¹ Olgeta mi mi lavem yufala, hem ya now hemi seken leta we mi mi raetem i km long yu, mo long tugeta leta ya hemi ol remaenda we bae i mekem yufala i sta ting ting long hem. ² Blong mekem yu ting ting bak long ol toktok ya we ol prophet bifo oli bin talem. Mo we I kamtru tete long yumi tru long ol aposol blong Masta mo sevia blong yumi. ³ Festaem, yufala mas save se olgeta man ya we oli stap tok jik long ol man , bae oli kam long las dei. Bae oli tok jik mo mekem olgeta samting long tingting blong olgeta nomo. ⁴ Bae oli talem se, wetaem nao ol promes ya we bae kambak long yufala? From se taem papa blong yumi i filim se bae slip, every samting bae stap semak olsem, long taem ya we olgeta samting long wol i stat. ⁵ Olgeta i fogetem se longtaem bifo heven mo graon i kamaot lo wota tru long tok blong God nomo, ⁶ mo long taem ya wol hemi kam nogud, mo wota hemi stat fulap long everi ples. ⁷ Be long semak toktok ya long heven mo long wol we i stap long fire, hemi stap redi long time blong jajmen. ⁸ Ol poen we yu mas tingbaot mo yu no ron wei long hem, brata blong mi, long wan dei nomo wetem God hemi olsem wan taosen yia, mo wan taosen yia i olsem wan dei nomo. ⁹ God hemi no tekem taem long ol promes we hemi stap mekem, be hemi wet nomo from yu. Hemi no wantem nating se wan long yufala i lus, be hemi wantem nomo se evri wan i mas tanem tingting blong olgeta long ol rabis fasin we oli stap mekem. ¹⁰ Olsem ia nao, dei ia we masta bai i kam bai hemi olsem man blong stil, skae wetem ol samting antap bai oli lus wetem bigfala nois, mo faea bambae i bonem wol ia, wetem olgeta samting we oli stap mekem long wol ia, bambae oli nomo gat. ¹¹ From we God bai i distroem evri samting olsem, olgeta bambae yufala i mekem olsem wanem ia? Yufala i mas holi, mo yufala i mas liv long fasin we God i wantem. ¹² Mo naia yufala i mas tingbaot hem olsem oltaem nomo, blong yufala i redi gud, mo yufala i stap wet from dei ia blong masta blong yumi bambae hemi kam. Mo long dei olsem faea bambae i spolem evri samting long heven, wetem evri samting long heven oli lus wetem olgeta samting blong wol ia tu, bambae oli melt long hit long faea oli lus. ¹³ Be God i promes finis blong putum niufala skae mo niufala wol,stret fasin nomo bae i stap long hem, mo yumi stap wet blong ol samting ia oli kam tru. ¹⁴ From samting ia, mi lavem yufala ol brata blong mi, long taem we yu stap tingbaot ol samting ia, traem bes blong stretem laef blong yu wetem hem, long pis. ¹⁵ Yu mas save se, masta blong yumi i gat longfala tingting blong wet long yufala blong yufala i kam long hem, i olsem brata Pol blong yumi we yumi lavem i bin i raet i kam long yufala, folem waes we God i givim long hem. ¹⁶ Pol i talemaot ol samting ia long leta blong hem, long samfala samting we oli no klia blong yumi save. I gat sam man we oli no save yusum hed, tingting blong olgeta ino stret, oli tanem mining blong ol toktok ia i kam narafala, i mekem oli stap spolem olgeta nomo mo bambae oli lus. ¹⁷ From samting ia, mi lavem yufala ol brata blong mi, yufala i bin save ol samting ia finis, yufala i mas lukaot gud blong no letem olgeta we oli no biliv long God oli lidim yufala i go long ol nogud fasin we i save mekem yufala lusum biliv blong yufala. ¹⁸ Be yufala i mas gro long gufala fasin mo kasem ol save blong masta blong yumi mo sevia blong yumi Jisas Kraes. Yumi givim glori i go long hem tedei mo long ol narafala dei we bambae oli kam iet gogo ino save finis samtaem. Amen!