¹ Afta long ol samting ia, Jisas i soemaot hem bakegen long ol disaepol long lek Taepirias long taem we stori ia i hapen. ² Saemon pita mo Tomas we oli stap singaotem Didumas mo Nataniel blong Kena long Galili, mo tufala boe blong Sebedi wetem tu narafala disaepol blong hem, oli stap tugeta. ³ Saemon pita i talem long olgeta se, ''Bae mi go pulum net." Olgeta oli askem long hem se, ''Bae mifala i folem yu''. semtaem nomo, oli aot, oli go insaed long wan bot, be long naet ia oli no kasem wan fis nating. ⁴ Taem moning i kam, Jisas i stap stanap long soa long sanbij, be ol disaepol oli no luk save Jisas. ⁵ Jisas i askem olgeta se, ''Ol boe, yufala i tekem eni fis blong kaikai?'' Oli ansarem hem se, ''nogat." ⁶ Hem i talem long olgeta se, ''Sakem net i go long raet saedblong bot, mo bae yufala i kasem." Mekem se oli sakem net, mo oli nomo save pulum bak i go bak insaed long bot from i gat plante fis tumas. ⁷ Nao disaepol we Jisas i lavem, hem i talem long pita se, ''Hemia Masta." Taem Saemon pita i harem se Masta ia, hemi putum klos blong hem (from hemi bin karem aot klos blong hem), mo hemi jam long wota i go soa. ⁸ Mo i gat sam narafala disaepol oli kam insaed long bot, (from oli no long we tumas long soa, bae olsem wan handred mita nomo, mo tugeta oli stap pulum net ia we i fulap long fis. ⁹ Stret long taem we oli kam soa, oli luk wan sakol blong faea i stap we i gat fis mo bred long hem. ¹⁰ Jisas i talem long olgeta se, ''Karem ol fis we yufala i jes kasem i kam.'' ¹¹ Saemon pita i go karem net mo i kam soa, net i fulap long ol bigbigfala fis, i gat 153 fis, nating we i gat fulap fis ia, be net ia i no brok nomo. ¹² Jisas i talem long olgeta se, ''yufala Kam kakae.'' Be evri disaepol i sem blong askem hem se, ''Yu hu ia?'' from oli save finis se hemi Masta. ¹³ Jisas i kam karem bred, mo i givim long olgeta, mo i mekem semak wetem fis. ¹⁴ Hem ia nao namba tri taem we Jisas i soemaot hem long ol disaepol afta we hem i bin girap bakegen long ded. ¹⁵ Taem oli kakae fis, Jisas i askem saemon pita se, ''Saemon, boe blong Jona, yu lavem gud mi i moa long olgeta ia?'' pita i ansarem hem se, ''Yes Masta, yu save se mi lavem yu.'' Jisas i talem long hem se,'' kivim kaikai long ol sipsip blong mi.'' ¹⁶ Namba tu taem, Jisas i askem hem se, ''Saemon boe blong Jona yu lavem gud mi?'' Pita i ansarem hem se, ''Yes Masta, yu save se mi lavem yu.'' Jisas i talem long hem se, ''Lukaotem gud long ol sipsip blong mi.'' ¹⁷ Namba tri taem, Jisas i askem hem se, ''Saemon boe blong Jona, yu lavem mi?'' Pita i harem nogud from we hem i askem hem namba tri taem se "yu lavem mi?" Pita i ansarem hem se, ''Masta, yu save gud olgeta samting, yu save finis se mi lavem yu.'' Jisas i talem long hem se, ''givim kaikai long ol sipsip blong mi. ¹⁸ I tru we i tru, mi talem long yu, taem yu yu yangfala, yu bin putum rob long yu wan, mo yu wokbaot weaples yu wantem, be taem yu kam olfala, bae yu pusum han blong yu mo bae narawan i putum rob long yu, mo bae oli karem yu go long wan ples we yu yu no wantem.'' ¹⁹ Hem i talem olsem blong soemaot fasin we bae pita i ded blong i leftemap glori blong God. Afta we hem i toktok olsem, jisas i talem long hem se, ''Folem mi.'' ²⁰ Pita i tanem hem, i luk ol disaepol ia we jisas i lavem olgeta oli stap folem tufala, wan long olgeta ia nao we i bin lei klosap long saed blong jisas long sapa mo hemi bin askem se, ''Masta hu ia bae i salemaot yu?'' ²¹ Pita i luk hem wan afta i askem Jisas se, ''Masta, man ia bambae i mekem wanem?'' ²² Jisas i ansa long hem se, Sipos mi wantem se hem i stap, go go kasem taem we mi kambak, hem ia i olsem wanem long yu? Yu folem mi.'' ²³ Naia toktok i go raon long ol brata se ol disaepol ia bae oli no save ded. Be jisas i no talem long Pita se bae ol narafala disaep bae oli no save ded. Be hemi bin talem se, ''Sipos mi wantem se hem i stap, go kasem taem we mi kam bak, hem ia i olsem wanem long yu?'' ²⁴ Hemia nao disaepol ia we i givim witnes blong ol samting ia, mo oli stap raedem bok ia, mo yumi save se witnes blong hem i tru. ²⁵ I gat fulap narafala samting we Jisas i bin mekem. Sipos wanwan samting we Jisas i bin stap mekem mo oli bin raitem daon, be i no evri samting ia we Jisas i stap mekem, mi save se bae ful wol bae i no naf blong raitem daon evri samting we Jisas i bin stap mekem. Amen.