¹ Aka, Jisasi mini wa yayuc timan kiparemi, amankaci beni i yevekem beni disaiporo uci tiyi mem macnin temi, ² “ikeye macni kai itre indeko, tu fara dei acna yempai, pas ovam banani, aka yeni Banta Akai manan dekeni ben niriaru eke keka yasa iyin nayon baintau i yimintenonive.” ³ Inayemi umaden hetprisi u nama het mani u ye anasi banta u yinda nama i, hepprisin amacya Kankim manan obadu yenoni, mini bainta avi i Kai apasi ini. ⁴ Umaden bayani uyenonive, yucmande ya Jisasin pakare ben arirani teno. ⁵ Yeni mana indinta manan oreni macni tire teno, Ike unama yika Iyeva ka i uwa rani abanapac, macnen iyena yunan nanayon nuram, micno noke ya anasi banta aru ir ukukafo ve. ⁶ Jisasi i Bentani i Saimoni iye beni lepra aduka Kenai beni amanka fi ena fonini, bena makimi bemi, ⁷ Beni Kumantem teiborika i kumantem yunan neva nimi aka, mana inini mana aalabasta botorimi sandave san uwerin mikim bami aka, iyena moni kesam botorim mana rem mini namo i yere mi mare Ben anon kimi bac yi ankemonini. ⁸ Aka disaiporo u mini onareni, yeni yirami mandeni macnin teni, “Ne puka beni anda bana i mana andandan iyena moni kaku kami beni mi arendanai pasapa macni biri kukan enafinive? ⁹ Ike unama amanka mini botori iyena monika kukan sarin ure, mini moni ma mandeke manda bari uke, andan dava iye dukeyo yimmireve. ¹⁰ Aka, Jisasi save memoninive ye bayayu teva yonu i, micni mukami aka, beni macnin tirem yemi tiyi memi, “Neva rakai ikeni umar ameka mana ini ye, iken yivaya yvkineve? Nevarafini, beye mana avoku baruka mi uwan tin kenove tene. ¹¹ Mi yeni manda bari ukeni andan dava iyen duke yoni, iken nama i umaden yamu i banteno fo, aka teni amanka iyevai ikenama bante u. ¹² Bena mini Sanda weri arondekemiten tufa i denimi, ten tumi mandan tesamu sinkeminive tena bama sipina bonunave. ¹³ Puka ukane, teni ikemi tiyimekove, macnema ye mini avoku baya yan tiram, umaden, ava fa mana maka onon ka orani, yeni mana ini yic istoriva i tintenonive, beni andandan uwa reni nani indi reni ben an daba i yeni indin tenoni. ¹⁴ Mini acna yempai mana bainta mi ye iz disaiporo u bakike mi, ben avi i Judas Iskarioti bemi, beni yereremi het prisi u yona rani bemini. ¹⁵ Beni temi, Ekeni ne andan da i timinte ka fonove tene, macnema te Jisasin iken yimiranake? “Amanka i, yeni 30 silvan dai mekeni bemi amenoni. ¹⁶ Mini yamu kukami, Judasi beyam mandekem namuko u yimi nani ayani afake moni. ¹⁷ Namba wani deimi iyena bakuyini enonive, yisti va iye va benin breti narani, disaiporo u i, yeni Jisasi banipa i yereni bemi inda eni macnin teni, “Emi aye benafino, maya u enic pasova yunan nanona maku tesa u ankanunave, iken avafa kafino. ¹⁸ Jisasi macnin tiren yemi tiyi memi semi, “Ikeye, iyena tauni kin orekai mikina i umpec ekai, mini mana wainta nai tameka macni va i teki, ‘ Tisa macninteno, tesi taimi i, ac i adekafi meva i, teni pasova enamakin tenti disaiporo u yena ma narareve. ¹⁹ Yeni disaiporo u i, uware no yoni, newara i Jisasi yemi tiyi mena foni, yeni paso va yunami tesa enoni. ²⁰ Maro ayinka fi onimi, Beni kumanden nemini, 12 disaiporo u nama. ²¹ Ye acnan neva yomi, Beni macnin tiren tiyimemi, “Teni mana puka ukami ikenani te i macnin teko, mayan iken kikemi, temi mandan dekemi namuko u yiyampin yimin teno. ²² Umade ukami