¹ Na i vola ni leya i tukukutu o Jisu Karisito, o luvea o Tevita, o luvea Aparama. ² La momo o Aisake o Aparama, la momo o Jekope o Aisake, ledru momo o Juita o rau la tutua o rau la tacini o Jekope. ³ Ledru momo tale ga o Feresi qai niya o Sera o Jiuta, ledru nene o lemai la momo o Esiromi o Feresi la momo Erami o Esiromi. ⁴ La momo o Aminatapi o Erami la momo o Nasoni o Aminatapi, la momo o Salimoni o Nasoni. ⁵ La momo o Poasi o Salimoni, la nene o Reapi, la momo o Opeti o Poasi, la nene o Ruci, la momo o Jese o Opeti. ⁶ La momo o Tevita na tui o Jese, qai niya la momo Solomoni o Tevita na tui, la nene na lewa a lea o Uraia i mata. ⁷ La momo o Riopoami o Solomoni, la momo o Epaia o Riopoami, la momo Asa o Epaia. ⁸ La momo o Josafati o Asa, la momo o Jorami o Josafati, la momo Usaia o Jorami. ⁹ La momo Jocami o Usaia, la momo Aasi o Jocami, la momo o Esekaia o Aasi. ¹⁰ La momo o Manasa o Esekaia, la momo o Emoni o Manasa, la momo o Josaia o Emoni. ¹¹ La momo o Jekonaia qai nidru o wekaya o Josaia ni vo yaco na gauna aru kau ke i papiloni. ¹² Aru vo la jini i Papiloni, a qai sucu o salacieli, la momo o Jekonaia, la momo o Serupepeli o Salacieli. ¹³ La momo o Epiuta o Serupepeli, la momo Elaiakimi o Epiuta, la momo o Asori o Alaiakimi. ¹⁴ La momo o Setoki o Asori la momo o Akeimi o Setoki, la momo o Iliuta o Akeimi. ¹⁵ La momo o Iliesa o Iliuta, la momo o Macani o Iliesa, la momo o Jekope o Macani. ¹⁶ Io o Jekope la momo o Josefa na leya yalewa o Meri o keya a sucu mai vuwa o Jisu, o kiya na Karisito. ¹⁷ A vo qai jinikava nai taba tamata taucoko me tekivu vata vo Aparama me yacoviya sara o Tevita, ia na i taba tamata e jinava o rau eru tekivu vata o Tevita me yacoviya na leya la cake i Papiloni, me yacoviya na Karisito. ¹⁸ Io na leya sucu o Jisu Karisito, eya musu i mata o Meri na leya nene vuwa o Joseva, iya ni bere niru no vata avo cere vuwa na bukete mai vuwa na Yalo Tabu. ¹⁹ Avo yalo dodonu ke o Joseva na leya teigwane, avo tasi kwa avo buijia lo tu ga. ²⁰ Io ni vo va numiya no o kiya na kwa ikwe, qai kiya na agilosi ni Turaga e vatakiya vuwa e kiya nakwa ina tadra qai kwaya i Joseva lai luve o Tevita, kuwa ni mataku ni kau vuwako na lemu yalewa o Meri ni vo tabu mai vuwa na Yalo Tabu na kwa e kunekune takiniya. ²¹ Io e va sucu niya o keya nai luve teigwane, mo va yacaniya ke o Jisu, nio o kiya ga ena vacola nidru mai na tamata mai na ledru i varau bura. ²² Io vo yaco taucoko ga, me vayacori ke na tata ni Turaga igi a kwa na parovita, ²³ ''Tolaviya ena bukete e kiya na vulau ena va sucu niya keo Imanueli'' keya i balebale, ''na Kalou e no qainiko datou.'' ²⁴ Ni vo yadra mai Joseva a qai lai vaveya na kwa e kwa vua na agilosi ni Turaga, a meya vuwa na leya yalewa. ²⁵ Aru tasi no vata, a vo sucu re la ulumatua na teigwane, a va yaca niya ke o Jisu.