1 Afo Jisasi yona nini anon iniya waintan bayomi weni yere remi anufaci uremoni. Afo weni un kuman donini wenic disapoliuc we wanipaci yeno. 2 Weni kukan dem wenic disapoliuc yiman yimemi macnin tiren yemi tiyi memi. 3 Anasi wanta Gotinic andanda kin iroc ukeye yeni yimo yacoko, newarafi, inarum kindomi benimi yenyindanbeno. 4 Anasi wanta yikunare ific deye, yeni yimo yac oko, newarafi, Goti yemi awokufic muyin kanteno. 5 Anasi wantan yeyani mandeke yirafimi deyouye yeni yimoyac oko, newarafi yeni oyam maka maranteyo. 6 Anasi wanta yena Gotinic antekenin awuawac awa kurirana yaram buken yimer acyan kewa naye yeni yimoyac oko, Gotin yemi unti ka yin kanteno. 7 Anasi wantan ena iniya waintan yikuraru yinke youye, yeni yimoyac oko, Gotin yemaci akunaruyin kanteno. 8 Anasi wantan yen yiraci ante keyouye, yeni yimoyac oko, yeni Gotimi onan teyo. 9 Anasi want yise yire yomi dawac eyouye, yeni yimoyac oko, yenani Gotin aka fandau ken tire yaranteyo. 10 Anasi wanta Gotinic antekenim awuc awac ena mini andakac uman mareye, yeni yimoyac oko, newarafi Gotinic kindomi yen yinda beno. 11 Afo anasi wanta ikem manda yisiric ureya, akac iyewac ante kenin awuc awac uwanyin kare ya akac acyu acyu manda bayayuc tire akac umac bayayuc tiyin kewake, ikeni yimoyac oko, newarafi ikeni temi tiwa kurano. 12 Ikeye yimo yuka nac oko, newarafi, iyena ayaci Goti ikemi Inarum pac yimin teno. Mini umuna manda awuc awac mana peni wayon iniya wainta profetiuc uwanyinke wano. 13 Ikeni maka kakena sore bamino. Afo mini sore benic ase yenim yere ukic demi, inkec nure naci benic aseyini yewe kem maran tena? Beni mandac minani karuci deni yikan toni yosi sic nanteno. 14 Ikeni maka kakeno kakani bamino. Mana tauni anukac bemi iyewaci beni ayo fakan temino. 15 Iyewaci maya damu ukurem mande kem basketi arafim ayofe mino, beni mande kemi afo tapaci danami, mini damui umacden awafaci namumi kakan temi. 16 Ecanaci enic kakani umacden iniya wainta kinaci kake wana yaci, yeni enic awokuc awuc awac onare yaci yeni enafon Inarum paci weni awic yanic oko. 17 Ikeni iye wakac tenani indekec, lo namac Profetiuc namac yen yiwa yayuc ari rani yemi no tirec indeko. Iyewac ino, teni mini aman kafic irani yeko. 18 Pukau kami teni ikemi tiyi meko, Inarum namac maka namaci kipan temifo, lo kimi iyewaci mana awic bac kipan temi, beni umacden andandan amankafic kukam intemino. 19 Micni mukami, maya iyewac awokufic urem mini lo awa kurem aka enu micno ko wana yiman yimere Beni Goti nic kindomi kimi iye wac iyena wic dukan temino. Afo maya, lo awoku fic urem awa kure na akac, enu micno ko wana yiman yimene Beni Goti nic kindomi kimi iyena wic dukan temino. 20 Pukau kami ikemi tiyi meko, ikenyic ante kenin awuc awac, lo tisa a Farasiuc namac yen yic antekenin awuc awac iye wac yeyan kake ne, ikeni iye waci Inarum kindomi kimi uri nakono. 21 Ikeni aci inde komino, yinafu yika kanan bayon yamuc kena baya ye yeni macnin teno, iyewa kaci ena iniya wainta aruman pukono. Afo maya bena ena iniyafi wainta aruman pukene, weni ko kaci bintemino. 22 Micni mukaci ikemi tiyimeko maya bena ben afac awan namac arac uman maremi, beni ko kaci bintemi, akac maya ben afac awan nan tena, eni pipi ac waintan loana no tene, beni kansoli weni paci bintemi, akac maya tena eni o-cemi banana temi! beni ika maku simi bintemi. 23 Micni mukemifo, ikena alta kac ofa yunkantec, akac eya indeke en afac awa en namac arac uman duka rawe. 24 Afo enic ofa alta kac yere rewac, acnan tapac en afac awa namac mana arac kac ore wac icna enac ore enic ofa uwara. 