¹ Nao olgeta evri wan oli girap, oli tekem Jisas i go long paelat. ² Nao oli stat blong talemaot sam toktok agens long Kisas se, "mifala i faenemaot we hem i stap traem blong jajem tingting blong ol man ples blong mifala igo krangke,mo bae oli nomo pem taxi blong olgeta i go long caesar, mo hem i stap talemaot se hem i Mesaea we i wan king." ³ Nao paelat i askem long Jisas se, "I tru se yu yu king blong ol man Israel?"Jisas i talem long hem se, "Yes,wanem we yu talem i tru." ⁴ Nao paelat i atlem long ol jif pris mo ol man se "mi no faenem wan samting we man ia i mekem i nogud." ⁵ Be oli gohed oli talem se "No,man ia i stap tijim ol man long ol ples long Judia.I stat long Galili i kam kasem ples ia." ⁶ Taem paelat i harem toktok ia olsem, hem i askem se "man ia i man Galili?" ⁷ Nao taem paelat i harem olsem i kamaot long ples we Herod i stap rul long hem, i sendem Jisas igo long hem,from taem ia Herod i stap long Jerusalem. ⁸ Taem Herod i luk Jisas, hem i glad tumas, from hem i wantem luk Jisas long taem finis. Hem i stap harem ol nius blong Jisas, mo hem i wantem luk Jisas i mekem sam saen tru long paoa blong hem. ⁹ Nao Herod i askem plante kwestem lem. Be Jisas i no talem wan samting nating long hem. ¹⁰ Mo ol jif pris mo ol tija blong loa oli stanap,mom oli singaot i go long hem,oli tok agens long hem. ¹¹ Nao Herod wetem ol man blong hem, oli laf long hem,mo oli putum wan flas kot [klos] blong king long hem.Afta oli tekem hem i go bak long paelat. ¹² Fastaem, Herod mo paelat, tufala i badfren, be long dei ia tufala i kam gud fren bakegen. ¹³ Nao paelat i singaotem evri man wetem ol jif pris,mo ol lida blong ol laen blong Israel oli kam tugeta. ¹⁴ Mo i talem long olgeta se "yufala i tekem man ia i kam long mi, yufala i talem se man ia i stap traem blong jenjem tingting blong ol man. Be taem mi jajem hem long foret blong yufala evriwan, mi no faenem we hem i mekem wan nogud samting long ol man? ¹⁵ Mo Herod tu i no faenem wan nogud samting long hem.Nao hem i sendem hem i kambak long yumi.Yufala i luk,Hem i no mekem wan samting i nogud blong i save tekem panis blong ded. ¹⁶ Nao from samting ia,ba ol man blong mi bae oli wipim hem,mo bihaen bae oli letem hem igo fri. ¹⁷ From hemi wan 'Mas',blong hemi letem wan man i go fri long lafet ia. ¹⁸ Nao ol man oli stap singaot bigwan, se, "kilim hem i ded,mo letem Barabbas i go fri!" ¹⁹ Barabbas, oli putum hem long kalabus, from hem i lidim wan grup long taon,oli go faet agens long gavman,mo hem i kilim man i ded. ²⁰ Paelat i wantem letem Jisas i go fri.Nao hem i toktok long olgeta bakegen blong oli letem Jisas i go. ²¹ Be olgeta oli singaot bigwan se, "nilim Hem long cros, nilim hem long cros." ²² Nao paelat i talem namba tri taem bakegen se, "from wanem?hemi i mekem wanem samting i nogud ?Mi no faenem wan samting we Hem i mekem blong i ded from. Ba oli wipim Hem finis, ba mi letem hem i go fri." ²³ Be oli gohed, oli singaot bigwan se Jisas i mas hang long cros.Oli singaot bigwan gogo. ²⁴ Paelat i mekem wanem we oli wantem. ²⁵ Hem i letem Barabbas igo fri, man ia we i lidim wan grup, oli go faet agens long gavman, mo i kilim man i ded,hem igo fri. Hemia nao ol man oli wantem. ²⁶ Nao ol soldia oli tekem Jisas i go. Be long taem ia, i gat wan man Sairin,we nem blong hem Saimon, hem i jes kam long taon nomo.Taem ol soldia oli luk hem,oli fosem hem blong i mas tekem cros blong Jisas, mo bihaen long hem. ²⁷ Nao igat plante man we oli bihaen long Jisas.Sam woman oli stap krae long hem,oli stap sori long hem. ²⁸ Be Jisas i tanemraon, i talem olgeta se " ol woman Jerusalem, yufala i no krae from mi.I mo gud yufala i krae from yufala,mo from ol pikinini blong yufala tu. ²⁹ Bae kam long taem we ol man bae oli talem se, " ol woman we oli no save gat pikinini, hem ia nao olgeta we God i blesem olgeta. Hem i wan blessing we oli no gat pikinini blong lukaotem. ³⁰ Afta ba ol man oli save talem long ol bigfala hil se"yu foldaon long mifala ". Mo bae oli save talem long ol bigfala hil se "yu kavremap mifala." ³¹ Oli stap mekem ol samting ia wud i krin yet, be taem wud i drae bae oli mekem olsem wanem?" ³² Nao i gat tu man we tufala i brekem loa, ol soldia