¹ Mejidi kubwa etshi, kiela Yesu wa manisa kuhana jitshiku kudi Alonguki jiendji kumi ni mbadi, wa katukidi kwenokuna, waya ni kulonga ni kutendula ndaka ya Nzambi mu ma vidi mowu. ² He Kiela Yowani mbotika wevwa tsangu jia yisalu ya Khidishitu mu boloku mwakhedi, wa mu tumishini ndaka kudi alonguki jiendji, ³ mu ku muhula etshi,"Yidi ayi yuyu weza to kudi ni mwekha wu tu feti kumakinina?" ⁴ Yesu wa vutudidi wa waleza :"Ndenu nu tedi Yowani mambu ama ma nwa mona ni ma nwevwa. " ⁵ Apofu enda amona, yikata yenda ya zanguluka, akwa bwashi enda akola, yifwa matu enda evwa, amvumbi enda atokama. Awayi enda a walonga tsangu ya mboti. ⁶ Kieshi kudi koshu muthu oyu wa leka kushia pika kikuma kia ami. ⁷ Kiedidi athu mwena wana ni kwenda mu ndjila, Yesu wayandjika kuhula athu mambu matadila Yowani:"Ekhi nwendidi kutala mu tseki, ka mutondu kanikananga ku fundji? ⁸ Kashi nwa wudikidi mu kwenda kutala ekhi, muthu mumoshi wa vwatidi miledi mibenga? Mu kutala kwa mboti athu enda kuvwata miledi mi benga enda kujingila mu manzu ma fumu. ⁹ Kashi nwa wudikidi mu kutala ekhi, Mbikudi? Ee, nia nu leza etshi wa hita mbikudi. ¹⁰ Tala mweni yoyi, asonikinini etshi, 'Tala nia tuma ngendji wemi athethikidi kwenda kuhangika ndjila ya yeyi.' ¹¹ Nia nu leza etshi, kiedika, mu katshi ko owoshu atetuka kudi mukhetu, ni mumoshi lo wahita Yowani Mbotika. Kashi muthu wakonda fhunu mu kifumu kia Nzambi wa muhita mweni. ¹² Yandjika yilumbu ya Yowani mbotika tii kikimweni, kifumu kia ku wulu kiekhina kia kingolu ngolu. Kaka athu a kingolu ngolu a kengila. ¹³ Kikuma, Ambikudi ni tshiku a bikudidi tii tangwa dia Yowani. ¹⁴ Nwambidi ku mu kwikila, Eliya yoyu wejidi. ¹⁵ Leka koshu wudi ni matu ma kwivila, evi. ¹⁶ Kashi enu athu a tangwa mwenedi nudi mudi nani? Nudi mudi ana a bibi edi kusemanga, ashikama ha zandu, ni kushia mayema, ni kuleza akwawu, etshi: ¹⁷ " Etu twenda twa shika kimbendi, enu kukinanga lo. Twa nu yimbila mimbu mia malunga, enu kudila lo. ¹⁸ Kikuma Yowani Kiejidi, ka dianganga oku mapa, kanwanganaga oku maluvu. Enu nwakula etshi:" wudi ni pevi ya bola." ¹⁹ Mwana wa muthu weza, wenda wadia, wenda wa nwa, enu etshi:" wudi muthu wa luhupu ni muzedia maluvu. Wudi ndoyi wa tulaki twenda kufutisa kitadi ni akwa masumu. ²⁰ He, Yesu wa yandjikidi kuyana ma vidi mosu, mwa hangimini mambu majima ma kuyituka. Kikuma, eni ka baludidiku mitshima miowu. Kashi jienda kumwekana mu yisalu. ²¹ Khenda jingi, kudi ayi Korajini, Khenda jingi kudi ayi Beteseda. Mambu ma kuyituka ma hangimini ku Tire, ni ku Sidoni, Nga ma hangimini kudi enu, eni ambidi kuvwata masaki ni ku dihwasa mbombi mu kulombulula etshi, a balula mitshima miowu. ²² Kashi ndola yi nwa kanona yahita ya tyr ni Sidon mu kilumbu kia kusambisa athu. ²³ Ayi, Kapernawumi wa banza etshi wa kenda ku wulu? Loni! a ka ku jiokisa ti mu kalunga. Kikuma, Nga ku Sodomo kwa hangimini mambu ma ngolu mudi ki ma hangama kudi ayi, eni ambidi ku jinga tii lelu. ²⁴ Kashi, nia nu leza etshi, ndola ya yeyi ya ka hita thothu ya Sodomo mu kilumbu kia kusambisa athu. ²⁷ Mambu ama moshu Tata wa ma pedi. Kushiku ni muthu wejika Mwana, Kaka Tata. Kushiku muthu wejika Tata, kaka Mwana, ni athu awana, mwana azola ku mu mwekinisa. ²⁸ Yizenu kudi ami enu oshu nu ku hanganga, nudi nwa lembwa, ni yilo; ni ku nu katula kilemu nu hwidi. ²⁹ Nonenu kilemu kia memi, longukenu kudi ami kikuma, nidi nia dikulumusa ni mutshima wa thulu, nu kukhala lendedi. ³⁰ kuhangila ami,kushiku pashi, kilemu kiemi epi kidi lendedi.