¹ Vena soqosoqo lotu mai Anitioki, eru noke e yavalu na ivavuvuli vata na qasenivuli. O rau o Panapasa, o Simioni (ekilai muni e yaca me o Nikeri). Lusiu, na kwai Kirini , vata o Manaini Caru susu vata o Eroti na turaga) qainiya o Saula. ² Na gauna ru qwaraviya nike na Kalou lavata no ledru lolo, na Yalo Tabu a tata gai kwaya, “Deinidru mai o Panapasa vata o Saula, meru vaveya na itavi aqu covidru ke. “ ³ Na gauna evo devu ke na ledru masumasu, lolo vata ledru tabakiya na tamaa ikwe, aru qai meiya dei. ⁴ O Panapasa vata o Saula, aru lai vatala mai vua na Yalo Tabu, meru labale i Selusia; mai Kigi aru vo soko dei sara i Kipiro. ⁵ Na gauna eru nokoto ke i Salamisa, aru wasekiya sara na tata ni Kalou vuadru na Jiu. O Joni ya vo laqeru no me vivuke ⁶ Niru vo laviya taucoko na yanuyanu o Pafo, ru qai daniya e kiya e dau vauagataki raunikai, e parofita girigiri e yaca o Pari-Jisu. ⁷ O Kiya na dau vayagataki raunikai e vimaliwai qainidru na turaga ni vanuwa, o Serikiu Paula, o Kiya e tamata yalo ma kuga. Na tamata ikwe a qai covidru o Panapasa vata o Saula balejiya e mata rogociya na tata ni Kalou. ⁸ Iya e Elima “naa dau vayagataki raunikai “(igi kai vadewa e yaca) e vatovolidru; a tovoliya me vukiciya e yalo na turaga ni vanuwa me kuwa ni vabaujiya. ⁹ Iya o Saula, dau leicovi muni ke na Paula, e vatawani tu na Yalo Tabu, e vadaniya oka saraga ¹⁰ Qai kwaya, “o iko luve ni nitu, levu ruwako na yalo ni dau vivakaisini vata na yalo bura taucoko. O iko na Kedru meca na tamata yalo dodonu. O iko na tasi taroviya na lemu vukiciya no na calevu dodonu ni Kalou? ¹¹ Daniya, na lima ni Kalou ena la vuako, oiko o na qai mataboko. O na tasi daniya va lailai na mata ni siga. E vasau ri ka lutuviya o Elima na tegu vata na gilogilo, avo teki vu me yato wavoki me vadani tamata me tuberiya e lima ¹² Na guana e daniya ke na turaga ni vanua na kwa e yaco, a qai vabaujiya, balejiya o kiya e qai daniya vakiya na ivavuvuli ni Kalou. ¹³ Okiya ikwe o Paula vata lai tokani vu vo soko mai Pafo meru la sara i Perika e nokoto i Pamifiliya. Iya o Joni e dainidru tumai aqai lesu tale i Jerusalemi. ¹⁴ O Paula, vata lai tokani aru qai lamai Perika va kiya i Anitioki mai Pisitia I kigi aru qai la sara ve kiya na were ni lotu ni vacecegu ru tadra ke. ¹⁵ Ni wili devu na lawa vata na parofita, o kuru na iliuliu ni soqosoqo lotu eru qai vakau na i tukutuku, ru qai kwaya, “Kemutou na vitacini, Kodaki e no vuako mutou e kiya na itukutuku ni vibolei vuadru na tamata ikei, mutu kwaya.” ¹⁶ O Paula qai tucake vata e lima qai kwaya, o mutou na kwai Isireli qainiko mutou na dau matakuciya na Kalou, mutu rogociya. ¹⁷ Na Kalou ni tamata ikwe i Isireli ru djigiya o ledu momo vata tru rokoviya na tamata na gauna ru noke na vanuwa o Ijipita, lavata ledru lavejiya eru lima a simata takinidru ke. ¹⁸ Raujiya e vasagavulu na yabaki ledru biu tu iyaloga ni vikaikai. ¹⁹ Oji la vaburabura takiniya e vitu na matanitu ina vanuwa va Kenani, a qai volitakiniya na vanuwa vata o kuru na tamata. ²⁰ Na kwa ikwe e yaco tu me vanadrau limasagavulu na yabaki. Ni devu taucoko na kwa ikwe; na Kalou qai soliya vuadru na lewa me yacoviya la parofita o Samuela. ²¹ Eru qai tarogiya na tamata me kiya na ledru Tui, a qai soliya vuadru na Kalou o Saula lai luve o Kisi, e Kiya na tamata mai na yavusa o o Penijamini, me tui e va na yabaki. ²² Na gauna e vo kaudei ke la i tutu va Tui na Kalou, a qai vavuliciya vo Tevita me ledru Tui. Evo balejiya o Tevita la tukuniyalo na Kalou, sqai kwaya, Aqu vo daniya o Tevita lai luve o Jses meja lequ tamta, oki ya e vaveya taucoko na kwa qu okajiya vuwa me vaveya. ²³ Mai ne leya kawa na tamata ikwe, na Kalou sqai meiya mai Isireli