¹ Ni madu vou dainidru , madu qai Soko donumaki ni na tauni o kosa, ka qwata i na tauni o Roti. i kei gi ga i Patara. ² Madu qai dania e kia na waqa e Soko yaji i Vinaisi, madu vodo qai Soko yaji. ³ Ia ni madu vou dania o Kipivo, madu qai Soko i yasa i mawi, madu qai soko i Sivia, qai kele i Taia, qai tala ke na usana ni waqa ⁴ Ni madu vou danidru na loru, madu qai nokoto no ke me viru na boji, ia na Yaco Tabu, aru qai kwa vo Paula me kwa ni lacake i Jerusalemi. ⁵ Ni ma vou va devu nia na Siga i gi, madu qai tucake madu qai la yaji, qai nia na ledru yalewa vata qai nia na ledru i luve. Madu qai yaco i nai bili ni rara, madu qai Jikituru i volivoli madu masu. ⁶ Ni madu vou vitatau naki, madu qai vodo i na waqa, me madu lesu tale I rara. ⁷ Na gauna madu vou Soko devu mai Taia, ni madu vou yaco I Toleme, madu qai vikidavaki na vivekani, madu qai nokoto vata no me kia tale na bogi ⁸ Ia na Siga e taravia madu vou biubiu me madu la I Sisaria, madu unu lea were o Filipi Na vavuvuli, o kea e kia vuadru ne lewe nitu, madu qai no vata qanea ⁹ E lewe va o luvea na lewa, eru dau parofisai ¹⁰ Ni vica na bogi madu vou noko to no I kei gi, a qai labale yaji i Jiuta e kia na Parofita e yaca o Akapo ¹¹ Ni vou unu mai voko madou, qai qulu na lea beleji o Paula , qai sesukia e la e lima, qai kwa, e kidaki I kew na kwakwa ni Yalo Tabu, e ru na vesukia kodaki I kwe nai taukei, na beleji i kwe, o rau na kwai Jiuta e ru nokoto no mai Jerusalemi, eru no Solia ke eru lima o vai ma tasi lotu. ¹² Ni madu vou varogo na vi kwa taucoko i kwe, o madou vata qai nidru nai taukei, madu qai vamamasujia me kua lacake i Jerusalemi. ¹³ Qai kwa o Paula, na cava mutu vavea, mutu tagi mutu va malumalumu taki nia qu yalo. Ni Sibere ni Varau mequ vesu, mequ mate muni i Jerusalemi, e na yaca ni Kalou o Jisu. ¹⁴ A qai dua na varogo o kea, la madu qai galu madu kwa, me yaco ga na lea lewa na Kalou. ¹⁵ Ni devu na Siga i kwe, madu qai qusu na lemadu beki madu qai lacake i Jerusalemi ¹⁶ O rau talega e ru lotu mai Sisaria, aru me a no mai e kia na tamata e yaca o Nasoni na tamata mai kipiro, me madu mace I na lea were. ¹⁷ Ni madu vou yaco mai Jerusalemi, aru qai vacegu niko madou na vinekani. ¹⁸ E na Siga e taravia o Paula a qai la gareko madou vo Jemesa, a nokoto no ke o rau na qase. ¹⁹ Ni vou kidavaki nidru, qai kwa yakia vuadru na kwwa e varea na kalou na kedru maliwa na vimatanitu I na lea vunau no ²⁰ Niru vou varogo, aru sqai vaokaoka taki nia na kalou, qai kwa vua, o iko wekamadou, o vou tolava e lewe vica na udolu na jiu eru vou vabaujia, aru qai gumaikali taki nia, meru tekucia nai vunau ²¹ E vico aru vou kwwa vuadru no balejiko, mo vavulicidru no na jiu, niru nokoto na kedru maliwa na vimatanitu taucoko, meru biujia o Mosese, ni o kwa meru kua ni vasavasa taki nidru nai luve, Se meru tekucia nai vavau makawa. ²² E na vou kodaki