¹ Mini nuram Jisasi beni disaiporouc nama Jerusalemi adeka yereni, yerere ni mana maku ni betparici olivi a anufaci undaomi, icna yemi Jisasi benic tupara disaiparokanda tiyinikemi. ² Macnintire mi tiyimemi, ikekanda yerere ena makusapa oreke, ikeyeve Tufara donkimi ona nakono mayami yampara donkimi bani nan toni damum kantenafo. Ikeyeve mini donkin kandavaci nan nausin narekaci mare tema yeko. ³ Yevekem wantauc ikenkac minivar indaici ikeyac tekaci ‘ yenove yokani mana konkinuka duke no Tirami, mini mainta i akakaukami danteno mini tufara donkin kandave. ⁴ Make mini andandauci ampamin teno acnani profetiuci teyone yevekem Jisasi macnin tirem i teno. ⁵ Marovaci saionin aramuna tameko, onako ikenya kimi yeno, beyani manan makafimi demi yampara donkin kaci kumandemi yeno. ⁶ Icnayemi beni disaiporou yerereni oreni Jisasi nevare tenafi mini avakureno. ⁷ Micnureni mini donkin nama ena yampafa donkimac marera niu davaravenci mini tufaren donkinkaci idami, Jisasi mini donkin kaci davaraveuci dami kumandemini. ⁸ Amucno iniyawaintauci yenyi davaraveuc anka dani aka macuno iniyaaintauc yayana akec yareni ankaci uviseno. ⁹ Icna yemi amucno iniyawaintaui Jisasi yesankani aka ena daimini bemi avakureni yeni badureni teni, iyenon avi yani ono Devitia akake! Amoya an kano, nevanafino beni iyenon avitimi yeno, iyenon avic yanic ono beni yanukam bave. ¹⁰ Micnuremi Jisasi Jerusalemi indemi, iyena taunikimi beyon iniya wainta amucna bayani terini macnin tir eni indaeno, mendan iyem wainta benafina. ¹¹ Iyena inya waintauci Jisasimi avakurake you ini yeveke yemi tiyimeni teni, miyive beni Jisasi beno. Beyeve mana profeti Galilic anduntimi Nasaretikem beno. ¹² Icnayemi Jisasi verenen dotumakin undemi unas waintau yonani ynanu ayac ure Sacinevayouni Tiyinkanini detumakinke kumeno. Undemi yenyt tevori uci monici dukeni senisin yimakenim arondemi, yevekem si a wanta dukemi mini kaci dovive tan numi sarinevayonuic nama aci aroremi ¹³ Yevekem macnintirem tiyimemii, Gotin av yani macnin tikeno, tintimaci benimi yukam muka maci bant eno, micni mukaci ikeyeve mini mandeke umom wainta ucyi makuyic mano. ¹⁴ Icnaye i yukam potikeyouya yiikara mandauke youyase dotu namum Jisasi bapa year omi yen yici amankafic uyinkemi. ¹⁵ Micnurami het pristiva indindukeyom waintauci lo kaci anatikeyouni onami amuno andandauci awokuku uvare vani oneno yeverkem mim nuram indami onakafu lotu makinke Badeni macnintevayo, Devintin ara avi yonicko. Tani, anon yiran ukami kemi. ¹⁶ Yeni Jisasimi macnin Tire Taweno, eni indanani ine, bayayaci wantau teyafo, yevekem Jisasi yemi macnin tire mi tiyimemi, eyo! Micnimukami, bani benim bay ani ikeni iyevaci onano, kapa intauc yofenama nami ne yon intaunamai ten tivici avokufic ureni yanicinteyo. ¹⁷ Icnayemi Jisasi yen yere yinkaremi mini mi Taunikin ke mapaci beno. Yereremi betenici mifa mana ayupumi ovareno. ¹⁸ Banurami aram pukonimi yererem mini tauni faci yemi ¹⁹ Yemi onami diwai fiki yani ayava faci iokanim i acnaka oremi onanimi mini yani iyevaci yunama bemoni anaucmana untikakemoni. Yevekem Jisasi mini yasaci mancintiren temi, iyevaci icnayemi yunami dano nano tiranimi, akaka ukami mini diwai fiki i acyankemi. ²⁰ Micnurami beni disaiporouc mini Onafeni, yeni yinducirureni macninteyo, ne andandaci micnui naci mana diwai fiki i akakauke acuonkena fino. ²¹ Jisasi yemi macnin Tirem tiyimemi, pukaukami Teni tiyimeko, ike birivice iyeva tufare indiri eke, ikeyeve iyevaci amankac uyaranakono neci mini yasici ampamenafino, micnimukami ikeyeve iyena andandauc mana uvaranakono, macnem mendan anuna tamo, mikake ukuke yerere iyena nompa kumono tinane,minive ampa miricmanan inteno. ²² Ne andandaci yukam muki intinkac mararar i indaintekafono ikeyeve bilivika ureka marako. ²³ Mini nuram Jisasi lotu namun undemi bayoni anasi wanta tiyimevanimi, hetmamiva, hetpristuci anasi wantaukaci antikeyouni yereni bempaci inda eni teni, eni ne nampa duke mana andandauci uvarefono, yeveke iyeci emi eyo i tirukayafono. ²⁴ Yevekem Jisasi yemi macnintiren tiyime mi, Teni mana indaini duke ikempa indaonteko. Micnure ike mana baya bekineke, yevekeci Teni ikemi tiyimenteko ne nampaci teni