¹ Wanuranic Onini, anasi Wantau yic hetprisiva, ye hetmani yc nami i, yeni Jisasni aruman puk irani bayani ucyenonive. ² Micnureni, aka yeni nantoni bemi dumureni, yo avikeni bemi Pailati banipa i benonive, beni yenyic gavanam banonive. ³ Icna yemi Senifo, Judasi beni mini wainta iye i beni Jisasnim paka eken namuko uc yiyankim yimena foninive, beni ona ekemi senifo beni, iyevac mana mandava dukam Wainta mi, payukami manda uwan anke upeven tiremi senifo, beni akunan nuremi aka, yevekem hetprisi uc nama kida waintauc yic 30 silva moniman yimenimive. ⁴ Aka beni temi, “Teni ac i, sinic mekave, navaarafi, teni payukami yimekove. Uwami iyeva manavac dukami namuko uc yiyankimi dekove.” “Aka, yeni teni, macnin tenonive, “Mini i, maya usic andan dava benai nove? Mini enafuni enic andandam beminove.” ⁵ Icnayemi, Judasi mini hapi silva moni ma uc, mam makimi Karucdemi, beni mini maku yereremi mapac kundemi, marokun benafini aka i iceymini ve. ⁶ Hetprisi uc i, yeni mini monima uc i mandeni macnin tire ni tenonive, “Mana i lo va ukare no inive mana monim a uc yeveken monic deyon makin dareve, nevarafini, manami i uwo ayaciaive.” ⁷ Yeni bak unteni mini andanda van teni, aka mini moni ic yeni mana waintar Kai makan aya ecnonive, maka kura uwan de ken damba keniya ye icye va Jerusalemi nantim beni ena nantimi beyo uc masifo Kovarove. ⁸ Mini andafo nanami, sefo I mni hapi maka yeni avideni seni, “Uwoic Hapi Makave.” Yemi make Manaka yeveno. ⁹ Mini andandau ic kamapic enimi, beni Profet Jeremaian ava yani amankafic mem macni meminive, “Yeni 30 silva moni ic beni aya Kekemi maremi, Israili u ic yenafoni makin enoyonive. ¹⁰ Aka yeni mini moni ic amireni hapi makan aya enonive, maka Kuran uwarenin Wainta i indave, macnemi Iyenomi benafoni temi tisime no. ¹¹ Micni muami aka, Jisasi gavanan okanka i ukukani mi, aka gavanan benka i inda emi macninte mi, “Amanka eni Judau yic King nac beva a?” Aka Jisasin yevekem bemi tamemi macnin temi, “Enafoni a ic tenanove.” ¹² Aka hetprisi uc nama lida uc nama i yeni ben amaru ankevayomi, Jisasi beni iyeva i yeveken waya bekin eminive. ¹³ Aka, Pailatin macnin tirem benka i indaemi, “Amanka eni iyeva i indanaminove umadem manda Wayayu i yeni emi ti ankareni sefo aka emi manda ic muanke yoneve a? ¹⁴ Aka Jisasi iyeva i mana Wayayaba yeveken tiyimeminive, ye mini wayayu tianke vayoneve, micni mevani mi senifo gavana i amucna indiric kukam meminive. ¹⁵ Pasov taimi i, mana banibemoninive, gavana. Bai mana Kalabusi Wainta na i uki dana i firika ena i bi, mini i anasi Wantan yena foni makin enonive. ¹⁶ Mini taimi i, mana Wainta amucna manda barukukan uwaranonim bemoninive, beni ben avic i, Barabasin bemini. ¹⁷ Umanden iniya Wainta bakunteni bayomi senifo, Pailatin yenkac inde emi semi macnin temi, “Ikeni uyen ukidanan firien bino varaka i inde kafono? Barabasi nafi o Jisasinafi? Yeni avideni Kraisti ventenoni. ¹⁸ Pailati macnin tiren indeminive, yeni Jisasimi dayomi be banipaci bemoni nevarafi, anasi wanta yeni iyeva i bemi laikin enonive. ¹⁹ Pailati Koteyon Siakimi Kumantanimi. Aka ben ana i, macnin tiremi bayani danimi bebanipa i bemi. “Iyevaka i mana andandava uwarankano mini avokuc antekenin Waintane. Ayufumi teni Kainkika i bemi onare i, aka teni iyena umani marekove. ²⁰ Aka hetprisi uc nama mam makin kena lida uc nama i anasi Wantan eran Wayani tiyimeni macnin tenonive, Barabasi nac firic ekaci aka Jisasi nac i arokove. ²¹ Gavanan anasi wanta ka i inda emi macnin temini, “Tufara Wainta Kandan ike unama i duke kuna kinke i, ikeni ikeni ukidanam firi em bino varaka i indekafe. Aka umade yaka mi badu reni teni, “Barabas.” ²² Aka, Pailatin yeveken yenka i macnintiren inda emi, aka ike u nama nec uwarankanu