¹ Jisasi benic 12 fi disaiporo uc i yara mana rem, yenamac i yeremi senifo beni yemi erani yime-mon manda spiriti uc yo avac eke acnuram binam, mandac ukenin andan-dauc i bemi sefo yikuc yimi-remi, ara-ara yikuc baci yimenine. ² Manami 12 fi disaiporouc yivikuc i bemini. Nampa wani disaipovo i Pita ini, (Pitan ena avic i Saimonin bemini), Jebedin aka Endru namac ben afac ava Jeimsi, namac Joni, namac ben afac ava ³ Filipi, namac Batalomi namac, Tomasi, namac Metu iec beni takisi uc peni mara-nonafoni, ben namac, Alfiusin aka Jeimsi, akac Tadiusi namac, ⁴ Saimoni Jilotic keni namac, Judas Iskarioti iyec beni icnayem Jisasim paka eken namukouc yiyankin dantena fi. ⁵ Jisasi mini 12 fi disaporouc tiyinka eken danini yeveveni beno. Beni macnin tiremi yemi yakac-emi semi, ikeyeve, iyevakaci Gotimi iyevac indike- onakeni beyom makusim bekaci, akac ikeni iye-vakaci Samariauc yic mana tauni kimac bokove. ⁶ Pukave, ikeni Israiri ucyic dompi rukeyon sipisipi uc i beyon kinac bokive. ⁷ Afo macnema, ike oreke, afotakaci-antekac dekaci yiyimec tekaci, inarumpa tena kindomi i, aco adekac kukami yeremi. ⁸ Micni mukami, ikeye yic waintauc tasa-sirec acmankafic uc yinkec, pekeyon waintauc ukuka-yinkec, akac, manda spiriti uic wanta kimi benon yoman deke daki. Ikeni pani marami, micni muke mifo, akac payaci yimeki. ⁹ Ikeni iyevakac mana korifo, silvafi, monikafi, ikenyic ampausikin dekaci marec boki. ¹⁰ Ikeni iyevakaci mana-ambekivac ikeni binakonkim mavec boki, oc manac inanin o-ananafi oc sendorifi, oc ikenyic ackare beyon yakifi, nevarafi, yokam wainta i, benic yokan taci, benic yunami maran temi. ¹¹ Inkec ni avafakac iyena taunifi, oc makusinafi, ikeni binte kafe, wanta vac yifakaki, iyeci amankac ikemi yivikavic ukenafini. Yifa kaveci mini makinac i bakekac i boki-ikena binakon nurane. ¹² Ikena mana makin undec i, mini makim banayon wainta ukaci avokuc, - kukakare vaci tiyicka kive. ¹³ Micnema makim beyo ikenan te, amankac i mikim bana-kono sici, ec a naci ‘ikenyic nanayi raci mini narokac i ba.akac, micnema, iken iyevac yivaka nayo uni, yevac bekekac i, iken yic nana yirac i mavakive. ¹⁴ Akac, mini iniya wainta ukin ke iyevac ikemi yivikem bbenac i, o iken yivaya iye indenafi, macne ikena, mini makafi, o iyena tauni ye rerec binakon nurane. Ikeye, iken yikan takena kokonac i dundu yuman dekaci boki. ¹⁵ Puka ukane, mana teni ikenani teko, Goti ma kotinamin kuka kautake, iyena umani, mana iyena tauni kimi banteno. Sodomic namac, Gomova maka fimi danin, umandacbac avurem yesan kaka nanin umani bantemi. ¹⁶ Onako, teye iken, sipi sipi keke van afasan iyanuc yicbanac i tiyin kanac bono. Macni muke mifo, ikeye, memani awokuc indiric kukam muremi andandan uwareninic kukanac i urekaci bekac i akac, iyanomi nana nukem benin aman kakac i bakive. ¹⁷ Anasi wanta yikara ikeni yankarac okive. Yeni ikemi paka ekeni kokin deni, akac, yeni ikemi wipin yirin teno yenyic lotu makin deni. ¹⁸ Ten kokake manan, icnayemi yeni ikemi mandekeni gavanauc yukankac namac, kinuc yukankac namac, akac, Gotin iye-indike, onakeyo unama i, ikeni ten tivic maro yenkim witnesin inakomi. ¹⁹ Micnema, ye iken mandeke yen yiyampim yimirac i ikeni iye-wakac i amuc na indivic oki, andanda ike asin akonafi, o ike asina kon ayarafi. Nevarafi, ikeni wayani duc i danove, mini yamuc tina koneve. ²⁰ Nevarafi, ikeni iyevaci asinako mifo, tentifonic holy spiritin beni iyec iken yofenke asin tenafi ²¹ Ben afac avam, ben afac avami paka ekemi namukouc yinam pimi danani, yeni aruman bemi pukinteno, akac, bena fomi ben-akac bac I micni maka nanan uwaran kan temi, akac aninta uc baci u-kukeni, yenyinon yifon namac i yiru eni, yemi yiru mani pukin teno. ²² Umac den iniya waintan ikenani yifon kan teno, Nevarafi, ten tivic i iken mini bemi. Micni mukami, iyem waintac eni erarukan urukec bec i benic