¹ Oji ikwe a qai tara ekia na ledru soqo na Jiu, a qai ladake ke o Jisu i Jerusalemi. ² I Jerusalemi ina mata ni bai ni sipi e nokoto ke ekia na tobu wai i vato kai no va Iperiu na Pecesita, e lima ka were e tara tu. ³ Kia na wiliwili levu ni tamata evu tauvimate mataboko lokiloki se paralase aru daro tu. ⁴ E dau yaco na gauna dau labale mai ke na agilosi ni kalou dau ma va yavala jia na toki wai, na matai ga ni tamata e toni yaloga ena vacolai vitalia na mate cava e tauvia tu. ⁵ E kia na tamata e vo tauvimate tu e tolusagavulu ka walu na yabaki a daru tu. ⁶ Na gauna o Jisu a tolavia ke na tamata ikwe ni daro tu, a qau kilajia mai ni o kia vo balavu la daro tu, a qai tarogia ekia na taro, “Okio o okajia mo cola?” ⁷ A qai saumi yaji la sau ni taro, “Isaka e tasi kia e mata vukeiko ai mequ lai toni vena tobu. Na gauna mequ loyaji toni na tobu e kia tala na tamata ena vo simata vokoau. ⁸ A qai kwa vua o Jisu Tucake, qulumia lemu darodaro o yato ⁹ Na gauna vata noga igi a vacolai ke na tamata ikwe, a tucake qulumia la darodaro a taubale, iya na siga igi na sigatabu ¹⁰ Okuru na Jiu aru qai Tarogia na tamata vacolai “Nikua na Sigatabu e Tabu ke na qulumia wavoki lem yayani daro” ¹¹ A qai saumia yaji na ledru taro “Okia a vacola niko yau a kwa vokoyau mequ tucake mequ qulumia lequ yaya ni daro qu yato” ¹² Aru qai taragia “Ocei na tamata a kwa vuako mo tucake mo yato?” ¹³ Iya na tamata a vacolai atasi kilajia ocei a vacolania balejia o Jisu a oji ga igi a vo valutulo balejia a levu na tamata aru vo oso yaji ¹⁴ Vo oji e vica na gauna o Jisu a qai sota qanea tale na tamata vacolai i were nilotu a qai kwa vua “Oiko o vo vacolai o vo sereki kua tale ni o tara ekia na kwa e tasi kodaki na yalo ni kalou kodaki e jikai na qai kia na kwa e yaca vuako. ¹⁵ Na tamata ikwe a qau lai kwa vuadru na Jiutia ni o Jisu a vacolania. ¹⁶ Mai na veikwa taucoko ikwe aru qai vaburabura nia o Jisu okura na kwai Jiutia balejia na kwa a vayaeonia ni ja sigatabu. ¹⁷ A qai saumia yaji vuadru o Jisu, “o tamaqu e vayaco kwa no ga re makwe o au muni qu cakacaka muni makwe. ¹⁸ Aru qai oca na kwai Jiutia aru qai kwa meru vamatenia balejia ga ni tasi voroki na lawa ni sigatabu iya aru numia muni ni varivariva cia no na kalou. ¹⁹ A qai kwa vuadru o Jisu o jina, jina, nai ni kalou, na luve ena tara ga na kwa e tara no o Tamaya ²⁰ Na kalou ena lomania lai luve ena varaitakinia vua na veikwa taucoko e tara ga vainia, vata ena varaitakinia vua na veikwa oka taucoko ona kuvabui ke. ²¹ Na kalou talega e vacola nidru mai na mate solia vuadru nia cegu ni cola iya erewa ni tara muni igi nai luve ni Kalou. ²² Na Kalou e tasi valewaia ekia na Tamata, iya vo solia taucoko na lewa ve lai luve. ²³ Balejia o kuru na tamata meru dokaia nai luve ni kalou