re i vei kwe niru vou varogo na lemu yaco mai ²³ Mavea na kwa madu kwa vuako, eru lewe va na tamata madu nokoto vata no, aru vou bubului ²⁴ Mo meidru, vasavasava taki niko, vata qai nidru, qai volia na ledru madrali, meru tasia eru ulu, meru kilajia ni tasi jina na kwa taucoko o kwa vuadru, meru tekucia na lea i vunan, i na lemu i valavala. ²⁵ Eru vuku na vimatanitu eru vabaujia, du vou volaia devu qai lewaia, meru maroraijia ga na kwa eru vacabo nia i na matakau, mai na dra, qai nia na kwa vou kuna, qai nia na. ²⁶ Qai meidru na tamata o Paula, sqai vasavasava taki nia vata qai nidru, i na Siga taravia, qai unu ina were-ni-lotu, me qai kwa na Siga e devu ke na vasavasava taki, me qai cabori nai madrali vuadru yakia. ²⁷ Na gauna vou voleka ni devu ke na bogi vitu, evu vou tola mai na Jiu mai Esia, aru dania o Paula i yaloga ni were-ni-lotu, aru vou kwa Sava meru devia. ²⁸ Aru vou vikulavi taki nia mai, o mutou na kwai Isireli, mutu vukeiko madou, na tamata Savaga ikwe dau vavulicidru na tamata i na vi vanua taucoko, meru vurajidru na kwai ledru, qai nia nai vunau. Qai meidru muni na vi matanitu kanikia i were-ni-lotu, qai vaduka nia na vanua e tabu. ²⁹ Na gauna ru vou tolavia ke ni nokoto no na rara o Tirofimo na kwai Efeso, Oru vou numia ni vou kau o Paula i were-ni-lotu. ³⁰ Aru vou vimavautaki na lewe ni rara, aru qai viwavu wavu mai i vara meru yaratakinia dei i were-ni-lotu o Paula, aru qai Sogojia ka mata ni were. ³¹ Niru vou Sogaia meru vamate nia, vou yaco vua na turaga na tukutuku, ³² Qai meidru e vica na Sojia, vata e vica na turaga yalai, qai wavu bale yaji vuodru, nivo vou dania na turaga levu qanidru na Sojia, aru vou tasi mata vaulaki nia o Paula. ³³ Qai la voleka yaji na tuvaga levu, qai qulumia, a qai kwa me vesu vena Sinucodo e rua, qai tarogia o cei o kia, na cava muni a vavea. ³⁴ Aru vou vicovi taki nia na kwa kanikia o rau na lewe levu, ni tasi kilajia o kia na kea jina e na vuku ni tagi, qai kwa, me kau i na bure ni valu. ³⁵ Ni vou yaco i nai kabakaba, qai yaco meru vibiliyaki nia yaji na Sojia, me balejia na ledru i valavala kaikai o rau na lewe levu. ³⁶ Aru vou teku tuga yaji na lewe ni rara, aru qai kula takinia tu yaji “meia dei yaji”. ³⁷ Na gauna vou mei no yaji ke o Paula i na vure ni valu, qai kwa o kia vua na turaga ni valu, e rewa niqu tata yaji vuako? Qai kwa o kia, o kilajia na tata va kirisi? ³⁸ Tasi niko ga na kwai Ijipita, o a tekivu takinia na lawaki e na kena gauna vou devu, o qai meidru i vikaikai e lewe va na ucolu na dau laba? ³⁹ A qai kwa o Paula, o au na Jiu, na kwa Tarisu mai Silisia, e tasi ja rara ni kaisi na lequ na lequ rara; qu va mamasu Jiko Saraga mo va tavaia botoga mequ tata vuadru lemu tamata. ⁴⁰ Ni vou vatavaia o kia, qai tucake o Paula i nai Kabakaba, qai deve idru na tamata, niru vou galu no, qai tata o kia i na vata va Ipiriu, qai kwa.