¹ ''Mutu kuwa ni dau lelewa, ke mutu na lewai. ² Ia na lewa mutu na vaveya, mutu na varautakiniya, ena varautaki tale vuwako mutou. ³ Ia i vei kodaki o tolaviya na malamala e mata o wekamu, o vo tasi numiya na kai mu mata? ⁴ O na kwaya vacava vo wekamu, mo liujiya re i mata na malamala vemu mata, o na daniya ni vo notu mu mata na kai. ⁵ Na dau vivakwaisini mo cavujiya re na kai vuwa mu mata, ia o qai daniya oka mai na malamala e mata o wekamu. ⁶ Mutu kuwa ni soliya na kwa tabu vuwadru na manumanu, se buiujiya na mataniciva e mata na vore, kedru butukiya bale eru la, qai vuki mai qai basuraki niko mutou. ⁷ Mutu kerekere ena soli vuako mutou. mutu vadaniya, mutu na tolaviya mutu tukituki ena dolavi mutou. ⁸ Ni vu daniya o kiya e kerekere, ni vu tolaviya o kiya e vadaniya, ena dolavi vuwa o kiya e tukituki. ⁹ O cei re vuwako mutou kodaki e kere madrai o luveya, ena soliya vuwa e kiya na vatu? ¹⁰ Se kere ika ena soliya vuwa e kiya na gwata? ¹¹ Ia kodaki, mutu vu kilajiya o mutou na tamata bura mutu soliya na kwa oka ve o luvemutou, evo gu valevu cake o Tamamutou me soliya na kwa oka vo rau eru kerekere vuwa? ¹² O kiya na kwa taucoko mutu okajiya me vaveya vuwako mutou na tamata, mutu vaveya talega ga vuwadru, ni vo kodaki nai vunau vuwadru na parovita. ¹³ Mutu unu ina matamata lailai ni vo rabaraba na matamata ni koro vo yaco yaji ke, evo lewe levu eru vo layaji ke. ¹⁴ Evu lailai na matamata ni koro, qai raba lailai na calevu, eru cava i na cola, eru lailai ga eru rewajiya. ¹⁵ Mutu qarauniko mutou oka mai nai vavuvuli cala, ru lamai vuwako mutou eru lamai vuwako mutou eru vaisulu me kodaki na sipi ia eru olifa daukata. ¹⁶ Mutu kilajidru eru yalo. Mutu na tomi vaini mai na wavavoto se na lolo mai na soni? ¹⁷ E kodaki ke na kai oka e vuwatakiniya na kwa oka, e vuwatakiniya na kwa bura na kai bura. ¹⁸ E jikai na kai oka e vuwatakiniya na kwa bura, se na kai bura me vuwatakiniya na oka. ¹⁹ Na kai taucoko e jikai ni vuwatakiniya na kwa oka, e dodonu me taka dei qei biu ina buka waqa. ²⁰ E dodonu me mutu kilajiya eru yalo. ²¹ E vu na tasi unu ina matantu valomalagi o rau eru kwaya 'Turaga, Turaga,' o rau ga ru vavea no na loma ni Kalou o kiya e nokoto no mai lomalagi. ²² Eru lewe levu eru kwaya ena siga igi, 'Turaga, Turaga, madu jikai ni vavuvuli takiniya mu yaca? madu jikai ni rovidru na nitu mu yaca?' ²³ Ia aqu na kwaya vuwadru, 'Aqu jikai ni kilajiko mutou! Mutu ladei, o mutou na dau vaveya na kwa bura!' ²⁴ Ikwe o kiya e varogo na kwa qu kwaya e kodaki na tamata vuku, e na vaveya leya were i na yataga ni vatu. ²⁵ Tau na luvu levu mai na wai, liwa na cagi ena jikai ni lutu na were, balejiya ni tauyavutaki ena vatu. ²⁷ Tau na luvu, levu mai na wai tubu cake na wai liwa na cagi qai vaburaburataki na were. ²⁸ Ni ru cava qai jiniya na leya tata o Jisu, aqu kurabui na leya vavuvuli. ²⁹ Ni a vavulicidru me kodaki o kiya e notu ga vuwa na lewa, qai jikai ni kodaki na ledru vunivola.