¹ Inarun kindomi i manaci mukeno waini anayo afo yereremi banuranka oremi yokam waintau yifaakaranaaci beni waini ana yokim yokakovare. ² Icnayemi beni mini yokam waintau iyeuyaci waini anayokimi yokanteyafo mana dei kakena ayakani baya tiremi, beni tiyinkanini yerere waini an ayofacbenoyoni. ³ Beni naini kirokin yererem bemi onami manacon yokam waintauci maketi makusaci payukami ukukakevano. ⁴ Beni yemi tiyimemi temi, ikeyacba waini anayokina ore yokam mandakaci, ne ikeni amanka marantekafono, teni ikemi ayaconteko. Micnintirami yeni yerere yokan tapacbenoyoni. ⁵ Beni manaci mana temoni iyem waintaukaci icnayemi tuelfi kiroki nama tari kiroki ayinka nama yokeyouni mana yonaric manan emi. ⁶ Ena nuramaci faipi kirokin ayinkaci, beni yereren oremi yonanini mayacom waintauci pani bami, tiyimemi temi, nevare tirekaci mana dei payukam ukukake bekafono. ⁷ Yeni bemi tameni teni, iyevaci maya mayutivicda ci yokeko. Amankaino tiremi temi, ikeyaba tenti waini anayokinac ore yokako. ⁸ Micnuremi maro ayinkaficonimi, anayo afoi baya iyena waintauka demi temi, masicden yokam waintau yarareva yenyi aya yimeno. Mempa icnayemi yivikekunousa kevaci yime ure tesi fatena yokam waintaucbaci maron yimeno. ⁹ Mini nuram yokam waintau yereni, iyeuyaci ayinka faipi kiroki kukanda yokeyafo, masicde mana ayaci maranteyo mana nuran kakenave. ¹⁰ Yevekem bani yokevayom waintauci yereni, indekeni teni mayuni mendakaci demi ayaci Timinteno indiricmurami, iyenoi yeunamaci mana timiric manan mini nuran kakena yokantaci emi, ¹¹ Mini nuram yeni aya mandeni, yeni kukandeni waini anayo afomi asenoyo. ¹² Yeni macninteno, mini yokam waintauci icnayemi yokeyone, yeni mana avakac mana yodami, yeveke ikeunamaci ayaci mana timiricmana memi, mayuni eran yokani mana deikaci a tikevaci mareumpe. ¹³ Micnurami waini anayo afo yenkinke mayami Tamemi temi, tentikandao, teni iyevaci umani ameumpe. Eni iyevaci wanberic onamin o mana dei kakena yokarare. ¹⁴ Ne andandaci marefe eninda bemifo mare bono. Teni mana bayani tireci iyeuyaci icnayemi yeyafo mana ava mana yementekon tireci Tiimeucmpe. ¹⁵ Amanka teni iyevaci nampa dukeci mana bayani teni andandaukaci tenti tiyinta uvarante kafuno, yeveke amanka i keni iyevaci tentic avokuc Barani daikinamino nevarafi teni tentic tiyintaci andandauci manan yimeucpe. ¹⁶ Micnimukami icnayenukam yeyom waintauci acnaricini aka acnaric yeyom waintauci XX innayenic minteyo ¹⁷ Mini nurami Jisasi Jerusalemi undemi, beni Tuelfi disaiporouc nama uremi tirimemi temi, ¹⁸ Onako, ikeunamake makakaci Jerusalemi unda onane, yeyeve wanta akaci pakaekeni hetpristiva indinduke yom waintau yiyampimi deni, koci amireni bemi arumam pukinteyo. ¹⁹ Micnureni bemi avikeni maro Judaukc yiminteyauno, maro enu yiyampimi dami yeni manda baya tiankareni bemi manan yasaci iyenteyo. Micnurami icnayemi tarifara nuram baremi, beni yevekemi ukukanteno. ²⁰ Icnayempaci sebedin akakanda yenyino yivic maremi Jisasi bapaci yeremi, akodonan emi Jisasi bapaci mana andandavani indacmi. ²¹ Jisasi bemi tamemi, ne andandavaraci daikinevan tenimi, beni temi, amankakaci mana intakanda manan dayaci enama eni kindomikin Kumandinteyafono, maya ayan akumpa Kumandinaci eno ayan opa Kumandino. ²² Yevekem Jisasi tamemi temi, eni iyen indinkanano ne andandavaraci inda eteno. Ikeni amankakaci teni nanuna non Kapi ikeyaba nantekafono. Yeni teni amankaci nanteko. ²³ Jisasi yemi macnintiren tiyimemi, tenti Kapi nomi nanakomifo. Yevekem tentiyan akumpac nama tiyan opacnamaci tenit yolaraino, yevekem tentifoni andandauci bami anucarukemi iyeuyaci beni yimintenafino. ²⁴ Mini nurami ena teni disaiporouci mini bayani indireni, yeni anon umani mini untavani yimenoyo. ²⁵ Micnurami Jisasi yararemi temi maka yerekaci indeko, ikeni indinkamino hetmaniuke yemi ena daimini yenkaci antenone, yevekem iyenouni iyena yivici dukeyouni yenkabaci anteyo. ²⁶ Micnimukami iyevakaci mana baruci iken yibanaci bano. Mini nama iyeci iken yibanapate hetmani irarindenafino, beyeve tinaci yokam wainta kacino. ²⁷ Yevekem iyeci iken yibanapate fesicukarar indinenafino, beyeve tinani ikenyi yokam waintavacino. ²⁸ Manaicmukemino, wanta akaci benic yokam mararara Kumbenano, yevekem yokam Mandenaci anasi wainta yevekem yaum yimirenaci mandekenaci beyarik a rani Kumemoni. ²⁹ Micnureni Jeriko yerereni enafa boyoni amucno iniya wainauci bemiavakurenoyo. ³⁰ Mini avafaci utufara yikam potikam wainta Kanda onkaci Kumantano. Mini nurami mini wainta Kanda indiekeni Jisasi yeneve Seoni mini Kanda bacdureni teni iyena, Devitin akako, akuno timeno bendekave. ³¹ Mini baya indireni anasiwanta mini Kanda yisireni Teni ike waintakanda yofem mana kurebako tirani. Yevekeni mini waintakanda bacirureni teni, iyeno, Devitin akako, akuno bendeka timeno. ³² Icnayemi, Jisasi mika ukukemi yararen temi, ikekanda ne andanda uvan yinkano varakaci Tekafono. ³³ Mini Kanda Teni, iyeno, bendekasi tukan a antetinkaka tukam makarare. ³⁴ Micnurami Jisasi anon akumon mini Kanda yimiremi, afo ben ayami mandekemi mini wainta kanda ykandaci dami, akakaukami mini wainta kanda yic ykam anauyinkani yeveke yekandavaci bemi avakurenoyoni.