¹ O rau ikwe na parofita a tata ke i mata na Kalou vuwadru na qase, ina levu na gauna, qaneya na levu ni varau. ² Ia o keya ikwe o luveya a tata ke vuwako datou o keya, ina gauna mai bere ikwe, o keya a lesiya me jiya i taukei ni kwa taucoko. O keya a buliya muni na vuravura taucoko. ³ O keya ikwe evo serau ke na keya kakarama qaneya na leya i yaloyalo ni leya i tovo. E tokoniya muni na kwa taucoko ga ina leya tata mana, e nokoto no ke lima matau o keya e levu mai yata, nivo bokociya dai na ledu i valavala ca. ⁴ Ni vo yaco me uwasivi cake i vuwadru na agilose, e taukeni jiya na yaca e uwasivi jidru eru yaca. ⁵ Io o cei re vuwadru na agilosi me kwa vuwa ina kiya na siga o keya, "Lequ i luve o iko, aqu vatabu niko ina siga ikwe? a kwa tale, "O au ikwe o tamaya o keya ikwe na lequ i luve? ⁶ Io nivo meiya mai na ulumatuwa i vuravura, a kwa, "Me ru cuva vuwako o rau taucoko na agilose ni Kalou." ⁷ Ia me balejidru na agilosi a kwa ke o keya, "O keya a vaveya ke meru jiya cagi na leya agilosi, o rau na leya talatala meru jiya bukawaqa." ⁸ Me balejiya ga la i luve, "E na jikai ni mudu rewa na lemu i nono vaturaga, me tawa mudu. Na toko ni valavala dodonu na lemu i toko ni matanitu. ⁹ Ni o okajiya na varau e dodonu, o burajiya na i valavala ca. Ia, e lumujiko mutou ke na Kalou, na lemutu Kalou, ina waiwai ni reki mo mutu uwasivi cake ke vuwadru na lemutu i tokani." ¹⁰ I na vatekivu, Turaga, mutu a tauyavu takiniya ke na vuravura. Ia o lomalagi e mawe mu lima. ¹¹ Ia eru na rusa mai, ia muru na cola no ga. Eru na madra mai me kodaki na sulu. ¹² O na lobiya muni me kodaki na tutuvi, me vaisosomitaki. Ia o muru na kiya kiya no ga, ena jikai ni mudu na lemu viyabaki. ¹³ Ia o cei re na agilosi me kwa ina kiya na siga, "Mo nokoto no ga qu lima matau, mequ na lesidru oji re o rau kequ meca me jiya i tutu qu la? ¹⁴ Eru jikai ni no vuwako mutou na yalo ni dauniviqwaravi,eru lai vatala yaji meru qwaravidru meru yaco mai bere o rau meru jiya taukei jiya na cola?