¹ Mutu vo kilajiya oka na viwekani, ni tasi jiya kwa wale na lemadu layaji ² Mutu vou kilajia oka talega na levu ni kwa madu a sotavia mai Filipai, 10 na Kalou e solia no vuako madou na yalo oka me madu lamai vunautakinikomutou, e djina ni no tu na vicoqacoqa. ³ Madu tasi lamai vunautakinikomutou me balejia na leqwa e yaco no, se jia i valavala ca, se na vilawakitaki ⁴ Lo e na * ga ni a djigitaki niko madou na Kalou me madu tawase me balejia na tukutuku oka, mutu tolavia ga ve na lemadu vunau madu tasi mata valomaoka taki niya e kia na tamata na Kalou takia ga ni kilajia na madu yalo yakia. ⁵ Madu jikai vakia ni vunau me * se vunau me tawa ke na lemadu taga, na keya i vadjinadjina na kalou. ⁶ Kemadou tasi vaveya ‘qoi meru qoroiko madou ke na tamata, se me mutu doka iko madou se ru vica tale, 10 madu vo * ni madu jiya avositolo ⁷ Io kemadou vo kawaitakiniko mutou valevu, me kodaku na leya dau kawaitakiniya o luveya e kiya na jina ni luve. ⁸ Madu no moce, madu takdraikomutou tu ga, madu tasi solia boto ga vuakomutou na tata ni tukutuku oka, madou madu gadreviya me madu solia tucoko na lemadu cola vuako mutou, me balejia ga na lemutu dau vuki oka vuako madou. ⁹ Ke kuwa ni vawalenikomutou lemadu lamai vasosa takinikomutou, i na visiga se viboji i na lemadu cakacaka madu na verveya no ga na keya vunautaki na tukutuku oka. ¹⁰ Na Kalou qai nikomutou na keya i vadjinadjina, ni madu vaveya sara tu ga vuakomutou na lotu, i na yalo e va Kalou, e dodonu qai savasava. ¹¹ Mutu Kilajia no na lemadu tatau vuakomutou, lemadu vamamasu qai niya na lemadu ivasala, me kodaki e kiya na momo vuadru o luveya. ¹² O keya me mutu colatakinia na i varau e kilikili me kodaki na luve ni Kalou, ni mutu vou djigitakinia me mutu taukenijia na leya matanitu vaiuku-uku. ¹³ I na vuku ni kwa ikwe madu tasi cegu ke ina lemadu vaokaokataki nikomutou no vua na Kalou, in a lemutu marorojiya no na kwakwa ni Kalou mutu a varogo vuako madou, mutu tasi vaweleweletakinia ni jia tata djina, e vacolanikomutou no ni mutu vo vabaujiya. ¹⁴ Vuako mutou na viwekani, mutu vo tautauvata qai nidru sara ga na soqosoqo lotu ni Kalou mai Jitia eru tu vata qai niya o Jisu Karisito ina ledru a vakekai taki mai vuadru o wekadru, me kodaki sara ga e yaco no vuako mutou. ¹⁵ Eru vamate niya na Turago qai niya na ledru parofita, eru lamai vararawa taki niko madou, na Kalou e tasi Taleitakinidru vata qai niya na ledru tamata. ¹⁶ Eru lami tarovia na lemadu vunau ruwadru na kwai motonitu taki ke ru vacolai, eru vakuria no ga na ledru valavala ca, na viocaji e na yaco no ga vuadru i na keya vatagedegede sara iyata. ¹⁷ E djina ni du tasi vitolavi no e kiya na gauna lekaleka ikwe, 10 na yalo e vivolekaji, e vo kiya na kwa na lemadu okajia no medu sota re. ¹⁸ Madu mata la no yaji, o go re o Paula-vo valevu na legu sasaga no yaji 10 a setani qai vatao takinia no na lequ layaji. ¹⁹ Cava madu nuitakinia, se rekitakinia, se cibitakinia no? tasi nikomutou ve na mata ni Turaga i na leya vatolatola mai? ²⁰ Ni o kemutou na vu ni lemadu lagilagi vata qai niya na marau.