¹ Io ina gauna igi, ni vo lewe levu eru vo lotu eru vo djidji o rau na vulagi ni vimatanitu Kanikia vo rau na Iperiu, ni vo jikai ni ru lai numi o rau na ledru yada ina vivota ni yau ina visiga ² Vo qai vasqoni nidru vata na lewe levu e ru vo lotu orau na lewe jinikarua, aru qai kwaya, E vo jikai ni dodonu me madu biujia na kwakwa ni Kalou, qai qwaravia na jisaiveli ³ O Kiya, o kemutou na viwekani, me mutu qai qwara vo kemutou e ru lewe vitu na tamata vo rogorogo oka, e ru vo vuqa ina Yalo Tabu Vata na vuku; me madu lesidru ina cakacaka ikwe ⁴ Io o kemadou, madu na gumatua sara ina masu, vata na vunautakiwa na kwakwa ni Kalou. ⁵ A vo oka vo rau taucoko ga na lewe levu na kwakwa ikwe: qru vo djigitakinia o Sijiveni, e kia na tamata e vo vuqa ina vabaulia vata na Yalo Tabu, vata o Filipi, Vata o Pirokoro, vata o Nikanori, vata o Taimoni, vata o Panmira, vata o Kikola, eru tamata lotu va-jiu i Anitioko ⁶ A ru qai vatunidru ve ru mata na apositolo: 10 niru vo masu devu, eru qai tabakidru veru lima. ⁷ A vo toso no ga na kwakwa ni Kalou. Vo toso cake valew no ga na kedru iwiliwili na tisaipeli i Jerusalemi, a vo lewe levu sara vodru na bete eru vo talairewarewa ina vabaujia ⁸ E a vuqa ina loloma-savu vata na kaikai o Sijiveni, qai a vavea na vikwa. Vivakurabuitaki vata na cakacaka mana yalevu evica ina kedru maliwa na tamata. ⁹ Io aru a qai la yaji e vica na lewenilotu mai na werenilotu ledru na tamata sereki (me kodaki na yaca e, kilai ke), qenidru e vica na kwa Kirini. Vata Alekisadria, vata i silisia vata i Esia, aru qai vivala qaniya o Sijiveru ¹⁰ Io vo solia ga na Yalo Tabu vo Sijiveni na vuku, niru a jikal ga ni vacalania rewa ina lea kwakwa. ¹¹ Eru a qai sasagatakinia lo evica na tamata meru kwaya, “Kemadou a rogocia na tamata ikwe, ni kwakwa vuratakinia o Mosese qenia na Kalou!” ¹² Okia na calevu ikwe, aru a vauqejia rewa ke na tamata, qenidru na qase , qenidru na daunilawa. A vu. Vo qai la yaji vo Sijiveni avu qai vesukia, ru qai mei a ina Matabose ¹³ Eru a meidru yaji e vica na daunivibilitaki e ru dau giri, aru qai kwaya, “na tamata ikwe e jikai ni mudu na kwakwa bura takinia no na ledu were tabu vata na lea lawa o Mosese ¹⁴ Kemadou a madu togocia ni kwaya ni na varusania na were tabu ikwe, o Jisu na kwa i Nasareci ena visautakinia taucoko na ledu ivarau ni colo me kodaki na vivaroji vo solia mai vo kedatou o Mosese ¹⁵ Io o rau taucoko ga eru vo nokoto ina were ni vilewai, niru vatolavia matua, eru vo tolavia e mata ni vo taubuvata qanea na mata ni agilosi.