¹ Long namba tri day, i gat wan mared long kena long Galili, mo mama blong Jisas tu i stap long ples ia. ² Mo oli invaetem Jisas wetem ol disaepol blong hem blong golong mared ia. ³ Mo taem waen blong olgeta i finis, mama blong Jisas i talem long hem se, "oli nomo gat waen." ⁴ Nao Jisas italem long hem se," woman, From wanem yu kam long mi? taem blong mi i no kamtru et." ⁵ Nao mama blong hem i talem long ol wokman blong hem se, "yufala i mekem wanem we hemi talem, yufala i mekem." ⁶ No i gat six ston drum blong wota we oli usum long ol taem blong ceremoni blong ol Jius, long taem blong oli klin, hem ia oli fulap ating seventi faef kasem wan handred fiftin lita olsem. ⁷ Jisas italem long olgeta se, fulumap ol pot ia wetem wota. "nao oli fulumap wota kasem nek blong pot ia. ⁸ Nao i talem long ol wokman se," yufala karem Sam naia mo tekem i go long man we i lukaotem kakai mo wota. "nao oli mekem. ⁹ Nao man blong lafet ia i testem wota ia be i kam waen, be hem i no save se kam wea (be ol wokman ia olgeta i save). Nao i singaotem man blong maret ia ¹⁰ mo hemi talem long hem se, "evri man oli serem swit grep jus fastaem, mo chip wan taem oli drink be i konkon. Be hem ia yu kipim kasem naia." ¹¹ Hem ia fes merikel we Jisas i mekem long kena long Galili, hem i soemaot paoa blong hem, mo ol disaepol blong hem oli bilif long hem. ¹² Afta long hemia Jisas, wetem mama blong hem, mo ol brata, mo ol disaepol oli go daon long kapenaum mo oli stap ia blong smol taem nomo. ¹³ Nao pasova blong ol Jius i stap kam klosap, nao Jisas hem i go antap long Jerusalem. ¹⁴ Hem i luk ol man oli stap salem ol samting olsem ol buluk mo ol sipsip mo ol pijin insaed long tempol, mo man blong jensem mani tu i stap insaed. ¹⁵ Nao Jisas hemi mekem wan wip long ol smol rop nao i ronemaot evriwan insaed long tempol. Hemi kavsaedem ol mani long tempol, mo i tanem ova tepol. ¹⁶ Hemi talem long olgeta we oli stap salem ol pijin ia se, "yufala i karemaot ol ting blong yufala long ples ia. Yufala i stop blong mekem maket long haos blong Papa blong mi." ¹⁷ Ol disaepol oli save we oli bin raetem se, "Mi lavem haos blong yu tumas i mekem se mi harem nogud." ¹⁸ Nao ol Jius oli ansa long hem se, "wanem saen we bae yu soem long mifala se, yu gat raet blong mekem ol samting ia?" ¹⁹ Jisas i ansa se, "sapos yufala i brekem daon tempol ia, long tri dei bae mi leftemap bakeken". ²⁰ Afta ol lida blong ol Jius oli talem se, "tempol ia oli buildim foti-six yea, be bae yu stanemap long tri dei?" ²¹ Be hemi stap tokbaot bodi blong hem olsem wan tempol. ²² Afta we hemi kirap long ded,ol disaepol blong hem oli tingbaot wanem we hemi bin talem long olgeta, nao oli bilivim skripja mo wanem we Jisas i talem i tru. ²³ Nao taem hem i stap long Jerusalem long lavet blong pasova, fulap oli bilif long nem blong hem taem oli luk ol saen ia we hemi mekem. ²⁴ Be Jisas i no trastem olgeta from hemi save olgeta, ²⁵ mo hem i no nidim blong eni man i talemaot fasin blong ol man, from hemi save wanem i stap long ol man.