25 Wanta fi anasi fi em kokac awikem birarewa nawe, ikeyeaka kamu kakaci mana yira kac bam awuc awac ampa moko. Bakem beya em paka ekena jasi nayam pim danana akac, jasi mande kem polisin ami nana paka man karapusic ini no. 26 Teni ante kukami deci ikemi tiyimeko, eni karafusi kinke iye waci acde macpac kumin mikim be enic dinau monic umacden kipare mino nami. 27 Ikeni aci indekoni macnin teno ike bayic uke kouke, iyewa kac pamuki baruc uwarako. 28 Micni mukaci teni ikemi tiyi meko, afo ikena mana inina onarec benan ai kiri sic eke, aci ikeni mini ini namaci iken yira pimi pamuki awuc awaci uwarano. 29 Micni mukemifo iken yiyan kukam patena yukam micnu ranac sinic ureke, afo dara kac dewac karuc dano. Bakena enic umacdem bunana ikakim binino. Awo kufic minteno mana bunan dompirinane. 30 Afo ikenyic bempa patena yacman micnu nanac sinic ureke, aka rekac karuc dam bino Bakena enic umacdem bunana ika kim binino, awokufic minteno mana bunam mana dompi rinane. 31 Bayani macni mukeno, afo mana wainta benanac tankarare, tankanani yo amirena tankano. 32 Afo ikemi tyimeko wanta ben anac pamuki iyewac inan tankene, beni mini inini mandekem pamuki ewan iniyic minteno. Afo mana wainta ma mini ini mandane, maretin dakakenin wainta beni pamuki inteno. 33 Aci peyukami ikeni inde komino, iyewakac umactec baya mande kec era riran yam pukateko. Afo ikeni marekac Iyeno weni pakac boko. 34 Micni mukaci ikemi tiyimeko, iyewakac inarum awic darec iken yiwa ya era rino wani teko, newarafi, Inarumi Goti nic kin sia bemi. 35 Iyewakac iken yiwa ya era rino wani maka awic darewc bayani teko, newarafi, maka beni mi Goti akan dukam makuni bemi, oka iyewaka iken yiwa ya erari rani Jerusalemi awic darec baya teko. Newarafi, beni Iyena kinic tauni bemi. 36 Aka iyewakac iken yiwaya erari rani iken yiyam yicnon kac dec baya teko. Newarafi ikeni iyewaci mana yicnon ayo mande kasi kafi efari urec uwa rana kono. 37 Afo iken yiwaya amankafic uka nake, afo eyo mana wac teko. Afo iken yiwaya iyewake tikanake, iye wake mana wac teko. Afo mini baya acnon naroc ike ena baya teke, ena bayani bananon kinken yintemino. 38 Ikeni indekoni yeni macnin tenoyo, afo maya iken yukam mandac u yinka rake ike yac bakac ben oka nac mandac u-an kako, akac maya ikem yikun uka rara nake. Ike yac bakac ben awa kun uka rako. 39 Teni ikemi tiyimeko, iyewakac wanta em manda uwa rank rana, mini mand yeweke ben uwaranka. Afo maya e napa yin kanda nawe, afo ena awa fac bakac ami nanaci inkamino. 40 Afo maya ikenyic saketi wana ayewanam, be ikem yiwikem kokac binake, ikeni ecanaci ikenyic sota wakac marano. 41 Afo maya ike benamac mana maili kac boko wana eram baya sinke tinake, ikeye, benama kaci kantan maili kakac boko. 42 Iyec iken kac inan tinte nafi, ameno. Akac maya iken kac dinau mara ran tinake, ikeni iyewakac a-o teko. 43 Ikeni aci indekoni teni iken yikan dauc mana wara yiyino akac ikenyic namuko kac manda uwan yin kako. 44 Afo teni ikemi tiyimeko, ikenyic namukou karac yiyi kara kac eka, akac wanta em manda u-ankara nawe, benac oka nac munku ankano. 45 Ikeni, iken yifon Inarumpaci benin aka fandan bana komino. Newarafi, beni aci kenimi anasi wanta ante keyon namac akac sini inya waintauc naro pac dami kakemi akac acdenimi dami antekeyon iniya waintauc namac akac iyewac antekeyon iniya waintauc namaci yimemi. 46 Afo iken yiye you nana wa yemac yiyeke, inkec nuka nanin ayakac ikeni maran teka? Takisi kun uka rara nake ike yac bakac ben awa kun uka rako. 47 Afo iken yikan dauc kac mana awokuc uwan yinkeke. Enu yacbaci yenyan kakekoc tirekac ikeni indeka a? Haide niuc baci mini umuna banana uwareno. 48 Iken yifon Inarum paci beniwe, beni anteci kemifo, ike yandoc bakaci anteke nin awuc awa kac uwarako.