¹ Na gauna o Eroti na tui me vararawa takinya o rau na soqosoqo lewe ni lotu. ² A qai va mate niya o Jemesa na leya tacini o Joni l na Seleiwau. ³ Na gauna a vo tolaviya ke ni ro vo okajiya na Jiu, a qai vesukiya talega o Pita. Ia me gauna ni Kara madrai me kya ni niya na gauna ni vatubu. ⁴ Nagauna a vo vesukiya oji ke, a qai la i biujia i na were ni vevesu, a qai meya mai eru va na sojia me ru yadra viya no; o kiya a oka jiya no me meya mai na gauna me ohi ke na gauna ni Kara vata ni lasa sara. ⁵ Ia o Pita a nokoto no ga i were ni vevesu, ia e ru dau masu lakiniya no ga mai vua na kalou o rau ra soqosoqo lotu. ⁶ Ia na boji igi a Siberi ke o Eroti me meiya ke o Pita me la i vilewai, o Pita a moce tu eru rua e maliwa e na Sojia, vesu tu e lima ruarua Jeini, niru tucake tu e rau na yadra i na matamata me ru yadra vidru no na kwai vesu. ⁷ A qai la i dani va sauri e kiya na agilosi ni Kalou vua, a qai Kiya na sira a mudre i na rumu ni were ni vevesu. A qai tu ve yasa o Pita a qai vayadra Jiya qai kwaya, “Mata cake vawatoto”, qai kulamusu vasauri na leya Jeini ve lima. ⁸ A qai kwaya vuwa na agilosi, “vaisulu takiniko vawato; uku miya na lemu vava, “ a qai vaveya sara o Pita. Na agilosi a qai kwaya vuwa, “uku miya na lemu Siqeleji Katakata mo tekuako yau mai.” ⁹ A qai va tekucia sara o Pita na agilosi a ru qai la sara. O kiya e tasi kilajiya no na kwa e vareya ra agilosi e djina no. O kiya e numiya ga e tatadra no ga. ¹⁰ Na gauna aru vo pasi takiniya mai ra matai ni sojia vata qai niya na karua ni sojia, a ru qai yaco Sara i na matamata e la Sara i rara; e ya qai dola ga vainiya na ka bai. A ru la sara i na kiya na caleru. A qai biujiya na agilosi me la vainiya. ¹¹ Na gaauna a vo lesu tale mai e tale vua o Pita, a qai kwaya o kiya, “a qu qai kilajiya soko ikwe ni a meya mai na kalou na leya agilosi me meiko yau dai mai vua o Eroti, qai ni ya na kwa taucoko e ru okajiya na Jiu. ¹² Na guana a vo kilajiya ke, a qai la sara i ra leya were o Meri na leya nene o Joni, a v a yacana talega tu ga o Marika, na vanua e ru do sosoqoni no ke na tamata me ru masu. ¹³ Na gauna a vo tukituki ke i na matamata, a qai kiya na vada e yaca o Rota a qai lamai Saumiya. ¹⁴ Na gauna a rogocia ke e domo o Pita, a qai biujiya tu re na mata ni were me Sogo ni leru na leya marau; a qai waru sara i na rumu; a qai kwaya ni o Pita e tucake no i ra mataniwere i rara. ¹⁵ A ru qai kwaya o rau vua na, “o iko riva no. “Ia o kiya a kwaya no ga vuadru ni o Pita e nokoto no mai rara. Aru qai kwaya o rau vua “ iqoi na leya agilosi.” ¹⁶ Ia o Pita a tukituki no ga, la na gauna aru vo dolaviya ke na mata ni were, a ru qai tolavia a ru qai kidacala. ¹⁷ A qai sikinala takiniya vuadru o Pita ve lima me ru vagagalu, a qai kwaya o kiya vuadru a meya vacava mai I rara va cara I rara I na were ni vevesu. A qai kwaya o kiya, “Mutu kwaya na kwa ikwe vua o Jemesa qai nidru na vitacini. A qai biujiya na vanua igi a qai la tale e kiya tale na vanua. ¹⁸ Na gauna a vo siga ma ke, a ru Jikai ni Kilajiuya re vanua a la ke o Pita. ¹⁹ Na gauna a vo vadaniya oji ke o Eroti o Pita ni a tasi kiya ra vanua e daiya ke, a qai tarogi dru na sojia a qai la i kwai vuadru meru va mate. A qai labale mai o kiya i Jutia devu qai la sara i sisaria a ru qai notu i kigi. ²⁰ Na guana e vo oca ke o Eroti vuadru na tamata mai Taia qai nidru o Saitoni. A ru qai la vata qai niya. No ru vo rewa jiya o Pilasito. O kiya e lewaia na were ni moce o Eroti, me vuke idru, orau na masulakiniya no na viokaji; balejiya na kedru cawa e jay bi ga nau ba vanua na Tui. ²¹ Ia ni vo yaco mai na gauna me vo lokuci ke o Eroti me uku soko nai sulu va Tui, me qai tadra soko i Yata, me qai vunau soko vuadru na tamata. ²² Na tamata a ru qai kula, :ikwe na domo ni Kalou, tasiniya na tamata!” ²³ A sasau ri a qai kiya na agilosi ni Kalou a yacovia, ni a tasi varokoroko takiniya na Kalou o kiya; la no vo Kaniya na baca ni qwele ni vo ciba ke. ²⁴ Ia ni vo tubu mai na tata ni Kalou qai levu sara mai. ²⁵ Ni ru vo lesu tale mai i Jerusalemi o rau o PArapasa qai niya o Saula, ni vo oji na ledru cakacaka, a ru a meya lo Joni, e yaca talega o Marika.