yiku nani untikanini, yeni maya mayan benka i macnin tireni inda eni, “Puka ukaneve, mini teya unove Iyeno o?” ²³ Beni yevekem macnin temi, “Mini Wainta iye i beni, ben ayam mandeken disikin tenama dante nafi, Mini Wainta manami temi man dandekem namuko u yiyampim yimin temi. ²⁴ Wanta Akai binte mi, macnem bani bayani uwanta Kaci, Aka, iyena tukuno ukami ti ankekive mini Wainta iye beni Wanta Aka i mandandeken namuko u yiyampim yimi nanineve! Awoku kuka mi batinove macne ma benano iyeva bem makananeve. ²⁵ Judasi, iye i bemi manadekem namuko u yimin tenafi, beni inda emi manin temini, “Tisa o amanka mini tenanan bante umpeve?” Jisasin bemi macnin tiren tamemi, “mini enafuni, ai tesevanove.” ²⁶ Pa ye acnanan neva yomi senifo, Jisasi breti mandem blesin uremi, Kidi eken yen yimi remi, macnin tiren temi, “Mandec nako minimi ten tum bemifo. ²⁷ Beni, waini mi mandeken kapi kimi remi tusu siremi, aka yemi yimiremi, macnin temi, “Ike umade nakove. ²⁸ Nevarafini, minimi i, Tenti uwon bemi, Contrakan arondemi, umaden iniya Wainta uyi numon yomandeke yinkenin amanka i bemi. ²⁹ Micni mua i, Teni ante ire ikemi tiyimenteko, Teni iye va i, amanka yeveke nantekove, mana waini yayaka ne, amanka mini nuram te yeveke oyam waini ikena ma nanuna i tenti fo ni Kindomi kimi.” ³⁰ Yeni mana icdaman kipareni, yerere yeni mapa Kundeni, aka yere reni Olivi Anufa i urenoni. ³¹ Icna yemi, Jisasi yemi macnin tiren tiyimemi, “Tenkake manan, ike umaden temi yyere sinkanako mi, nevarafi, baya ni bani bemi macnin tikmi, “Teni sipi sipi uti dafi sin waintam anami Ka ankara nani, aka, ye sipi sipi ui, mikim pai, dompino binteno.” ³² Aka icna yen te yeveke ukuke i, tena remi iken yere yin ka re i, Galili bonte u.” ³³ Aka, Pitan bemi tamemi, “Ec ano umaden mikim pa i, yami ruke yove, ne andandac enkimi kamapi inte nafi, teni iyeva mana amanka toyen emi amente u.” ³⁴ Jisasin bemi macnin tiren tamemi, “Puka ukane teni emi tamkeko, make mana ayufum manami, kokori iyeva baduru kanami, eni semi, eni iyeva i onakekoven tarifara ya i tin onaminive.” ³⁵ Pitan macnin tirem Jisasi mi tamemi, “Ec ano amanka teni enama i pukon tekove, teni iy en amanka en avic ayo fan teko. “Aka ena disaiporo u, yeyan do ba i micni baya nanan tenoni. ³⁶ Icna yemi, Jisasi beni disaiporo u nama i benonive mana makusapa i, mini maku avident Getsemani ke sapa i ‘oveni, aka beni macnin tirem yemi tiyime mi, “Ikeni manakaka i kuman taki ve, teni mac ya nifa ore i tuka mi munkon te u. ³⁷ Beni Pita nama tufava inta Jebedi akakanda nama i yivi manaremi ye acna mi benoni, aka beni kukandemi senifo, iyena akuna nama umana ma i mare moni. ³⁸ Icna yemi beni, yemi tiyimem macnin temi, “Ten tinduni iyena tikuna rukami unti kaka i, amanka, pukiim maki fa i beno. Micni muke mifo, ike acnane mana kaka beka i, yukam makec tenka baka i dafi sekive. ³⁹ Beni Kipaka nena keken oremi, ben oni maro Kun makafin demi, oka mi munke mi. Beni macnin temi, “Tenti fo o, macne mini onanan, manka fi en inave, afo, yoman dekeva mana uman Kapi mi ten ki mi benina danove, aka tenti tiyin taka inove, iyevake, e anana i, eni ayinta man va i bano. ⁴⁰ Beni disaiporo u bapai yeremi yonani, yeni yum barukeni bami, beni Pitami tameni, “Nevare tire i, eni iyeva okam made i tenkaba