¹ Ntotumagni otwung osu onkear, Febe, ali nsadi n'evuru e Nzeam eli ne Senkre, ² yamagni nde ne dzin i Nkum. Kiagni n'oshin owuo e wa santu, sarisagni nde mpi na vim ali nde na wo mfunu. Djwi nde ko asarisa vear ntsign, ata me memie. ³ Peagni Prisilia na Akilasi mbea, wog anagn vear alekienike me ma wo n'otshia e Kristu Yezu, ⁴ Wog, anakug wo ngwa ko djwi na mvuga luzingu eme. Ndapea nsag-na-viye, mpi epa ko memie ve, kansi ti vear ankum ali ne mvuru i Nzeam i vear apa ali wa Yuda. ⁵ Peagni mbea mpi ya vearali n'evuru e Nzeam eli n'evuru ewo. Mbea ya Epayineti otwung ome e ngangn, nde wur eyii ne kati e vear anteang ayidjiir Kristu ne Azia. ⁶ Mbea ya Maria, nde wur eyikii etshia e biu djwi na gnu. ⁷ Mbea ya Adronikus ti Yoniasi, atwung ame mpi vear alekienikime ma wo ntangu eyintshung wo. Wali mfunu entsign ne kati e wa ntumwa ayike ti Kristu ne nteang eme. ⁸ Mbea ya Ampliasi, otwung ome e ngangn ne dzin i Nkum. ⁹ Peagni mbea ya Uribeni, alekienikisu ti nde n'otshia e Kristu, ye mpi Stakisi, otwung ome e ngangn. ¹⁰ Mbea ya Apelesi, nde wur emiyegne ekaagn ende ya Kristu. Mbea ya vear ali n'evuru e Aristobule. ¹¹ Mbea ya Herodioni, otwung ome. Mbea ya vear ali n'evuru eNarsisi, ali ne kati e Nkum. ¹² Peagni mbea ya Trifeni na Trifozi, wo vear alekii otshia e biu ne dzin i Nkum. Mbea ya Perside, otwung onkear e ngangn, nde wur emikie otshia entsign ne dzin i Nkum. ¹³ Mbea ya Rufusi, nde wur emison wo ne dzin i Nkum, ti mea nde eli mpi mea me. ¹⁴ Mbea ya Asinkriti, Flegeoni, Hermesi, Patrobasi, Hermasi, ti atwung ampeam ali ti wo. ¹⁵ Peagni mbea ya Filologiti Julia, Neree ti otwung onde onkear, ti Olimpe, ti wa santu inkum ili wa wo. ¹⁶ Peagni mbea gnug na gnug, peagni mwua e santu. Mvuru i Nzeam inkum i Kistu watotumagni mbea. ¹⁷ Atwung, ndatuba ma gnu ntangu ene, osugagni na vear alenami vear, aletsug abagu ne along ayivey gnu. Yiagni etey na wo. ¹⁸ Djwi oshin o vear anagn wapikii otshia o Kristu Nkum esu ve, kansi ipfugn iwo wemie. Ye mpi walepur otuba ngie-ngie, ti oyang neti, waledjim itura i vear apijia ata vim ve. 19 Djwi mbanu egnu etsagnu mdemfuka, emikum ya vear ankum. ndi na osiang, djwi na gnu, kansi ndaleang oyiagni na waagn ne vii awuo, mpi okwon ndogagni ne vii apwo. ²⁰ Nzeam e ngemba, kaku etean ve, ayadjag nde Satana ne ngie i nkuu ignu. Ngrasia e Nkum esu Yezu-Kristu eyii ya gnu. ²¹ Timotei etsamenkie otshia ti nde, atotumagni mbea, ti Lusiusi, Jason na Sosipater, atwung ame. ²² Me Tertius wur efugn onkeana ene, ndopeagni mbea ne dzin i Nkum. ²³ Gayus, wur emigyama, atiyama na evuru e Nzeam enkum, atotumagni mbea. Eraste nde wur etsangwum ekri e wiya enen ene mpi atotumagni mbea, ti otwung osu Kartus. ²⁴ Ngrasia e Nkum esu Yezu-Kristu eyii ya gnu gnankum! Amen! ²⁵ Ntangu ene, ya wur esikug ompeagni biu enkir oshuong owuo eyopiagni me, ti along a Yezu-Kristu, oshin omiyegne wo, vim eyike ngiziy bana ntama, ²⁶ kansi ntangu ene, wean emiyiampwe n'enkeana eyifugn wa ngunsa, oshin oyitubi Nzeam, djwi vear ankum apa ali wa Yuda ve walemfuki ne lukwikilu ewo. ²⁷ Nkembo eyii ya Nzeam ndemie, eli na ntiegn, ne dzin i Yezu-Kristu! Amen!