¹ kiela Yesu ni alonguki jiendji afinama ku Yeluselemi, atudidi a dimbu dia Betefaze ha belabela ni mu mundonda wa ma Olive. ² Kumanima Yesu wa tumini alonguki jienji mbadi wa wa leza etshi: "Ndangenu ku dimbu didi kumesu, nu kumona koku punda mukaji wa kukasa ni mwana endji. Wa kasululenu, nu wa nehenu kudi ami. ³ Yivwa muthu wa nu hula kikuma nudi my wa kasululanga, nwa mu leza etshi: 'Fumu wudi nendji fhunu, muthu mwenoyuna wu ku wa tusula mbala yimoshi." ⁴ Mambu moshu mahangimini kienekina, mu ku lungisa mambu makudidi mbikudi etshi: ⁵ "Leza vidi dia Sion etshi: 'Tala, Fumu eyi weza kudi ayi, wa dibata, wudi wanina a wulu dia punda, ni a wulu dia kaana ka punda.'" ⁶ He alonguki endidi a hanga kioki kia walejidi Yesu. ⁷ A nehini punda ni mwana, azadidi hohu miledi miowu, Yesu wa shikama ha wulu dia miledi. ⁸ Lawu dia athu azadidi miledi miowu mu ndjila, ekha kama a vukanga mathayi ma mitondu ni kuzala mu ndjila. Eni ahangidi moshu menamana, mu kuhwa Yesu lukumu. ⁹ Athu akhedi a mujeta ni ku mu laba, ayandjikidi kuta milolu ni kungangumuka etshi: "Ozana kudi mwana wa Davidi" "Leka lukumu lukhadi kudi oyu wudi kwizanga mu jina dia Nzambi ni kiyeka kia ku wulu. Ozana ku wulu dia Nzambi. ¹⁰ Tangwa diela Yesu wengila ku Yeluselemi, vidi dioshu dia nikinini, hunji dia athu dia sanguka ni kwakula kiangolu etshi: "Kikuma kiakhi edi ku muhwanga lukumu muthu wa pila eyi? ¹¹ Wunji dia athu dia vutulanga etshi: "Oyu wudi Yesu mbikudi wa katukila ku Nazaleti mu thothu ya Ngadidi. ¹² Kumanima Yesu wengididi mu nzia Nzambi. Wa kayidi athu oshu akhedi ku sumbisa ni ku sumba mu katshi ka nzu ya Nzambi.Wa mwangini mesa makhedi ku tsiendjia fwalanga ni yitshi ya athu akhedi kusumbishia a poombu. ¹³ Wa wa lejidi etshi: "A sonika etshi, 'Nzu yamemi ya kakhala nzu ya yisambu,' kashi enu nwa yikhinisa fundu dienda kuwaningina eeji." ¹⁴ He a pofu ni yikata ejidi kudi mweni mu nzu ya Nzambi, mweni wa wa wuka. ¹⁵ A fumu jia anganga Nzambi ni malongi ma tshiku, amweni mambu ma kuyituka ma hangidi mweni. Eni a mweni epi ana alengi ni kushia milolu munzu ya Nzambi"lukumu kudi Khidishitu; mwana wa David." Eni evidi kinjiongu mu mambu moshu mahitidi, kikuma eni kakhediku kunona Yesu mudi Khidishitu. 6He eni mu lejidi etshi: "Kiehi ayi ni ndaka kwakula lo mu moshu ama? Wushiku kwivanga mayema medi kushianga ana awa? "Yesu wa wa vutudidi etshi:"Ee, enu nwa tangidiku kia sonika mu bibila esthi: "Mweni wa kanona lukumu kudi alengi ni ana bibi edi kwamwanga?" 7Yesu ni alonguki jienji akatukidi a vidi diakhedi, aya ku langala ku Betani. ¹⁸ Mu nzolu wa thethi, eni avutukidi ha vidi diakhedi; mweni wevidi nzala. ¹⁹ Wa mweni mutondu wa ma figi mu khulu ya ndjila; Wa kokulukidi, kashi wa wanini mutondu wazala ni mayiji pamba. Mweni wa lakha mutondu etshi: "Ayi wa ka haka oku ata kibundu kimoshi. Mumbala yimoshi, mutondu wa wuma. ²⁰ Mu kukhia, alonguki kia mweni mutondu wa ma figi wa wuma, ayitukidi, akula eni etshi: "Kiehi mutondu ma figi wu feti kuwuma mu mbala yimoshi. ²¹ Yesu wa wa vutudidi etshi: "Kiedika, nidi ku nu lezanga, yivwa nudi ni lukwikilu konda kushia pika, keshiku kasu etshi nwa lunga kuhanga eyi ya hangama ku mutondu wa ma figi, kashi nwa lunga kuleza mundonda etshi, 'katuka ha wudi nda wubu mu meya majima,'" ma kuhangama. ²² Moshu ma nu kulomba mu yisambu, nushia mutshima nu kunona. ²³ Kiedidi Yesu wengila mu nzu ya Nzambi, a Fumu jia anganga Nzambi ni a mambuta