dafi sefonove mana auwakake? ⁴¹ Dafite okamunke i, eni amanka iye va. I, amamakanti yandi no na mi. Nevarafi, Spiriti i , micni va ni amone vami, aka en onbeni mi iyeva I eran duke minive. ⁴² Namba tuya i beni, yereren oremi okam mun ke mi, macnin temi, “Tentifo-o, amanka mana andanda iyeva amanka ten yesan kan nacma, te pa nanuna bana inte i, amanka ifo, ec anan eni ayintac manavac ba. ⁴³ Beni, oveken yeremi, yonanini yeni yunibake beno yo, nevarafi, yen yukami, yumbarar ase yini bemonini, ⁴⁴ Amankai, Beni yere yemi yeveken yinkaremi, Seni fo, namba taniya i, beni oremi okam munkemi bani, Senin baya nanan temi. ⁴⁵ Inca yemi, Jisasi ye disaiporo u bapa i yeremi yemi tiyimemi macnin temi, “Ike ac nami Panana i yumbake beka i yamun decbeka, a? Onako, Wanta Aka Manan deke numo Wainta u yiyampin yimina yon Kukakomi ac i yere nove.” ⁴⁶ Ukuka ike unama bo. Onakove, tem mandeken namuko u yiyampin yiminanim Wainta i, ac i acdeka i yereminove.” ⁴⁷ Be pa asem banimi sefo, Judasi mayan ye 12 fi disaiporo u bayon kikemi yemoni, iyena anankan dakan nama i yemini, anasi Wanta u yic heppri si uc nama het mani uc nama i yenonive. Yeni bainati va , yiruir andanda uc nama i yenoni. ⁴⁸ Make: mini wainta, iye beni Jisasin yen namuko uc yimin tenafi, beni, yemi tiyi mimi semi, mana maki dec, yoyika nakai, mini wainta manavai, ikeni oman pakakive, aka beni temi, Macnec iyen Wainta na i teni oreka i umac ontekafuni, mini wainta manami bantemifo, ikeni, bena i pakakive. ⁴⁹ “akaka ukami beni Jisasi baninka i yeremi macnin tirem benani temini, “Avoku ayufun ukaneve Tisa o!” Micni siremi senifo, beni Jisasin omar uma emini. ⁵⁰ Jisasi macnin tirem bemi tamemini, “Tikanda o, ne andanda uwara rara eni yefonove uwarano, “ Aka, akaka ukami yeni yereni yen yiyam mandekeni Jisasi banipa i deni bemi pake no yoni. ⁵¹ Aka Jisasin nama iye uya beyafoyoni, yekin kemi mayan akaka ukukam memi benic bainatin Mandemi senifo, mana hetprisi i yokam wainta akami akeye mini. ⁵² Aka, Jisasin bemi, macnin tiren tame minive, “Yevekeva, enic bainati danana benic makusin binove. Nevarafino, iye i, bainatin pakeyon bantim bantenafini, umani maran teminive baina tikake. ⁵³ Eni macnin tire indanaminive, Teni iyen amanka Tenti fo beni pa ba dura nan oranami, aka, Beni amanka iyena anankan dakan ensoro uc tiyin kana ye, yeman ten tasa seko vare? ⁵⁴ Aka, iken asaka i, Gotin ava yani tenkimi puka ampamin te nafini,, minive, munukimi Kamapikaci? ⁵⁵ Mini yamu Ii, yeni iyena anankan daka mi yeyouni, Jisasi macnin tiven yemi tiyi memini, “ikeye, bainative, aruir andandauc nama i, manare tevanafa i yeminove, mana umon wainta avika rani yeyon yiric monove? Teni umaden nurami Mamakimi Kumante bei, yakain bayayuc yime va umpove, aka ikeni iyeva i, paka eke i temi kalabusi omino. ⁵⁶ Aka, mini andanda uc i, yeni ne andavara I Kamapi enafi, ye Profeti uc yiva yani umancdena i puka mana va i kamapi i. “Aka, icna yemi umaden disaiporo uc i, yere ben anka reni mikimpa i, yerereni iya yeno. ⁵⁷ Iye uya yeni Jisasin pake yafoni, yo bemi avikeni benonive, iyena hetprisi Kaiapasi banipa inive. Mini avafa i, iyena Wainta va, hetmani uc nama i bakunteni, yeni dafite banoni. ⁵⁸ Aka, Pita i, yen yicna yemi yivakuren yemi, umademi yankakemi Mapa i, hetprisin