¹ Kifumu kia ku wulu kidi mudi muthu mumoshi wa wudikidi mu bwididi, waya ni kuhenga athu alunga kuhanga kisalu mu kilanga kiendji kia vinu. ² Wevwanganini nawu etshi, akanona lufutu lwa lunga mu kilumbu kimoshi; he wa watuma mu yilanga yenji. ³ Wa wudikidi epi mu tangwa dia 9h00, wa mona atu ekha akondidi kisalu ahwena kuwo a zandu kima kia kuhanga lo. ⁴ Wa wa lejidi etshi: "Enu epi ndangenu ku kilanga kiemi, nia ka nuhwa lufutu lwa lunga." Eni akumbudidi, aya. ⁵ Wa wudikidi epi mu midi ti mu 15h00, ni kuhanga kaka pila yimoshi. ⁶ Tangwa dimoshi epi mu ma 17h00, kia wudikidi wa wanina epi ni ekha, akhedi ahwena kima kia kuhanga lo. Wa wa leza etshi: "Ekhi nudi nwa wenina kilumbu kia mumoma konda kuhanga ata kima?" ⁷ Eni a mu leza esthi: "Kikuma ata mutu ka tu hwediku kisalu." Wa waleza etshi: "Enu epi, ndenu nu hangi mu kilanga kiemi kia vinu." ⁸ Kingweji ki kiabwidi, mukwa kilanga wa leza kapita etshi: "Tambika athu oshu a kisalu wu wa futi fwalanga jiowu yandjika muthu wa sudilianga tii wa thethilanga." ⁹ Tangwa diejidi athu ayandjikidi kisalu mu 15h00 koshu muthu wanonini pata yimoshi. ¹⁰ Tangwa diatudidi awana athethikididi, eni abandjidi etshi, akunona hitila akowu; kashi eni epi anonini kaka koshu muthu pata yimoshi. ¹¹ Kiela anona matapishi mowu, ayandjika kunienganana kudi Mukwa kilanga. ¹² Eni amuleza etshi: "Athu awa nonanga ku tsuka, a hanga kaka tangwa dimoshi mu kisalu, kashi ayi wa tuhwa matapishi pila yimoshi, etu twa mona pashi yandjika mu suka ni mwania wa tutwa." ¹³ Kashi mukwa kilanga wa vutudidi mvutu kudi mumoshi mu katshi kowu, etshi: "Ndoyi ni ku kuhanga oku kubola. Enu nwevingini ndaka ni ami mu pata yimoshi. ¹⁴ Nonenu kapu dienu nwendi. Nia zengidi mu kuhwa athu a tsuka a nia shidi mu kisalu matapishi ma moshi ni enu. ¹⁵ Nishiku ni pila yekha yi Nia lunga kuhanga, Ami ni kuhanga pila yi nia zola kikuma Yima yidi Yami. Nwevwa khabu kikuma nidi muthu wa lutondu?" ¹⁶ He wa sukinina wa ka thethikila, wa ka thethikila wa ka sukinina. Athu engi a katambika, Kashi a kasola kakakhala oku lawu. ¹⁷ Yesu kiakhedi kukanduka ku Yeluselemi, wa nonini alonguki kumi ni mbadi ni kwenda nawu. ¹⁸ Mu ndjila wa walejidi etshi: "Talenu, twenda twa kanduka ku Yeluselemi, Mwana wa Muthu a ku mu yekula kudi Anganga Nzambi ni Amalongi ma jitshiku. Eni a ku mu zengila ndola ya lufwa, ¹⁹ a ka mu hana ku mokhu ma apani, eni a ka museyi, a ka mu bula ni miswila, a ka mu khokha ha kulundji. Kashi kilumbu kia kisatu,wa ka futumuka. ²⁰ Kumanima mama ya ana a Zebede wendidi kudi Yesu ni ana jiendji. Wa fukimini ku mesu ma Yesu, wa mu lomba kima kimoshi. ²¹ Yesu wa mu vutudidi etshi: "Ekhi wa zola?" Mweni etshi: "Hana djila mu pila etshi ana jiemi owu mbadi akhadi ashikama mu mumoshi ku kokhu dieyi dia kitata,m wekha ku kokhu dia kimama, mu kifumu kieyi." ²² Kashi Yesu wa vutudidi etshi: "Wushiku kwijiyanga kima ki wudi kulombanga. Enu nu ku kuka kunwa mbangu ya pashi yi ni kunwa ami?" Eni a mu leza etshi: "tu ku kuka." ²³ Mweni wa waleza etshi: "Kienikioki mbangu yemi nwa ka yinwa. Kashi mu kushikama ku kokhu diemi dia kitata to dia kimama, keshiku ami ni ku nushia, kashi yidi kikuma kia oyu wa hangikila Tata. ²⁴ Tangwa Alonguki ekha kumi evidi kienekina, ekhinini khenda khenda, alumukina awana mbadi akhedi apangi. ²⁵ Kashi Yesu wa watambikidi kudi mweni wakula etshi ayi wejiya etshi a Fumu a apani awa yala athu jiowu a fhunu epi enda ku wa mwesa pashi. ²⁶ Kashi ma lungidiku kukhala kienekina mu katshi kenenu. ²⁷ Mu kutala kwa mboti Oyu wa zola a mu zangudi mu katshi kenu afeti kukhala kisadi kienenu ²⁸ Kienikioki Mwana wa muthu kejidiku enu nu mu hangidi kashi mu ku nu hangila wa hana moyi wendji bosu makabu kikuma kia athu lawu. ²⁹ Kiela a wudika ku Yediko hundji dijima dia mu laba. ³⁰ A pofu mbadi akhedi ashikama mu khulu ya ndjila.Tangwa dievidi etshi Yesu wenda wahita angangumukini kia ngolu ni kwakula etshi Fumu Mwana wa Davidi twividi khenda. ³¹ Hundji dia wa nganina ni ku wa leza adibati kashi eni angangumukini epi kia ngolu etshi Fumu Mwana wa Davidi twividi khenda. ³² He Yesu wa makana, wa wa tambika, wa wehula etsi: "Ekhi nwa zola ni hangi kudi enu?" ³³ Eni a mu vutudila etshi: "Fumu, leka mesu metu ma temuni." ³⁴ He Yesu ni khenda jioshu, wa kwata mesu mowu. Mu mbala yimoshi atemuna, a mu laba.