Jisasin iyena i yeni areyac teya i Kraistine teyafo? Aka umaden yeveke teni macnin teno, “Icye’no ben keka yasake. ²³ Beni yenia i inda emi macnin tiren temi, “Beni ne lo ukanac i ukarena?” Aka yeni doc ireni enan bakuka mi dureni macnin tire ten oni, “Icyeno ben keka yasake.” ²⁴ Pailati yonanimi senifo, beni iyeva i amanka mana andanda urem anasi wanta uc yic indin sinisic uyinkam bami, aka beni ona eke mi aruini yen yi ba nac ukukanani mi senifo, beni nomi mandemi, yen yukanka i ben ayami udemi, yemi macnin tiren tiyimemi, “mana Wainta ii, uwo i iyeva i ten tiyanka akakan te minive. Ikena uc mincu reka i onakive.” ²⁵ Umaden icniya Waintan teni, macnin teno nive. “Mifa ec anan benic uc wo mayau sapa namac, mayau sika fandauka namac akaka. ²⁶ Micne mukami, aka beni Barabasi mi ukic dami firi emi yererem bimi sefo, aka beni namukouc i tiyimeminive, Jisasi wipi fo arureya dana be yen yiyampin oranaya ye ben niri aru eke keka yasa dakovare. ²⁷ Icnayemi senifo, yeni gavanani soldia uc i, Jisasin yo avikeni gavanami bak uyin makusa i benonive, Umaden soldia uc i ye ben ontapac i bakuyenonove. ²⁸ Yeni aka beni Korosin ayueleni seyofo uc womana Korosin yeveke bemi ucanke nonive. ²⁹ Micnureni aka, yeni amuki, amuki ukan nani mandeni sefo aacnonkimi King ataken bemi U ankareni, aka mana yakimi mandekeni ben ayan akum pa i denoni. Aka micnureni sefo, yeni ben akantimi yikor ukara reni, yeveke bemi amaru ankeni macnin tenonive, “Manami beni, Juda uc yic King mi beno!” ³⁰ Micni sireni, yeni yikanon bemi kuti ankareni, ben ayan Kinkena yakin mandeni ben acnon Kimi amuc noya i arenonive. ³¹ Yeni micni sire ben amaru ankeni, aka yeni beni ucwomana Korosin yo ayuc ekeni deni sefo beni Kovosi ukami yeni yeveke ucakareni yoacvike Keka yasa iyirani bemi benonive. ³² Yeni yerere mapac kundeni, yeni Mana Sairini Waintan kun afakeno nive. Ben acvi i Saimoni ini, aka yeni bemi haripim menonive yenama bena Jisasini Keka ya maren binovareve. ³³ Yeni yere mana makusa i Golgota vasanka i, orenonive. (Golgota, beni anda i macnin tikemi “Yicnon Ayam pa uc bam makusakeve.”) ³⁴ Aka, Soldia uc i yeni wainim mandeni Seyofo, yo waec eke dami anon yukukam pani mandekeni Jisasimi nanovani amenonive. Aka, beni mandeken ofenkin demi, beni afon nara keminive. ³⁵ Aka micnure ye Jisasin keka yasa niri aru eke ireni seyofo aka, benic. Korosin dakadeni minika i, yeni Kanta i manonive uwinic irani. ³⁶ Yeni minika i kumanteni dafite vano. ³⁷ Ben acnonka i, yeni mana wayani ben Koti ankan Wayani deni seni macnin tenoni, “MANAMI BENI JISASI YE JUDA UCYIC KING MI NIVE.’ ³⁸ Aka, tufara ucmon wain ta Kandava i, yeni nivi aru ekeni kekac yasa icyenonive. Mayan ayan akumpa bamifo aka, eno mi ayan opac i bami. ³⁹ Anasi Wanta iye uyac yeni mini aman yakake beva yafoni, Yeni bemi amaru anka re, yicnon acnu ankareni, ⁴⁰ Yeni macnin tire tenoni, “Eni semi, eni mam mai anon Karemi yeveke tarifara nuramanan ukukan tekon tenamifo, afo make yeveke enafo eyan tasasenove! Amanka puka ena Gotin aka bante i, afo ec mini kekac yasa pate kumonove!” ⁴¹ Mana pasinic manan enonive, ye hetprisi uc nama ye mam makin kena hetmani uc nama lida uc nama i, yayan dobac i, Jisasin amaru ankeni seni, macnin tenoni, ⁴² Beni enuni tasasemifo, aka beni iyevac i amanka benafoni beyani tasasin teno. Beni Israili ucyic King mi bemifo, ec anan kekac yasa pate Kundanaka i, mayauni benkin bilipic ocnive. ⁴³ Beni puka ukami Gotin Kimi bilipic evaminive, miicni mukemifo, ec ana i, Goti benafo ben make tasasena i, aka ben kekac yasakena yo man deken anka, macnem Goti ben avikar ayim banane. Nevarafi, beni macni va i, teminive, “Teni Gotin Aka i beko. ⁴⁴ Aka umon wainta mac i, nirin aruekeni kekac yasa