni mada Spiritn acwakun yinkenimi, acnoni ukaam manda spiriti-ic reani dukem micneno. ³⁵ Jisasi ucmaden Tauni wac maku sinkaci bemi. Beni bemi mam Makinkaci baya tiyimemi bemi. Mikinac oremi Gotin awayant tiyimemi akac beni yic duka youcni tasasemi. ³⁶ Beni amucna iniya waintan yonaremi ackunan nucyinkemi, newarafi, yen yic indini icye waci acntekami, akac yeni manda baric mukacmi, sipsipi urkaci acnte yo ucni iyem bbeyom baric mukeyo. ³⁷ Micni mukami beni disaipoliuci macnin tiren tiyimemi, amucna yunami anayokim acfu kakam bami yokam waintauc mini koyin nayo ucni iyem beyo. ³⁸ Micni mukemifo anayo afonac yukam muku anke Wanaci, beni yokam Waintauc dayac ore mini yunam ko eke baku yoko.