¹ Okeyo igi, nivo no wavoki jiko datou tu nai wiliwili eru ni vikwa eru notu vedu tutu meru jiya i vadjinadjina, medu biujiya vatutu na ledui dagidagi qai niyo nai varoa bura du dau vesu rewarewa ke. Medu togo noga vitatiya na dredrei enotu vedu mata. ² Medu varorogo vuwa o Jisu, na dau nivi vatau wkotaki ena lodu vabaujipa. Ia na vivamarou taki eya biu vemata, e vasojiya na varawa ena kauvelatai, vigaliya ga na maduwa, eya tadra enai tadratadra elima imatau na kalou. ³ Bou vakaramataki niya, leya vasojiya na rarawa na leya bijiya vuwa me dagi takiya vainiya, me balejiya botogo mo kuwa ni vakasama varua moqai sese. ⁴ Medu na vorajiya se unuviya rewa na rarawa me yacoviya sara na vanuwa mo dra ke; ⁵ Iyo nidu vo umidainiya na leya ni vivayalo qwaqwataki niko datou medu niya lai luve: “Luvequ kuwa ni qulu vainama na leya vivavulici na Kalou, iyo medu tubu valeva ena leya vivadodonutaki mai Vuwa.” ⁶ Iya na Kalou ena vivavuliei ga vuwadru e lomanidru, 10 evavulicidru taucoko na leya iluve e ciqomidru. ⁷ Qulumiya qata nidu vavulici. Na Kalou e wilikiko datou me niya lai luve. Ocei nai luve eva Momo me qai jikai ni vavulici. ⁸ Iyo kodaki da tasi vavulici, na tamata taucoko du wasekiya vata, nick jikai ni tekuoya na lewa edu vo jikai muni ni niya lai luve. ⁹ Iya na keya ikuri, eno na ledu Momo vayago okeya edau vivavulici vuwako datou medu rokovidru talega. Me qai vacava sara soko na ledu soliko datou vuwa na ledu Momo vayalo ecolo! ¹⁰ Na ledu Momo vayago vavuliciko datou ena gauna lekaleka ni ledru numia e oka igi. Iya na Kalou e vivavuliciko datou ena ledu tuou, erewa nidu vai votavota ena leya savasava. ¹¹ Ni jikai na vivavulici ena vigauna e soliya na marau, iya me solia na tavutu. Iyo mai bere e solia na vuani vacegu ni yalododonu mai vuadru nakeya vo eru vavulici ke. ¹² Iyo mo vaqwaqwataki niya mu lima nivo malumalumu mai qai niya mu turu ni malumu. ¹³ Taubale vemu la ena calevu dodonu, iya me kua ni sese na laiyatoyato na qelo me vacolai ga. ¹⁴ Meno vuwako datou yakia na vacegu, na savasava, ni jikai ikwe duna jikai ni dania na kalou. ¹⁵ Mutu qaqarauni me kuwa ni kiya vuwa ko mutou me lutu dai mai na loloma ni Kalou, me kuna ni tubu vuwako mutou na yao ni viavialevu ena vavunia na leqwa, okeya igi medu kuwa ni vaburaburataki ke. ¹⁶ Okeya igi etasi kiya vuwako datou ei tovo savasava se tasi dodonu, me kodaki o Isau, okeya eya volitaki niya na leya ulumatua ena kiya na veleji na cawa. ¹⁷ Iyo qai numiya mai bere, na gauna e vanumiya ke medu taukeni jiya navi vakalougatataki, iyo duwa duarakinia maivua, balejilya ni daniya ejikai nidu tekucia na calevu nivi vutuni, edjina ga nakea calevu na tagi. ¹⁸ Nidu sibere ni yacoviya yaji na vatelaga e yewa ni lai butuki, na vatelaga e mudre tu, e gilogilo, e bagi tu, qai cogi laba. ¹⁹ Nidu tasi donumaki niya mai na rogo ni davui, qai niya na rogo ni domoni kwakwa vuwa okeya e varogo e kerevia me kuwa tale ni kiya tale nakwa me lai kwar vuadru. ²⁰ Niru jikai ni rewajia nakwa elai kwai vuwadru: “Iya kodaki e kiya vuwadru na manumana e butukiya na vatelaga, e doclonu me virilaki.” ²¹ Kiya nakwa na leya vamataku nakwa e laidani ni kwa o Mosese, “O yau qu mataku vata qainiya qu qai saqanini.” ²² Iya nidu vo lamai na vatelaga o Saioni igi na leya tauni na lea inono na Kalou colo, i Jerusalemi nai nono valomalagi, e jini vaoba na agilosi eru vaokaoka niru tuva tu. ²³ Edu vo lamai vuwadru nai soqasoqo ni ulumatua, orau navo-volai tumai lomalagi. Edu vo lamai vuwa na Kabu, na daunilewa nikwa taucoko, orau na yalododonu yakia ikwe oraci navo-vataucokotaki tu. ²⁴ Orau evu vo lamai vuwa o Jisu, na dounivadewa ni viyaloyalaji vou, e okacake nava miriki ena dra kaburaki maivua edra o Eveli. ²⁵ Varorogo kuwa ni duwaraki nia okea e kwakwa no yaji. Iyo kodaki eru tasi tuba rewa maivuwa okeya eru duwaraki niya meru vuki vatutu mai vuwa okeya e kwakwa nomai lomalagi. ²⁶ Ena kiya na gauna, e sakure na vuravura na gauna erogo ke domo. Iya na gauna ikwe e kwakwa yalayala qai kwa, “Ena yaco tale kiya tale na gauna ena kurejiya na vuravura, qai niya na lomalagi talega.” ²⁷ Na kwakwa ikwe, “Kiya tale boto na gauna,” kai bakbale ena karejia, igi navi kwa eya vai, iya navikwa etasi sakure ena notuga. ²⁸ Iyo igi ga, nidu ciqomiya na matanitu ejikai ni sakure rewa, medu qai vaokaoka ena leya ivarau ni vaokaoka vuwa na Kalou ena yalomatuwa qai nia nidu mataku. ²⁹ Na ledu Kalou okeya na quto mudremudre.