¹ Vali nii abutita igalitau vesusege voo voleu vaa vole meialemelivelu Kena uvu Galileia vakivoleo, ige Iesu aiata keveo ulu. ² Iesu ta Disaiboloeabe talai nona havage abota lolu. ³ Vaini ivaga vesuge Iesu aiaveu loi Iesu laviai avoe, vainiu vesulu. ⁴ Igeto Iesu au aia laviai avoe, aia vadeula keu data atalu?. /dii valiu niu loie solilu. ⁵ Aia veu hauve avale ke lavigei avoe au vadeu louge kee ave. ⁶ Isege sigisi tauli Diuia ele ee kai abo ada totoivale abo valevile avale tauli otovege uale ke otovelu, igali keu tu-tili mitas bosive. ⁷ Iesu lavigei avoe tauli ko agisi ele ekave, ige ea agisi ee kageloi ililoholu. ⁸ Ige Iesu lavigei avoe, vole agisi tai eue elu uvale ke vaveve, ige ea ke late alu. ⁹ Ige Iesu lavige avoe aike vole kaiai vole lohomegelive age, nonavale ke vavuve ige ea kelate age ee keu ke ige avoele koe voleai ulu. ¹⁰ Ige ata keu au ivu valivelu ale ke laviage loige lavia avoe, aa vadeuluga luta vaini dua soliale ata vavelu, isito duave bausa ko kalevage ualela, lai koo ilu, koeve baua ko. ¹¹ Keu Iesu ale ke ivai teteale kelau igeataea bahata Iesu vuvune isi ataga ke ivai, vai lelevetilu. ¹² Ke iae Iesu au aiati au kovuvuiali, isi au Disaiboloeali Kena, Galileia kalevai Kabeniamu tievelu isi keveo ualeu vali nii moeagale ue savalu. ¹³ Isege Diuia sisila valiniu vuguvugualu. Ige Iesu Dielusalemae vaeatilu. ¹⁴ Tiale ivige ata moeagaea Dubu uvule ui maketiava, abo bolomakau, abo mamoe, abo ugu bune isi moni senisiava. ¹⁵ Ige Iesu ke ivai tai vaeabukiai visu ai vailoi kavei lovegei avoe, laa vadeuluga Dii Mama oo koo vai vavolo oo toai ela maketiai oiva. ¹⁶ Isi ugu bune taete voiavale kelai loui avoe, ko neni agisi teve. Isi kalevave Dii Mamau ola, la kovai maketiai oiva. ¹⁷ Disaibolo vea huhualu abo kisaiai loui avoe Kosive abo ai oo vai toelatige di uvu tuvu kitaealu. ¹⁸ Ige Diuia kosi kitae kea loi Iesu lavia avoe au aule lolai ivai teteavale ke vole age loke ivai? ¹⁹ Iesu kotoeabe ke evisi lavigei avoe Dubu ko lehosivage dale vali nii abutita igalita uvue kou louai. ²⁰ Ige Diuia kosi kitae kea loui avoe abo Dubu ko kouale, vagala votisigisi '46' u vesulu, a lou ale keu nenie solilu. ²¹ Isito Iesu Dubu louale keu amigalau ke loulu. ²² Au kateai louale kele voeleai tota kobelale kele Disaibolovea huhuai tota Bukau uvue abo kisaiale keta huhuai vai lelevetilu, bukau lousege biageu louale keu leleve. ²³ Iesu Dielusalemae Basiova sisila lovi abo avale kela, usege ata moeagaea vai leleve tisi abo uvu vai vavulu ivai teteivale ke age. ²⁴ Igeto Iesu ibilalu agigei lelevetie solilu eu bahata keneni ivelu. ²⁵ Atabeu ataea aveveabe ke loui haivue solilu, isito Iesu biageu ivalu vadeu ata kele uale ke, kelu Iesule lailo ivei vadeu lailoi uvue uale ke.