¹ Emono e Yezu- Kristu, eyopii Nzeam djwi na ngyegne ya vear ande otshia vii afuete ndog ne nshuu ileye, mby s'akabinde, wur ende otshia Yoane, ntangu eyitum nde wanzio ende, ² S'akab nde otuba e Nziam mpi ntiegn e Yezu - Kristu, enkum eyiyen nde. ³ Osiang ya wur etanga ti ya vear ayug otuba e vii abikula wo ene, wawum vii amifugn wo neti! Djwi ntangu ewo etivanga. ⁴ Yoani na mvuru inziam ishambia eli na Azia: Ngrasia na ngemba eyi na gnu, eyim ya wur eli aliko, wur eyike ti wur eleye, mpi ti ya Mpeve ishiambia ili ne nteang e nkway nde ekub, ⁵ ti ya Yezu- Kristu , ntiegn e masonga, mon e nsom eteang ne kati e vear amiwa, na nkum e wavuy eli ne buu ! Ya nde wur eyiteleang, eyitelimi ne masumu n'alung ande, ⁶ Emikie na su wiya ekub e wa nganga- Nzambi djwi Nzeam Tea nde, ya nde osiang na biu, mvwe na mvwe ! Amen! ⁷ Yenagni, aleye na mafuba. Mby dziy inkum ayoyen nde, ata vear ayotog ikwong; mpi etuba enkum ne buu ene ayaliye wo djwi na nde. Amen! ⁸ Ndi Alfa ti Omega, otuba e Nkum, Nziam, wur eli aliko, eyiike, mpi eyayia, Nkea biu. ⁹ Me Yoane, otwung ognu, eyivey ikab i mpay nda gnu n'inaagn iletsug su ne dzin i Yezu, ti n'ekub, ayikime ne esiang eviewo Patmos ko djwi n'otuba o Nzeam, na mpea ntiegn e vii a Yezu. ¹⁰ N' eshuu e Nkum, Mpeve ankir nde, mby s'ayug me otuba omog e biu epwe ne mby eme, kamsi oshuru e asigi ebur wo, ¹¹ elatuba wuwun: Eyen yie ene fugn n'onkean omog, tum wog ne mvuru Nzeam ishambia, ne Efeso, ne Smyrne, ne Pergame, ne Tiatire, ne Sardes, ne Filadelfia, ti ne Laodisea. ¹² Ntitshim djwi na njia otuba e wur etuba nda me. Ntangu emitshim me, s'ayen me mwinda ishiambia i wolo, ¹³ mby ne ngnina e wamwinda ishambia inagn, wur emog, ali kamsi mon e wur, atilwer olobo otitey, ayinde n'okab e wolo n'ebimi. ¹⁴ Ote ende ti awuu ande ayiwo siy kamsi afur a gnam e siy, kamsi atari a mvuye ( neige); vy ande kamsi ekb e tshiya; ¹⁵ Nkuu inde ayiwo kamsi ewuu e tshiya, kamsi wur eyilogiwo n'ibulu i tshiya; mby otuba onde ayiwo kamsi oshur o mbing i vay anen- anen. ¹⁶ Ne wum ende ewuo, atikir weer ishambia. Ompien e vur epe apwikiwo n'odzum onde; mpi elung ende ayiwo kamsi vuna epea mbiiy e biu. ¹⁷ Ntangu emoyen me, s'alog me ne nkuu inde kamsi ntiwa. Ayab ewuo ende ne djuung ime, ndenden: "Oyayug womo ve! Me ndi wur e ontete ti wur e nsuka, ¹⁸ wur eli na luzingu. Awime; kansi, yenaka, mean ndi na luzingu e mvwe na mvwe. Ntikir wansab ewa ti i wiya e bafwa. ¹⁹ Fugnaka vim amiyen yie ene, vii aliko, mpi ti vii aleseye ne mby ewo. ²⁰ Oziy o weer ishambia emiyen yie ne wum eme ewuo ene, mpi ti mwinda ishambia i wolo ene. Weer ishambia inagn ili banzio ishambia i mvuru i Nzeam ishamba, mby wa mwinda ili mvuru i Nzeam ishambia.