¹ Polo,wur otshia e Yezu -Kristu,eyivinde na ngya ntumwa ,eyiwum nde n' ikre djwi na ndong evanjili o Nzeam, ² Evanjili e wo eyi nteang nkab Nzeam kandiye ne mbug e wa ngunza i nde ne Masonama Masantu; ³ vii alir mon nde eyiwur wo, ne djung,n' okwo e Davidi, Eyitubi wo ali mon e NZeam,na biu e mpeve santu,ne mfutumuka ende kati avear ngawa,Yezu Kristu Nkum esu. ⁵ Na nde sa miveasu ngrasia n 'otshia e ntumwa,djwi sivari ne dzin inde empagn enkum ne ndemfuka e lukwikilu. ⁶ Gnu mpi olagni ne kati ewo avear eyivi Yezu . ⁷ Vear ankum ali ne Roma,Nzeam amaleang,wamikum wa santu: Nzeam tea su,na nkum esu Yezu-Kristu wopiagni grasia na Ngemba. ⁸ Nteang-nteang ntokeara nsag-na-vie ya Nziam eme ne mbug e Yezu-Kristu,djwi na gnu gnankum,oshin lukwikilu e gnu emipaagn oshuong buu opfugn. ⁹ Djwi nzeam ali temwe,wur elesadili me ne kati e Mpeve eme ne kati Evanjili e mon nde ,ye mpi atsa m' otshugagni ntangu enkum ne bisamu, ¹⁰ Elewugnime mbala na mbala ne bisamu i me,yu aleang,ampii mbug na ngia etayi e gnu. ¹¹ Djwi ndi na mfunu moyenagni,djwi no ntumagni akab e mpeve djwi okumagni biu. ¹² Eli mpi djwi siyi sankum na kikesa ne mbug e lukwikilu asu ye mpi avear amuu; Eme ti egnu. ¹³ Atwung , ntun akwon gnu njia gnugnun alime na nginu i ngia ondiragni djwi mvey mbeam iwuo ne kati egnu,ti opeane nto vi mbug e ngia . Aling kime na mvia mbuma e muu etayi e gnu otshin omog enaveame ne ndambu emisatsiga etayi empagn. 4 Djwi mfuete ntsa etayi e wa greki mpi e angingiene,ye mpi etayi e vear wagn na avear apiji ata vim ve. 5Ndi nga wong djwi na me n'ondongagni evanjili,gnu avear eli ne Roma. 6 Djwi me ,mpia nsogn ve evanjili. Djwi eli biu e Nzeam na mvug e wur enkum esidjir,nteang-nteang eli djwi na wa yuda,mbiyi wa greki. 7 Etayi ilende Nzeam amiyen luwikilu emimonana mbal ipe ,oshino oyipfugn n'onkean Nzeam : wur ewo asivug nde ko na lukwikilu. 8 Nzeam ayegne nkier i nde yim olung djwi masumu na ipwo inkum ikie vear,waletshung vii a masonga. 9 Djwi Nzeam amakaba waji vii afwete wo njia ya nde. ²¹ Djwi wa mijia Nzeam,kansi wokopea osiang onde ve oshin olinde Nzeam ,wakokeara nsag-na-vie ve.kansi wamijing ko na mabansa i wo,itura i wo ikwon wo wagn emilog ne mpib. ²² 2 Wapur omwong ke si ankea wagn ,wa mikum ankea ifara. ²³ E yempi wamitshima nkembo eNzeam ekwon mbin na ignignig i wur e masumu ,i wa mfuru, gnam inseang,na wagnam itsankeara ni ipfugn. 24 Mbiyi Nzeam s'amiseangna nde wasatsuga ne mbin,oshin etum mpwyi itura iwo; wog enagn salepiy wo lukumu i djung i wo nkeanga wo; ²⁵ Wo vear amisogno masonga i Nzeam emisakum oyang, wamifukamina vim mpi wa sadila vim aki Nzeam n 'ondi o wur eyigangi vim ankum nde nkea lusakumuna ekwon nsuka . Amen. ²⁶ N'oshin onagn Nzeam samasianga nde wasatsuga na mpwi ipwo insogn: Djwi ankeara wo wamikum ntshib djung i wo n'oshin epikug wo nkie ve; ²⁷ Oshin omog,ampeam wamisaseangna ankear,wamikum na mpwiy e wo na wo,waleseki vii a nsogn ampeam-ampeam n'oshin onagn, walevey ifuti i vi awo amijing wo mbug. ²⁸ Oshin ekatsug wo onen enjia vi a nzeam,nd'amapea onkwogno n'obwun o wo djwi wasakie vi a nsogn. ²⁹ Wamiywo to na ipwo eshin- n'eshin,n'itura ipwo,na mfunu envea vim ankum,na wagn opwo, mpwyi e vim ankagn, mpwyi e ndjag a vear, ishia,wagn epwo,nginu ipwo; ³⁰ Owar.nkab -ipwo- avear,nkwon ndeang vi a Nzeam. Avear omwong. wa jing ko na nkie ipwo,ote biu na tea na mea. ³¹ Wapea wagn,kaku mpila antsug ekagn,kaku ngagn ve,kaku mawa ve. ³² Ata wajia wuwun Nzeam ayabagnde ewu e vear,a vear akie vi anagn ayawawo.Wu wakie vi anagn,ye mpi waleang a vear amuu akie vi oshin onagn.