¹ Na gauna igi a lamai vo Jisu o rau na jisaiveli a tarogiya, ''O cei e levu cake mai na matanitu va lomalagi?'' ² A covidru mai e kiya na i luve lailai o Jisu, a vatuniya na kedru vimama, a kwa, ³ au qu vo kwa vaijina vuwako mutou, kodaki mutu tasi saumaki mai, me kodaki na i luve lailai ikwe, o kiya ga e levu mai na matanitu va lomalagi. ⁴ O kiya e va malumalumu takiniya me kodaki na i luve lailai ikwe, o kiya ga e levu mai na matanitu valomalagi. ⁵ O kiya yakiya e okajiya e okajiya na i luve lailai kodaki ikwe e vuku qu yaca, e okajiko au. ⁶ O kiya e vacalaniya e kiya vuwadru na kwa yalai kwe e ru vabaujiko au, e oka vuwa kodaki e va rubeniya e domo e kiya na vatu qaqi levu, me va dromu na vanuwa nubu. ⁷ E bura o vuravura i na vuku ni vacalai e dredrei sara me yaco mai na vi vacalai, e bura vuwa na tamata me vayaconiya na vicalai. ⁸ E kodaki e vacala niko mu lima se mu la, musukiya dai, dainiya dai vuwako e oka vuwako mo unu i na cola e kiya mu la se e kiya mu lima, e bura me ruwa mu lima se ruwa mu la mo biu i na guto mudre tasi mudu. ⁹ Kodaki e vacalaniko mu mata, liujiya dai kau dai mai vuwako, e oka vuwako mo lai i na cola ni kiya ga mu mata, e bura me ruwa mu mara o qai biu i eli e mudre ke na quto. ¹⁰ Mutu lewa iko mutou oka me mutu kuwa ni beciya e kiya vuwadru na kwa yalai ikwe, a qu vo kwa vuwako mutou, na ledru agilosi mai lomalagi e ru vo tolaviya no ga e mata o Tamaqu e nokoto no mai lomalagi. ¹¹ E vo lamai na luve ni tamata me va colaniya o kiya e lavele tu. ¹² Mutu lewaiya kodaki i vai? kodaki e kiya na tamata e kiya na drau na leya sivi, a vo lavele e kiya e jikai ni rewa ni dainidru tu na ciwasagavulu ka ciwa, a la yaji i na vi yataga me lai vadaniya ke o kiya e lavele tu? ¹³ Kodaki e vo daniya, a qu vo kwa vaijina vuwako mutou, e marau valevu balejiya la sivi ikwe, e valailai ga balejiya na ciwasagavulu ka ciwa e tasi lavele. ¹⁴ E kodaki tale ga ke o Tamamutou e nokoto mai lomalagi, e tasi okajiya me lavele e kiya vuwadru na kwa yalai ikwe. ¹⁵ Io kodaki e valavala ca vuwako o wekamu, la vunaucijiya ni muru no vata no ga, kodaki e varogo na kwa o kwa o vo qai rewajiya o wekamu. ¹⁶ Kodaki e tasi varogo, me kiya se me ruwa me mutu qai lavata, me vajinajinataki na tata taucoko ga ve gusu na dau tukutuku e kiya se ruwa se tolu. ¹⁷ Kodaki e tasi mata varorogo jidru, kwa vuwadru na i soqosoqo lewe ni lotu, me kodaki na tasi lotu me kodaki o kiya na dau soqonijiya na i vacavacava vuwako o kiya. ¹⁸ Qu vo kwa vaijina vuwako mutou, na kwa taucoko mutu vaucijiya i vuravura e vauci muni mai lomalagi na kwa taucoko e sereki mai vuravura, e sereki muni mai lomalagi. ¹⁹ A qu kwa tale vuwako mutou, kodaki e ru ruwa vuwako mutou e yalo vata mai e na vayaconiya o Tamaqu e nokoto mai lomalagi. ²⁰ Na vanuwa e ru no vata ke e ruwa se tolu e qu yaca, a qu vou no i na kedru maliwa. ²¹ A qai lamai vuwa o Pita, a kwa lequ Kalou me valavala ca va vica vuwako au o wekaqu mequ kuwa ga ni ocajiya? me va vitu? ²² A kwa vuwa o Jisu, ''A qu tasi kwa vuwako me va vitu ga, me va vitusagavulu ka vitu. ²³ O kiya ga ikwe e vatauvata niya ke na matanitu valomalagi qeiniya e kiya na tui a vo mata tarogidru ke na leya na tamata. ²⁴ Vo vatekivu o kiya me vatarogiya, a qai kau mai vuwa e kiya e vo jini na udolu na leya taleji e vo tasi saumiya. ²⁵ E vo jikai vuwa na me saumiya ke a vo kwa na leya turaga me vo volitaki o kiya qeiniya na leya yalewa, qeinidru o rau o luveya, qeniya na kwa taucoko ga e no vuwa me saumi ke. ²⁶ A qai cuva bale na tamata, a masujiya, a kwa, o mutou na Turaga, mutu vosojiko au ga re, aqu na qai saumiya taucoko ga vuwako mutou. ²⁷ A vo qai yalo oka mai na turaga ni tamata igi, a vo serekiya a qai dainiya me kuwa ni saumiya. ²⁸ A vo lai rara na tamata igi, a vo tolaviya sara e kiya o wekaya, a tasi saumiya vuwa e kiya na drau na pene. A qulumiya a modrokiya, a kwa, saumiya re voko au na lemu i jinau. ²⁹ A qai cuva bale o wekaya ve la, a vamamasu, a kwa, ''Mo vosojiko au re aqu na qai saumiya taucoko ga vuwako.'' ³⁰ A duwa o kiya a vo la a biujiya i were ni vivesu, me saumiya re na leya i jinau. ³¹ O rau na leya i tokani ni ru vo tolaviya na kwa e vo vai, a ru vo rarawa valevu. A ru volai kwa vuwa na ledru turaga na kwa taucoko e vai. ³² Na leya turaga o vo coviya mai, a kwa vuwa, Tamata bura a qu vo serekiko mai na jinau levu iqoi, o masujiko au. ³³ E tasi dodonu vuwako mo yalo oka vuwako mo yalo oka vuwa na lemu i tokani me kodaki na lequ yalo oka vuwako? ³⁴ A vo oca na leya turaga, a vo soliya vuwadru na i vatawa ni were ni vivesu me saumiya taucoko sara na leya i jinau. ³⁵ E na vaveya tale ga vuwako mutou o Tamaqu valomalagi, kodaki mutu tasi serekidru o rau o wekamutou mai mu vu ni yaloga, i na ledrui sau na kwa bura.