¹ O au o Jemesa, nai talatala ni kalai qeniya na Turaga o Jisu Karisito vo loloma yaji vo rau na yanisa e jinikania eni duinseyaki. ² O kemutou o wekaqu, mutu numiya me kwa hi marau sara, ni mutu vo lutu ina lau na kwa vo dauvivalovo la. ³ Ni mutu vo kilajiya vo vatubuniya na dauvosojiya na vivatovolei ni lemutou vaaujiya. ⁴ to me jini oka na cakacaka ui dau vosojiya, me mutu oka tancoko sara ke, me kua ni kia na kwa e lavele. ⁵ to kodaki e vo lailai na vuku nia e kiya vuako mutou, me kereviya nia na kalou, o kiya vo solia valevu vo rau taucoka ga na ecolo, e vo jikai ni dauvivadindeiui i ena soti ga nia ⁶ to me revereve ina vabaujiya, me kua ni vajijiqu, vo kodaki va ua ni waitaci, vo caginiya ina cagi qai vitabuyaki. ⁷ to me kua ni numia na ecolo igi ni na rewajiya e jia na kwa mai wa na Turago. ⁸ na ecolo e lomalomama, vo yamekemeke ina leya ivalavala taucoko ga. ⁹ to me marau na ecolo dravudravuwa ina leya lareji cake. ¹⁰ qeniya o kiya e vutuniyau, ina leya malumatumu mai: ni na oji ya okiya me kodaki na se ni mau. ¹¹ Ni vo cabe cake na siya qeniya na cagicagi katakata, vo varaqosa- Takiniya sara na mau, a vo mira e se, a vo searu na kea rairai oka: ena malai yaji kodaki ke na tawata vutunijau ina lea ivalavala. ¹² E kalougata na ecoto e vosojiya ni vo vatovolei io, ni vo vatovolei oji, ena rewajiya na isala ni colo okiya vo yallatakiniya na Turaga vo rau eni vo lomaniya. ¹³ Ni vo dauveretaki e kiya, me kuo ni kwaya, vo dau veretakinko au na kalou: ni vo jikai ni dauveretaki vewa ra kalou ira kwa bura, a vo jikai ni dauveretakiniya okiya e kiya na ecoto. ¹⁴ l O vo daureretaki na tamata yakiya, ni vo vacalaniya na leya garogaro bura qai bacauitakiniya. ¹⁵ Ni vo qai bucibucini ra garogaro bura, vo rasucuniya na ivalavala ta bura: a vo oji ra ivalavala bura, vo qai vasucuniya na mate. ¹⁶ Mutu kua ni cala, o kemuou o wekaqu lomani. ¹⁷ Vo la mai iyata na isolisoli oka taucoko ga qeniya na isolusoli yaga taucoko ga, a vo la bake vua na iyalajalo ni viyatoyaki. ¹⁸ Vo vatubuniko olatou okiya ina leya lewa ga ina kwakwa ni djina, medu kodaki na isew ni vikuea vo bulia o kiya ¹⁹ O kiya ikwe, o kemutou o wekaqu lomani, me mutu vawatoto yakiya ni varorogo, me mutu berebere ga ni kwakwa, me mutu berebere talega ni oca. ²⁰ ni vo jikai ni vatubuniya na kwa e dodonu ma na kalou na oca ni ecolo ²¹ O kiya ikwe me mutu qai biujiya dei na duka qeniya na kwa bura e levu tu, me mutu vabaujiya ina yalomalua na kwakwa vo tei vuako mutou, igi vo vacolaniya rewa mutu yalo. ²² Lo mutu tekuciya ni kwakwa mutu kua ni rogociya botoga, qai vakaisinitakiniko mutou vainiko mutou. ²³ Lo kodaki e kiya e vo rogociya botogana kwakwa qai jikai ni tekuciya, vo tautauvata ga qeniya na tamata e lai jidroriya e mata ni yago ina iloilo ²⁴ ni vo lai jidroriya, a vo qai la dei yaji, a vo numide iniya vasauri se vo kodaki ivei lai valavala e yago ²⁵ Lo o kiya vo tolariya vamatua va irunau oka oka sara, na vurau ni visereki, qai tudei ke, vo jikai ni daurogociya qa numideiniya, io vo vavea talega na cakacaka, ena kalougala lae okiya ikwe ina leya cakacaka ²⁶ kodaki e kiya vuako mutou vo numiya na latu, lo qai jikai ni taroriya rewa e yame, e vo dauvivakaisini talega e yalo, vo kwa wale na leya latu na ecolo ikwe. ²⁷ Na lotu sarasara e jikai ni cala ina mata ni kalou o Tamada vo kodaki ikwe, me vo tolavidru na luveniyali qenidru na yada, ni ni vo varawa, me vo qarauniya talega me kuwa na tauriya na duka ni kwa vavurawra.