arasapac ara inte, eni iyakac ban aumi ravano na minove. ²³ Mini iyena tauni kinke ye, manda iken u-wan yinke vaci, yererec iyaye kaci ena iyena tauni fakaci bokive. Nevarafi, teni puka puka wayani ike mi tiyime kove. Ikeye iyevac Israiri ucyic umacden iyena taunikin ovami sefo, Wanta akac i yin temi. ²⁴ Mana disaiporoi beni iyenova bena, benic tisan yesan kantena nive. Akac, mana yokam waintai iyevaci benic bosim waita mi yesan kantemi. ²⁵ Disaiporoi beni amankac i benic tisake bantemi. Akac, yokam waita beni amankac i benic tisake bantemi, micnema ye mac afom macnisire arena sena, Besebul. Mini mandic kukam mintemi, micnema ye micni sire yen iyem wainta ukac mini mac-kim beyafo, yem micni sire yareye. ²⁶ Micni mukami _ ikeye, iyevakac i, yenyikam pekakii. Nevarafi, man andandan yakokem benimi iyevac manan ayo fakem bantemi. Akac ne andandaci ayofakan tenafi, iyevac manan ayofa kantemi. ²⁷ Ne waya yukaci i ikeni ayufun indin telcafe, ikeni, kukaka nanin kakaci, mini wayayuc Tekive. Akac, ne andandaci ikeni dakukan ulcan urec indin tekafe, iken yimac navopakac indoc ekaci maron dokac dekac i ikeni tekive. ²⁸ Iyem waita ukaci yeni mana bunan ariran yinte yafoni. Iye vakaci yen yikam pekekaci, iyem wainac beni amanbac mana bu-namac, aumi benin namac sipa kikan ikafin kaki pantenafi, ikeni mini wainta aka-nana varakaci peka-kive. ²⁹ Yeni iyevac i kantan nun akackanda mana monic kaci sarin enonive. Akac, amandac yenkinkeiyevaci mana nun ack payukam pukin temi, macnema benefo iyevac indina neve. ³⁰ Akac, iken yifove, yami raru-kami benove. Ucmaden yicnon ayouci yicnon kimi beni nukeve. ³¹ Ikeye, iyevakaci peka kove. Nevarafi, ikeni iyena andanda ukami banove, mini kipa nunuc baci yemac i yiru kanove. ³² Micni mukami akac, umacden. Waintauc iyec beni tenani asasi wanta yukankac maro pacban inte nafini teyan dobac i pacbam monteko bemake tenifo iyec beni marum pac benafi, ben okankakeve. ³³ Akac, iyem wainta bani tentivic anasi wanta yukankac ayo fan tenafi, akac teyan docbac i ben avic i ayompan tekove, tentifo iyec ben i inarum pac benafi, ben okankakeve. ³⁴ Ikeni iyevakac i indi ekec tenani nana yini marem mana makakac kumemi nove seki. Teni iye vac i nana yin marec kumec umpo, bainatimi marec kumeuc. ³⁵ Teni kume kuna i, aninta micnu tanan benafon namac namukoc inam, akac, akinta benanon namac namukoc inam, akac, tampu ini benic tampun benanon namac i, namuko namukoc minteno. ³⁶ Iye uyac yeni mana makim mana wanteyafo, mini yeni mini waintaic naulko uc manam wanteno. ³⁷ Iyem waintac beni en ayini benimac arurun benafon namac, benanon namac bemi ayikara yenafi, beni iyevac i amankac tentic disaiporoc intemi. Akac iyem waintac beni ten ayini benimac aruren, benakac namac, beyaramun namac bemi ayi kara yenafi, beni iyevac i amankac tentic disaiporoc intemi. ³⁸ Iyem waintac i beni iyevac benic kekac ya manarenaci beni temi tiva kurin tenafi. Beni iyevac i amankac, tentic disaiporoc intemi. ³⁹ Iyem waintac i beyaum micnu ranac i avokufic inte nafi, Icnauemi beyaumi dompinin temi. Aka tenkim mana wainta iyec i beya umi dompirin tenafi, Icnayemi awokuc aumi afakan temi. ⁴⁰ Iyen waintac ikemi yivikenafi, beni temi tivikemi. Akac iyem waintac temi tivi kenafi, beni iyem waintac temi tisinkakaci yekafu, bemi avikemini. ⁴¹ Iyem waintac beni mana profetimi avikante nafi, nevarafi mini wainta i beni profetim bemi beni profetiuc yic ayac i maran temi. Akac, iyem waintac beni ante kenim wainta avikan tenafi, nevarafi mini wainta i antekam waintam bemi, beni antekeyon wainta uc yic ayac i maran temi. ⁴² Iyem wainta ukac i yeni mana oyanon kapi undekem mini inta akakukinke mana inta akac amin tenafi, nevarafi mini inta beni tentic disaiporoc mukemi. Puka-puka ukami tivec i ikemi tiyimekove, iyevac manan ena ayabac beno. Mini wainta benic ayac dompi rinane.