na ivacola, o Jisu, me kodaki a djina takiniya me vaveya. ²⁴ Sibere ni yaco mai O Jisu, O Joni a vunau takiniya no na vavitaiso vata na lesu mai ni Turaga vuadru na Isireli. ²⁵ Ni vo vadevuniya o Joni la cakacaka, a qai kwaya, o cei mutu kilajiya me niko yau? O yau qu tasi mai kiya vuadru. Iya rogociya, e kiya e na qai bere mai, na leya wa ni vava e tasi yaco ke lequ kaikai ²⁶ O mutou na vitacini, na i cabocabo ni soro o Eparama, vata qai niko mutou mutu dau mataku ciya na Kalou, igi vuako datou na itukutuku ni leya viva colai a vo vakau. ²⁷ Vuadru na no i Jeruisalemi vata o rau na daulewa eru tasi vaqaqaiya, eru vatawani tu vena tata ni parofita eru dau wilikiya na vi siga Tabu meru va numiya ke. ²⁸ E djina ru tasi daniya balejiya na cava na leya mate, ni ru ya coviya o Pilate me vamateniya ²⁹ Ni ru a vo vaveya ³⁰ Iyo na Kalou a qai va tucake niya mai na mate. ³¹ O kiya e vo laidani valevu vuadru na dau lacake qainiya i Kaleli vata i Jeruisalemi o rau na tamata ikwe eru vo leya i vadjinadjina vuadru na kavo ni tamata. ³² Me lei kwai re vuako mutou na itukutuku oka: na vi djinadjinaji mai ve ledu Momo ³³ E vo va sinaiji ko datou, leya i luve, mai la vatubuniya O Jisu Me kodaki e volia vana Karuya ni Same: ‘ o iko lequ iluve, nikuwa qu na vo lemu Momo.’ ³⁴ Me kodaki la vacolai mai na mate, kuwa tale ni suka mo vuca, o kiya vo kwaya ke kodaki ikwe: ‘Qu nasoliya vuako na Yalo vata na vivakalougata taki A lei kwai vo Tevita’ ³⁵ Niya vo kwa talega ke o keya ina kiya tale na same, ona tasi vadaniya na lemu yalo savasava me vuca mai ³⁶ Iya o Tevita, niya vo qawaravidru oji na leya itaba tamata me kodaki na lewa ni Kalou a qai moce, niya vo buluji vata qainidru na leya qase, a qai vuca mai. ³⁷ Iya o kiya vo qulumi cake nmai na lima ni Kalou, ena tasi vuca mai. ³⁸ O kiya ikwe me mutu kilajiya ke na viwekani, novo vunautaki vuako mutou na ivarau bura. ³⁹ Iya e vuku talega vo vadonui ke o vau taucoko na vabaujiya. ⁴⁰ O kiya ikwe me mutu qai qaarauniko mutou oka no, ke yaco vo ko mutou na kwa ru vo parofisai ke na parofita. ⁴¹ Tolaviya, vuako mutou na dau vi beci, ena karaciko mutou mutu na qai rusa mai. ⁴² Iya niru vo unu no yaji, eru a qaikerekere me vunautaki vuadru na tata ikwe ena siga ni vacecegu ina siga taraviya. ⁴³ Iya nivo cava na soqoni vata, vo lewe levu na Jiu vata na tamata vo lotu va-Jiu, eru vo tekuciya o Paula sqaineya o Panapasa, aru vo qai tata vuadru, meru qulu vabibi na loloma ni Kalou. ⁴⁴ Iya na siga ni vacegu vo bere mai, vo ga balailai me oji ke na ledru soqo ni vata na lewe ni rara na keya rogoci na tata ni Kalou. ⁴⁵ Iya niru vo tola viya o rau na jiu eru vo lewe levu, eru vo vatawani tu na kwa bura taucoko ga, aru vo vagiri takiniya na bikwa avo kwaya eya kwakwa ke o Paula. ⁴⁶ Aru vo qai doudou o Paula sqainiya o Pamapasa, ru qai kwaya, e dodonu ga me vunautaki imata vuako mutou na kwakwa ni Kalou, iya ni mutu vo biujiya dei mai vo kemutou na kwa ikwe, qai lewai ko mutou , mutu na tasi yaga ina cola tawamudu, tolaviya, maru na qai lavidru na matanitu Kanikiya. ⁴⁷ Niya vo kwaya na Kalou vuadru, Aqu vo lesiko mo ledru kakarama na vimatanitu, mo yaco talega mo vu ni cola ina yalayala o vuravura. ⁴⁸ Iya niru vo rogociya na kwa ikwe o rau na matanitu kanikiya, eru vo marau, aru vo varokoroko takiniya na leya kwakwa na turaga, iya aru vo vivabauji taucoko ga orau na vo varau tu, me kodaki niru okajiya na cola tawamudu. ⁴⁹ Avo kuruvaki na kwakwa ni Turaga ina viyasana taucoko. ⁵⁰ Abo vauqejidru na lewa tolu, vata qainidru na marama, na turaga ni koro, o rau na Jiu, aru vo tabuniya na dauvi buraburaji vuadru o Paula qainiya o Panapasa, aru qai vasevinidru ina ledru yasana.