kodaki ga ru dokaia na kalou. Okia ga e tasi dokaia se tasi rokovia na luve ni lalou igi e tasi vokovia muni na kalou ²⁴ Jina, Jina okio ga e rogocia lequ tata qai vata e vabaujia ena rewajia na Bula lawamudu vata ena tasi laiocaji. ²⁵ E jina, e jina na gauna e vo voleka mai na gauna eru na vogocia ke e domo na luve ni kalou na tamata mate vata okuru na cola tu eru na vacolai mai. ²⁶ Na kalou e vacolania ga vainia e solia talega ve lai luve balejia me rewa ni vacolania ga vainia. ²⁷ Na kalou e solia talega na lewa ni veilewai ve lai luve me rewa ni lewaidru na tamata ²⁸ Na kwa ikwe me kua ni karaciko balejia na yaco mai na gauna okuru na daro tu na bulubulu eru na rogocia ma e domo. ²⁹ Eru na qai juna mai rara. Iya okuru na vatulewa donu eru na tucake tale meru vacolai iya okuru na vatulewa cala eru tucake tale meru lai ocaji. ³⁰ Aqu tasivewa ni tara e kia na kwa balejiko yau niqu rogocia aqu soli lewa kodaki qu na tasi tekecia lequ lewa, qu na tekucia ga la lewa e Tamaqu ³¹ Kodaki qu kwa kia na kwa balejiko au ena tasi jina na kwa qu kwa. ³² Ena kia tale ena kwa kia na kwa balejiko au iya na kwa e kwa ena jina. ³³ Oika o vo vakau mai vo Joni o Joni vo kwa mai na kwa jina ³⁴ Nai tukutuku qu rogocia e tasi lamai ve na tamata Qu na kwa ikwe me rewa ni taqamaki niko. ³⁵ Okia iqoi na kakarama e dau caudre e dau qai mudre mai iya mutu okajia me wawa valailai me mutu rewa ni mavau takinia ³⁶ Iya nai tukutuku e nokoto vokoyau e oka cake sava mai ve nai tukutuku e nokoto vo Joni, na cakacaka e solia mai vokoyau o Tamaqu qu na vaojinia, na cakacaka ga e solia mai vokoyau o Tamaqu qu na tara. ³⁷ O tamaqu okia a vatalajiko yau mai a vo kwa oji na kequ i tukutuku Sibere ni kia e rogocia e domo se dania e mata. ³⁸ E tasi nokoto vuako e kai rogorogo edomo balejia o tasi vabaujia no okia e vatalajia no mai ³⁹ O vadania nai vunau balejia o numia ona rewajia kece na bula tawamudu vata nai vunau vata no ga iqoi e kwa no na kequ i tukutuku. ⁴⁰ Oiko o tasi vatavai mo layaji vokoyau mo vadania yaji na cola. ⁴¹ Aqu tasi ciqomia na vayaloqaqataki mai vuadru na tamata. ⁴² Iya qu kilajia e no qaneko mutou no na loloma ni kalou. ⁴³ Aqu la no mai ikwe qu kau no mai e yaca o tamaqu o mutou mutu qai tasi ciqomiko yau, ke kia tale a la mai me kau ga mai e yaca mutu na ciqomia. ⁴⁴ Mo vabaujia vacava nio. Eiqomia mai na vayalo qaqa taki mai vuadru tale na tamata iya mutu tasi ciqomia na tata e lamai vua na kalou? ⁴⁵ Kua ni o numia mequ lamai o yau me rewataki ke lemu sau ni tavo oiko vua na kalou. Ioia ga me saumia taro o Mosese, okia vo biujia ke lemu vabaujia. ⁴⁶ Kodaki o vabaujia o Mosese dodonu mo vabaujiko au muni, balejia okia a volaia na lequ tata. ⁴⁷ Kodaki o tasi vabaujia na kwa e volaia, o na qai vabaujiko yau vacava?”