¹ Mi stap toktok long ol elda we oli stap wetem yufala, mi nao mi wan long ol elda we mi bin luk kraes kasem hemi harem nogud, mo mi tu bae mi stap wetem hem taem God hemi rivilim glori blong hem: ² Bae yufala kam ol gudfala man blong lukaoutem gud ol sipsip blong God we oli stap andanit long kea blong yufala, wok blong yufala i blong lukaotem gud olgeta - I no from yu mas mekem be yu mekem wetem glad hat blong yu, semak olsem we God bae wantem blong yu mekem wok ya blong hem- ino blong yu kasem. ³ Be, from hemi wan wantem nm blong yu. So yu no mekem se yu hae bitim ol sipsip we yu stap lukaotem. Be, yu kam wan eksampol long ol sipsip blong yu. ⁴ Long taem we boss blong ol man we i lukaoutem sipsip i kam, bae yu risivim wan hat blong king we bae i no save lusum kala blong hem samtaem. ⁵ Mo long semak fasin, ol yangfala yufala i mas lesin long ol ololfala. Yufala everiwan, i mas mekem tingting blong yufala i stap daon mo helpem yufala wanwan. From God ino laikem nating ol man we oli gat hae tingting, be hemi laikem olgeta we oli mekem tingting blong olgeta i stap daon. ⁶ From samting ia yufala i mas stap kwaet antanit long hand blong God mo trastem paoa blong hem, mo hem nao bae i laftemap yu long wan taem we i stret. ⁷ Givim ol wari blong yu long hem, from hem i stap lukaotem gud yu. ⁸ Yu mas redi oltaem, mo yu mas lukluk gud. From enemi blong yufala devel ia i stap wokbaot raon olsem laon we hangre gud, mo hemi stap lukaotem man blong kakae. ⁹ Yufala mas fesem hem. Yufala i mas stanap stronk long biliv. Yu mas save se brata blong yu tu hemi stap fesem ol harem nogud ia. ¹⁰ Be ol harem nogud blong yu ia i blong smol taem nomo. God blong glad hat, hem nao i singaotem yu i kam long kraes we i kat glori we ino save finis samtaem, hem bai i mekem gud yu, givim paoa long yu, mo putum gud yu. ¹¹ Hem nomo i gat paoa blong rul gogo ino save finis samtaem. Amen. ¹² Mi luk silvanus hem i wan fetful brata, mo mi bin usum hem blong raetemaot ol toktok we mi talem. mi nao mi long yu se wanem we mi raetemaot naia hem i stret glad hat blong God. Stanap long hem. ¹³ Woman ia we i stap long Babylon, hem i jusum hem wetem yufala, i talem halo. After pikinini blong mi tu Mark i talem halo. Kisim wanwan long yufala wetem lav mo talem halo. ¹⁴ Mo pis ya bai i stap wetem yufala everi wan tru long jisas kraes nomo.