ma kifutshi ejidi kudi mweni kiakhedi kulonga, akula etshi: "Ni khia kiyeka wudi kuhanganga mambu menama, nani wa kuhwa naki?" ²⁴ Yesu wa wa vutudidi etshi: "Ami nia zola ku nuhula niami. Yivwa nwa nguhwa mvutu, ni ku nu leza khia kiyeka nidi kuhangilanga mambu ama. ²⁵ Mbotika ya Yowani - kwehi ya katukila? Ku wulu aho kudi athu? Eni akwangana owu mweni etshi: "Yivwa twa kula etshi, ku wulu, mweni wu ku tuleza etshi, kikuma kiakhi nwa lekidi ku mu kwikila?" ²⁶ Kashi yivwa epi twa kula etshi, 'kudi athu,' twenda twevwa athu woma, kikuma athu oshu enda kunona Yowani mudi mbikudi." ²⁷ He, eni avutula kudi Yesu akula etshi: "Etu tushiku kwijikanga." Mweni wa waleza etshi: "Ami epi ni ku nu leza oku khia kiyeka nidi kuhangilanga yima yenehi." ²⁸ Kashi ekhi nudi ku banzanga mu mambu ma muthu mumoshi wakhedi ni aana mbadi. Wa leza wathethi etshi, ' 'Mwana emi, lelu ndanga wu hangi mu kilanga kia vinu.' ²⁹ Mwana wa vutula etshi, 'Ni ku hanga oku,' kashi kumanima wa soba mabanza waya. ³⁰ Muthu mweni waya kudi mwana endji wa kiadi, wa mu leza pila yimoshi. Mwana mwenoyuna wa kumbula, wa kula etshi, 'Niamba kwenda tata,' kashi kendidi kwenjiku. ³¹ Nani mu katshi kowu mbadi wa hangidi luzolu lwa tata endji? Eni akula etshi: "Wa thethi." Yesu wa wa leza etshi: " Kiedika nia nu leza, tulaki twa leta ni a ndumba leta, a ka thethikila kwingila mu kifumu kia Nzambi, enu nwa ka sudila. ³² Kikuma Yowani wejidi kudi enu mu ku nu leza ndjila ya bathu, kashi nwa mu kumbudidiku. Kaka tulaki twa leta ni a ndumba leta a mu kwikididi. Enu ata kioki nwa sobidiku mitshima mienu mu ku mu kwikila. ³³ "Yivwenu kingana kiekha. Muthu mumoshi, wakhedi ni kilanga kiendji. Wa kunini vinu, wa jetisa kibaka mu khulu, wa shima bhuku dia ku kamunina vinu. Wa tungidi nzu yimoshi mu ku ki kengidilanga. Washia athu a kufutila. Kumanima mweni wa kasha ndjila, waya mu thothu yekha. ³⁴ Tangwa dia kukatula mbutu ki dia lungidi, wa tumini athu a kisalu kudi afutidi mu kunona kapu diendji. ³⁵ Kashi afutidi akwatidi athu a kisalu abula mumoshi, mukowu a mu jiya, oyuna wa sadidi a mu winda mayala. ³⁶ Mukwa kilanga, wa tumini athu a kisalu ekha lawu kuhitila athethi. Kashi, afutidi a hangidi kioki kia hangidi kadi. ³⁷ Kumanima, Mukwa kilanga wa wa tumishini mwana endji, wakula,etshi, 'Eni a ka mu jitisa.' ³⁸ Kashi kiela afutidi amona mwana enji, eni akwangana etshi: 'Tala wa kekhina mukwa kilanga. Yizenu, tu mu jihi, tu noni kilanga.' ³⁹ He eni a mu kwata, a mumba handji a lupangu, a mujiya. ⁴⁰ Kia kela Mukwa kilanga weza, kiehi a ka washia afutidi ena wana? ⁴¹ Eni a mu leza etshi: "Ka ka wevila oku khenda, wa ka wajiya, kumanima wa kahana kilanga kiendji kudi afutidi ekha, athu enawana aka bula ku muhwa kapu diendji mu tangwa dia kukatula mbutu." ⁴² Yesu wa wa leza etshi: "Nwa tanga oku kadi mu mikanda wa Nzambi etshi: "Yaala dia kongidi atungi a nzu, diekhinini fhunu yingi. Moshu ma katukila kudi Fumu medi mambu mahitangana ku waha ku mesu ma athu? ⁴³ Kienikioki nia nu leza etshi, kifumu kia Nzambi a ka kikatula kudi enu, a ka kihana kudi yikanda yi ku butanga mbutu jioki. ⁴⁴ Koshu oyuna wa kabwa ha wulu dia yaala mwenedi, wa ka betuka yitshini. Kashi oyuna wa ka bwila yaala, wa ka nikumuka." ⁴⁵ Kiedidi a mambuta jia anganga nzambi ni afadishi evwa yingana mweneyina, abakishidi etshi, wa wa lezanga eni. ⁴⁶ Edidi ku mu kwata, evwa woma wa hundji dia athu, kikuma athu a munonanga mudi mbikudi.