i benamac i iyeyovac i senifo mana waya nanan tiremi amaru ankeminive. ⁴⁵ Wayan komi 12 kolokic onimi senifo, ayufun Kani yeremi umaden avafa i dademini, micnukem bemi ayinka i 3 kiloki ukami oremi. ⁴⁶ 2 kilokin ayinka i, Jisasi baduremi macnin tiren temini, “Elu, Eli, lama sabaktani?” Mini waya anda i macnin tikemi, “Tenti Gotio, Tenti Gotio nevaretire i, temi yere avinkefonove?” ⁴⁷ Aka, yenkike mayac oyo adeka bayo uni indireni, macnin tireni yeni teno, “Beni Eliajami aremisinive. ⁴⁸ Soldia ukinkemi, mayan akaka uka mi senifo iyayemi Korosi arani omandemi, mikika i yupevan wainimi sefo akademi, manandeken mana yakika i demi Jisasimi nanovani ameminive. ⁴⁹ Aka ena soldi uc i, yeni macnin tenonive, :Ike unama dafitec onanove amanka Eliaja yemani bemi tasasin temi fove.” ⁵⁰ Mini acna yempa i, Jisasi yeveken dodem baduremi senifo, beni yemaven pukeminive. ⁵¹ Aka akaka ukami senifo, iyena davarave yakami temporiki mi banimi, Kantan Kimi dakakemini, manapac ara yedakaken yampa urimi aka, ena ara dakakem napa kumim meminive. Aka mak un dakan imi sefo onocbanuc i, duva ravamemini. ⁵² Bamasiku i, dionini seyofo, iye uya yeni bilipi evayon ini ya wainta pukeyafoyoni, yembeke ukukeni, ⁵³ Sefo, yeni bamasi kin ken mapa i kumenoni, macnen Jisasi yeveken ukukemi yererem iyena holi tauni kin undemi, maran afota fic meminive amucno iye uyac yeni laifi beya foyoni. ⁵⁴ Aka, namba wanit soldia nama, aka ena soldia uc nama, iye uya i yeni Jisasin ka i antikeya foyoni, yeni onayomi senifo, iyena makundka monimi, andanda uc i, kamapic onini aka, yeni anon pekaric kukan eni, eni macnin tenonive, “Puka ukami mana wainta ve Gotin Aka i beminove. ⁵⁵ Amucna ininami, iye uyac i, yeni Jisasin avakure Galilic noyafoni, yeyan doba i, kapaka nenka keken ukukakeni bemi onevanonive. ⁵⁶ Yen yibanac i, Maria Magdala, Maria Jemsi nama Josepin kanda yino nama, Sebedin aka fandauc yino nama i. ⁵⁷ Ac aman Kumpekevanimi senifo, mana monic Wainta mi Arimatia Kenon yemoni, ben avi i Josepim bemi aka, beyan dobai Jisasini mana disaiporon bemoni. ⁵⁸ Beni yere mi Pailati baninka i oremi senifo, Jisasin ovani inde eminive. Aka Pailati amankaken tiremi, eyontemi, ben amirani. ⁵⁹ Micnuremi Senifo, Josepi Jisasin oc omandemi avokufi Kukan uremi Kiriminic ukan dava rave foni mandan demi, ⁶⁰ Senifo, yo maremi mave benic oyam bamasikimi Jisasin oc demoninive, benafoni onoban anduntimi akeyaman dukake minive Iona yemi beni yere iyena onobam poni bamasic ona mukuremi beni bemoni. ⁶¹ Maria Magdala nama ena Maria Kandami, mini ka i kuman tano, yeni bamasic ena saitifa i Kuman teni banoni. ⁶² Ena deimi, pasova iran tesa in, dei acnayem. Pai, hetprisi uc nama, Farasisi uc nama i, yeni yerereni ye acnami Pailatin amakimi obakuyenonive. ⁶³ Aka, yeni macnin tireni teno, “Iyena Wainta o, Maya uni indekove, mini umac wayayu manan tevanin wainta i, pa ayum banin kai beni macnin tiren tevanivem “Icna yen tarifara dei acna yem pai, teni yeveke ukukan tekove. ⁶⁴ Micni mukemifove, eye erarureva i, waya tiyi mi ya i, yeni avokufi Kukan ure ya i, Jisasinic bamasika dafitana i, mini tarifara dei yankaka nove. Bakeya, beni disaiporo uc ben yemar ucmorureya aka, ye beni anasi wanta macni Sire tiyiminove. Beni yembekemi pukintiken ukukeno. Aka yen yi mini umai iyena kukam memi sefo, iyeva i amanka mana i, intenove, yenyic namba wani kakena mac namakeve. ⁶⁵ Aka, Pailatin yemi macnin tiremi tiyimemi, “Yeni soldia uc I, dafite yo uni bani venofo. Aka, ikeni oreka I, avoku fi ureka i banisin ureka i iken yic indiru amanka fi okive. ⁶⁶ Micni mukani aka, yeni oreni seyofo, iyena onoban nakam poni bamasic ona mukureni, aka soldia uc i mande keni denonive, minika avokufic ure dafiseko vani.