¹ Nao mi luk taem smol sipsip i openem wan long ol seven lok ia, mo mi harem wan long ol fofala krija ia we vois blong hem olsem tanda i talem se, "Kam!" ² Mi lukluk i go mo luk wan waet hos. Man we i sidaon long hem i holem wan bonaro, mo hemi werem wan hat blong king. Hemi kamaot olsem wan man we i win mo hemi stap aot blong go winim plante faet bakeken. ³ Taem smol sipsip ia i openem namba tu sil, mi harem namba tu long fofala krija ia i talem se, "kam!" ⁴ Afta wam moa hos i kamoat-we i olsem red faea. Man we i sidaon long hos ia God i givim raet long hem blong i tekemaot pis long wol ia, blong ol man long wol ia bambae oli kilkilim bak olgeta. Man ia we i sidaon long horse i holem wan bigfala naef blong faet. ⁵ Taem smol sipsip i openem namba tri sil, hemi harem namba tri krija i talem se, "kam" nao mi luk wan blak hos, man we i sidaon long hos ia hemi holem tu skel long han blong hem. ⁶ Mi harem olsem wan vois i kam long fofala krija ia i talem, "Wan peni long wan kilo blong flaoa blong bred, mo wan peni long 3 kilo blong sids blong baley. Be yufala i no spolem oel mo waen. ⁷ Taem smol sipsip i openem namba fo sil, mi harem namba fo krija i talem, "Yu kam!" ⁸ Afta mi luk hos we kala blong hem i lus finis. Nem blong man we i sidaon long hos ya hemi Ded, mo hel tu i stap folem hem. Mo oli gat raet blong kilim ded wan aot long evri fo man long wol, tufala i karem raet blong kilim ded olgeta long taem blong faet, mekem oli hangri blo ded, mekem oli sik mo kilim ilgeta wetem ol wael animol blong wol ia. ⁹ Nao taem smol sipsip ia i openem namba faef sil, mi luk i go long ples oli stap mekem sakrifais lem mo mi luk ol spirit blong ol ded man we oli kilim olgeta from tok blong papa God mo testimoni blong hem we oli bin harem. ¹⁰ Oli krae bigwan wetem laod vois, "Wetaem, king blong evri man, yu we yu holi mo yu we yu wan tru God bambae yu jajem ol man we oli stap long wol ia, mo bambae yu panisim olgeta from oli kilim ded mifala?" ¹¹ Nao wanwan long olgeta oli tekem waet rob, mo oli talem long olgeta se oli sud wet smol taem bakeken kasem taem we namba blong evri wokman mo br ata blong olgeta we bambae oli kasem ded, i olsem we oli bin kilim olgeta i complit. ¹³ Ol sta long heven i foldaon i kam daon long wol, i olsem wan bigfala tri we i gat frut blong hem we i raef nao strong win i blo long raef frut blong tri ia i folfoldaon. ¹⁴ Skae hemi lus olsem wan pepa we oli rolem. Evri hil mo aelan oli muv aot long ol ples blong olgeta. ¹² Mo taem smol sipsip ia i openem namba siks sil, mi luk be wan bigfala etkwek. San i kam blak we i blak, mo mun i red i olsem blad. ¹⁵ Mo ol hae man blong wol mo ol impoten pipol, mo ol komanda, mo ol rijman, mo ol strong man, mo evri nara man, olgeta we oli ol sleif mo olgeta we oli fri, oli haed insaed long hol blong ston mo long ol bigfala ston antap long hil. ¹⁶ Oli stap talem long hil mo ol ston se, "foldaon long mifala! haetem mifala long fes man ia we hemi sidaon long tron ia mo haedem mifala from panismen we smol sipsip ia bae i kivim. ¹⁷ From bigfala dei blong panismen ia bae kam. Mo wu i strong blo stanap long taem ya?"