duke kaci mana andandauci uvarekafu. ²⁵ Mini nuram Joni i anasiwanta noman yinkemi, beni nampa i nafatena marena fi? Inarum patenafi o mana makakake na wanta kakenafi micnureni yenyirani bayani macninteno, yeveke ikeunoma te, inarumpake tiranami, beni ikeunama macnintiren tisiminteno, nevare tire kaci Jonini ava yani iyevaci birivic ekafono. ²⁶ Yeveke ikeunama te, mini i wanta kinkena yeno tiranami, ikeunamake pekanteko amucno iniya wantaukare nevarafino masiden Jonimi ona eke mana profetive teyo. ²⁷ Icna ayemi Jisasin avaya bekin eni teni, mayuni iyevaci indike tirami, Jisasi yemi macnin Tirem tiyimeno, teyabaci iyevaci ikemi tiyimente ko ne nampaci teni dukekaci mana andandauci uvarekafuno. ²⁸ Micni mukem ifo ikeni ne indirika ke kafono? Mana wainta i ben tufara intakanda duke mi. beni yereremi fesi inta bank aci ore mi temi, anintao, mukeukana waini anayofac oreva okano. ²⁹ Tesi inta yerekem temi, Tifonyokam mara ran Kevako tiremi, aka icna yemi beni indin senisiuremi yererem wain i anayofa yoka ram bemi. ³⁰ Icnaayemi mini wainta yererem sekani intakaci oremi mini bayan nana tamirami, yevekem sekani intantemi, Teni oreci yokanteko iyeno on tiremi, iyevaci wain anayo faci oren yokam maremi. ³¹ Mini intakanda yicbanaci iyeci ben afonic ayini yekandakinke avakure yafo tirami, yevekeni teni fes i intaven tiromi, Jisasin tiyime mi Temi, puka pa kaukami ikemi tiyimeko, iyeci Takisi marem yeveken manda pasini eni inini Gotini kindomi kimi iken yesankareni urinteyo. ³² Nevare tiren aci Joni i avoku banama ikem Pa yevanikaci ikeni iyeva bilivi ekafono. Micnurayomi Takisi marevayom wain tava yeveke manda pasini evani inini bemi birivic enoyo. Micni mukami payukami ikeni mini onareci, iyevaci yindum becdec temi birivic omi. ³³ Indekove ena bekam bayaye. Mana wainta beni maka afom bemi anayo kimi waint yocdemi. Beni kukuni ankaremi, aka waini dasamina yom maku ya baci uvandemi yevekem dafisim waintau yima baci iyenan uvaremi. Micnuremi beni anayo i Sarina animi iyeoi miniukac dafisenafi mini wainta kaci demi beni fe yererem ena kauntri faci bemi. ³⁴ Mini nuram yunam redic onimi beni maycon yokam waintauci tiranini yerere mini waini anayoci antikayafo tiyaci api yunam dainde yaci mare ben ameko. ³⁵ Iyen yokam waintaukaci mini waini anayoi dafise vayafo yeni yemi rimpasic ureni, ena evacareni aka ena aruman deni, ena onocbami ben naropaci acnenoni. ³⁶ Icnayemi maka afom ena yokam waintauci tiyin ke youyabaci. Micnurani iyenyaci waini anayokaci antevayafo bani eyom pasini mana muyinkeyo. ³⁷ Micnurami icnayemi, maka afo i benakakuka mi s ta ankanimi yererem yeni beyopaci bimi, temi arainaniyeni indinteyo mana ten tikakuka mi beno tinteyo. ³⁸ Micnuremi mini nura waini anayoka dafiseyom waintauci onenoni mini intayevani, yenyirani macnin Tireni baya Teno, mana intai benafoni andandauka antika yemi. Mifac, yika ikeunama arurekaci benafoni andandauc marano. ³⁹ Micnurni bemi waini anayokinkena ta ankaman mapadeni aruman pukenoni. ⁴⁰ Mini namaci waini anayo afomi yeremi beni ne uvanyinkantenafi mini waini anayokaci antike youni. ⁴¹ Yevekeni bemi tameni, teni, beyeve mini yokam waintau mandan uyan yinka remi, mini wain i anayoi ena daimisaci danani antinteyo. Iyeuyai mini yunami koreyaci dainde mare maka afoma umeyafo. ⁴² Jisasi tiyimemi temi, amanke ikeni iyevaci Gotin avayani onamino. Mana onobami Kapentauc yokankaci mandaic mukani yeni ecireyo mana onobaneve enuni yenyic mac kona posicmureni dukanove. Mini i iyenon ayintaci bemi mare enac meno mayu tukankake. ⁴³ Micnimukoci Teni i kemi tiyimeko, Gotive beni Kindomi rausina ekem enuni yiminteno iyeuyaci yunami danaci am pamenafi. ⁴⁴ Iyen iniyawaintoci mini onobam naro pate yandinte yafo yeni maro Kicdikicdi minteyo. Micni mukami, mini onobam kumem anasiwainta upu dacdene, mini iniyawaintauke maro manda kukaminte yo. ⁴⁵ Mini nuram net prostive Farasi mini bayani Jisasi bacden take ninani, yeyani indekeni beni ikeumana kani mana bayani teno tevano. ⁴⁶ Yeni ayani afakeno yoni bem erarure pakarace, micnureni onami amucno iniyawaintauci bani pekenoyo, nevarafi anasi wainta onami Jisasi beni mana profetim beminon Tevano.