¹ Awokufika ure anteko ikeni iyewaka awoku baru anisi wanta yukanka oko, bake iken yifon inarumpaci beni, benkinkena awoku iyewac marawe. ² Afo ena monika onda irobari ukeyouc yimiram beve, iyewaka ufemi arure umac iniya waintan Juda mam makim bena aka umadeuc yukankaci beyoni oko, minim micneyomi anasi wanta yukanka anombic mararani micneyo. Puka ukami teko mini yenyic ayaci mareyo. ³ Ena iro bari ukeyouc monika andanda yimirare, bempapa yaman yimewami, patapa yamani iyewaka onano. ⁴ Micni mukemifo ikeniyic awokuc andand ayowa par e yimeko. Enafo emampaci ben oneno icnyem minika ayaci aminteno. ⁵ Afo ena okam mukintewe, iyewaka awoku waintauci teyoni teno, yeni Juda uyic mam makimi beni ukukeni umadeuc tonakon teyoni iyewa oko. Puka ukami ikemi tiyimeko, mini yenyic ayaci mareyo. ⁶ Afo ikena yukam mukirare, iken yimakin ayofa ekaci ona mukureka yukam mukoko iken yifo ayofakam waintam beno. Aka iken yifo ayofakankin oneni icnayem ayac yiminteno. ⁷ Afo ena okam mukinte, iyewaka amuna baya teno. Peni ewaona uke, Juda bac iyewam wainta uci teni, amuna baya tenami Goti indin tinkanteno, teyoni iyewac ono. ⁸ Micni mukemifo yeni beyom bari iyewac ono, neware tire enafo indikaya tebefono. ⁹ Micni mukemifo, okam mukintci, macniwa teno, Tentifo inarumpa beono, enavic antekukami keno. ¹⁰ Dan eni maku kumino, Ecan eni ayin inarumpaci benim mana makaka bano. ¹¹ Yenama makekena yunan timeno. ¹² Enuyic umani ukikekunae mayousi umanda ukikano. ¹³ Iyewaka mayauc mandeke amam makantin dano, afo mayauc manda kinke tivieke amanta tinkano. ¹⁴ Afo ena enaci umar ukidane, enafo marumpaci beni eni umandaci ukikanteno. ¹⁵ Afo ena enaci umaruc iyewac ukikane, enafowac iyewaci eni umaru ukikanteno. ¹⁶ Teni macnin tire teko, yunamac iyewac nec yukamo iyewa mukeke, iyewaka akuno bur uwarano umac iniya waintan eyoni ono. Yeni your ena ureni yeroni wantauc yonaeke nanda iyewac nemi okamac iyewac mukimi yewenon tire yoneno. Pukan teko mini yenyic ayaci mareyo. ¹⁷ Afo ikeye, ikena yukama iyewac mukim yunanneke, oeli wac mande yinompa wayireka yunratese oko. ¹⁸ Micnure yewani yukana mukure nani namande yewe yafonon tinteyo ena iniya waintawe. Afo iken yifo ayofakapaci beni we, aka iken yefo ayofakan kin oneni ayaci yiminteno. ¹⁹ Iyewaka eni awoku aneneuc mana makaka manan bakunan dano, ufa newami karan arinteno. Aka umo wainta ubaci umorinteyo. ²⁰ Micni mukemifo eni andandacu marumpaka bakuyono, ufaya iyewac nem karawac iye arem umo wainta wac iye marantemi. ²¹ Newarafi, eni anenmem banani paci, en andundaci miface wantemi. ²² Okami en oci damuci, micni mukami okan antekami, en oci kakantaci bantemi. ²³ Afo en okam manda ukemi, en oci ayufunkantimi bantemi. Enkimi kakani benimi ayufumi kantemi, mini ayufunkani iyenaci mintemi. ²⁴ Iyewaci mana wainta kam waintaic yok ari inteno. Newarafi, enan afokarem enan ayintemi, aka enan afokaremenan awokufi intemi. Eni iyewaci Gotini yokam mare mana makaka kena yokam maranonami. ²⁵ Micni muka tiyimeko, iyewaka ikeyani anon indiri oko, neyunana nona nantekafuno sire indeko, aka ne tuanana ontekafuno sire indeko. Eni beonaci nona, yunana oanana se, mini ubaci arunde banano. ²⁶ Onano numi iyewaci yunam yodem koyem maro namun deno, afo iken yifon inarumpaci beni yunan yimeno. Eni nunu baci arunkanano. ²⁷ Iye eni eyaranon indirice, Pani mana anene enokade mana makaka iyaka banonano. ²⁸ Newara ikeni yuananani anon indire ekafono. Omare indeno farawanare, inkenikace ureyafo yeni iyewaci yoke, iyewaci yuanan andukeyo. ²⁹ Teni ikemi tiyimeko, Solomoni beni awokuc ananeuc mandem farawami benini urem iyewaci mini anenneuc akadem bano. ³⁰ Micni mukami Goti farawami benimi ocanami ucankaram bakenini akeyare ika sareyo, ena benanindewe, inkenuren ocanan ucankano wara inde eni kapa bilivi dukefono. ³¹ Micni mukemifo, iyewaka indieke te neyunana, nonaci nantekafu, o tuanana ontekafu tire indeko. ³² Juda iyewacwam waintauci yeni mini andanauc afakeyo. Iken yifo inarumpaci beni ikemi yiyenimi onankeno. ³³ Afo iyenaci makunare benin afakare wac ben awayayuc awakundana, aka beni icnayemi mini aneneuc yiminteno. ³⁴ Micni mukemifo kakan kenawani iyewakac anon indire ono, kakanami ena kukakani wanteno. Mana mana kukakani yenimi, ben amikan uman namaci yeno.