amaka i yeremi. Aka beni yankakemi namumi umpe emi, namuko uc nama i unku mantaminive, Jisasimi ne andanda uwaran kante ya fonive. Mini ona rani ureminive. ⁵⁹ Yeni hetprisi uc nama umaden Kaunseli uc nama i, yeni mana in uma baua ya kani afakeno nive, yeni macnu reya Jisasin arurana pukino vani. ⁶⁰ Ecacno, amucno ukami, ucmac bayayuc tiv eni Jisasin Koti ankenofo, yeni amanka iyeva i, benic mana mandava afakenonive. Yeni micno vam i senifo, yenkinken, tufarami seyofo acmanka umac baya afakareni mini fo ni witnesic uc eni, ⁶¹ Macnin tenonive, “Mana Wainta i, Macnin tiren temoninive. Beni Gotini Manma ic anamikaremi, aka, yeveken tarifara dei andun timi uwaran teno.” ⁶² Aka, hetprisimi ukukemi, macnin tiren Jisasin tameminive. “Eni, iye vaka i, baya yuc duke i bekin inteva, yeni bayayu I, enani teyonukeve? Mini hac ukam bayaya i, yeni enani te yafono?” ⁶³ Aka Jisasi iyeva i mana bayayaba teminive micni mukami, aka hetprisi macnin tiren bemi tamemi, “Teni eram bayoni emi amekove Gotin avitin maya u macni sire tisimenove, Eni mini Kraistin, Gotii ni Wanta akaka befonove o iye va ka finove?” ⁶⁴ Aka Jisasin yevekem ben avaya ni bekin emi, macnin tiren tameminive, “Enafuni eni tesenanove. Aka teni emi tamekove, Maken eni onanona nove. Wanta Aka i, ayan akumpa i, kuman demi, pawa nama i inarun ayonta i, yintenove. ⁶⁵ Hetprisi mini indireneve, benic Korosin dakake mi beni macnin teminive, “Manami i, aman baya yukami nive! Nec benic anda, baka i, ike unama i, ena, ena witnesi ukan daba i, afa Kante Kafunive? Onakove, maken ike nafuni inda nove mini amanm bayani. ⁶⁶ Ikeni ikeni indirika i eka?” Yeni macnin tire ni yeveke baya bekin enonive, “Beni ac i, Pukim makika manam benove.” ⁶⁷ Aka yeni onti mi yikano kutireni, yeni yiyan kaka yanda i bemi arenonive. ⁶⁸ Aka yeni seni, “Eni, baya aman dare va tisi meno ve, maya uye, nevarafi, eni Kraistin bana nove. Mini, iye i emi arena finive?” ⁶⁹ Aka Pita i hetprisin amac mapa i, banisikimi Kumantanimi, aka mana yokav inini be baninka i yeremi temi, “Eni mayan yenkin kem banami nove Galili kena Jisasin nama i nokeyo ucsin keve.” ⁷⁰ Aka, beni ucmade yukanka i iyevaken tirem, macnin teminive, “Teni iye va i, onakekove, nevara i, ikeni bena ni tekatenove!” ⁷¹ Aka, beni yererem mapa banici onaka kundami, aka ena yokar inini bemi onare mi, iye uya i benama baya foni, yemi tiyimemi, macnin teminive, “Mana Wainta i, Nasareti Kena Jisasin nama no keni I nove.” ⁷² Beni uma bayani eran tirimuremi, promisi memi macnin teminive, “Teni iyen onakeko mini waintave!” ⁷³ Inca yemi, kamoren, ye acnanami ukukake ba yo uc ni, yeni yerere beni banin ka i yereni, Pita mi macnin tireni tamenonive. Pika ukaneve, eni mayan yen kinkem bana nove, iyen wainta uka i benama i noyafonive. Nevarafi, en ava ya yu i, Maya uni yoti kemi, eni mayam banaminove yenkin keve.” ⁷⁴ Icna yemi, beni manda ukam bayani tire mi, macnin teminive. “Teni iyeva i mini Wainta mi Onakekove,” Micni sevanim manami, Kokori i, akaka ukami bade mi nive. ⁷⁵ Aka Pita i, yembe kemi indemo ninive, Jisasin macnin tiremi bayani teninani, “Tarifa ra yac, Kokori iyeva baduraka nami, eni semi, iyeva i onakekove sinonaminive tenare.” Mini acna yempa i, beni yererem mapac kundemi, anon ifi kukami reminive.