oli tekem tufala i go blong oli kilim tufala i ded semtaem wetem Jisas. ³³ Nao oli tekem olgeta oli kam long wan ples we nem blong hem "skull [ples we bun blong hed blong ol man i stap long hem ].Long ples ia nao oli nilim Jisas long cros,mo oli nilim tufala man we oli brekem loa long saed blong Jisas.Wan long lef saed blong Jisas, mo nara wan long raet saed blong Jisas. ³⁴ Nao Jisas i talem se "Papa, plis yu fogivim olgeta, from oli no save wanem we oli stap mekem."Nao ol sodia oli stap sakem daes blong seraotem ol klos blong hem i go long olgeta. ³⁵ Ol man oli stanap,oli stap lukluk ol samting ia.Nao ol lida blong ol laen blong Israel oli stap laf long Jisas, oli talem long hem se "Hemi sevem plante man finis.Spos hemi Mesaea we God i jusumaot hem,igud Hem nomo i sevem hem bakegen." ³⁶ Ol soldia tu oli stap laf long hem.Oli stap klosap long hem,mo oli traem blong givim waen we i konkon long Hem. ³⁷ Mo oli talem long Hem se "spos i tru se yu yu king blong ol lane blong Israel yu sevem laef blong yu wan naia." ³⁸ Antap long cros blong Jisas i gat wan toktok we oli raetem se "King blong ol laen blong Israel." ³⁹ Nao wan long tufala man we oli hang long cros wetem Jisas, i stap tok nogud long Jisas, i talem se "Eh ino yu ia yu Mesaea ?Spos i olsem, yu sevem yu wan,afta sevem mitufala tu." ⁴⁰ Be narafala man we i brekem loa ia we i stap hang long cros, i stopem hem blong i no talem ol toktok ia. hemi talem se "yu yu sut fraet long Hae God. Bae yumitu tu bae yumi ded long ples ia wetem Hem.Ino long taem. ⁴¹ Hem i stret blong yumitu ided, from ol rabis fasin we yumitu i stap mekem. Be man ia ino mekem wan samting we inogud. ⁴² Nao man ia i talem long Jisas se "Jisas, yu tingbaot mi,taem yu stap rul long ples we yu King long hem." ⁴³ Nao Jisas i talem long hem se "mi promesem long yu se,tede nomo bae yu stap wetem mi long paradaes. ⁴⁴ Nao i stat long medel dei, samwei long 12 klok ful kaontry ia, tudak i kafremap evri ples.Nao ples i tudak olse,i stap gogo kasem samwei long tri klok long aftenun. ⁴⁵ Nao kaliko we i stap insaed longhaos blong God i brok long tu haf. ⁴⁶ Nao Jisas i singaot bigwan se "Papa Mi givim Spirit blong mi long han blong Yu." Taem hemi talem toktok ia finis nao hemi ded. ⁴⁷ Mo i gat wan kapten blong ol soldia we hemi luk samting ia, nao hemi presem Hae God. Hemi talem se "Mi mi sua se man ia ino mekem wan rabis fasin." ⁴⁸ Igat plante man we oli bin kam wan ples blong oli luk Jisas i ded,mo oli luk evri samting we i stap hapen.Nao oli harem nogud tumas,oli stap kilkilm bodi blong olgeta wetem han blong olgeta.Nao oli go wei long haos blong olgeta. ⁴⁹ Ol fren blong Jisas, mo ol woman Galili, we oli folem hem i kam, olgeta tu oli stanap long wei lelpet, mo oli stap luk ol samting ia i stap hapen. ⁵⁰ Igat wan man nem blong hem Josef, we hem i wan long ol grup blong ol gudfala lida blong ol Jiu. Hemi wan gudfala man, we oltaem hemi stap mekem ol gudfala samting. ⁵¹ Hemi kamaot long wan taon long Jiu, we nem blong hem Arimathes. Hemi no agri wetem ol narafala lida blong oli kilim Jisas i ded. Be hem i stap blong bae God i rulum ol man long ples we hemi i king long hem. ⁵² So Josef igo luk Paelat, mo i askem long hem spos hemi save tekem bodi blong Jisas. Mo paelat ia i agri blong hemi save mekem olsem. ⁵³ Nao Josef i go long ples we ded bodi blong Jisas i stap long hem,mo i tekemaot bodi blong Jisas long cros. Hem i kavremap bodi blong Jisas wetem wan nifala waet kaliko ia linen, nao hemi putum bodi blong Jisas insaed long hol blong ston. Hol blong ston ia,oli bin mekem rere blong putum ol ded bodi insaed long hem. Hol ia, oli no putum wan ded bodi long hem yet. ⁵⁴ Ol samting ia i stap hapen long dei we ol Jiu, oli stap mekem redi ol kakai blong olgeta bifo sabat dei i stat. ⁵⁵ Ol woman we oli kam long Galili wetem Jisas, oli folem Josef blong luk se hemi putum blong Jisas wea,nao oli luk we Josef i putum bodi blong Jisas long wan emti hol blong ston. ⁵⁶ Nao oli go bak long haos we oli stap long hem long Jerusalem.Oli mekem redi oli lif we i gat gudfala smel, mo pomad, blong oli go putum long bodi blong Jisas.Nao olsem we loa i talem, long sabat dei, olgeta oli spel.