¹ Wog enagn, ekug sikami biu na vii ayiyug su, yug kaku asivara wo vear etey na vii awo. ² Djwi, yug otuba eyilong banzio akiwo djwi, ya wur enkum emipiy nsiku na eyiki ote biu aveyi nde ifuta i nde, ³ Mbiy su oshin onkagn esilur su yug silayen evug eninen ene mpama? Evug eyitign nkaab Nkum , vear ayiyug wamiyegne wunwun eli djwi-djwi, ⁴ Nzeam mpi amijir ntiegn ewo ne bidimu, na vii a ngituka eshin na eshin eyiki nde , ti ne akab a etshia e Mpeve eyipii nde ne oshin oleang nde. ⁵ Kansi akapea buu eyasayia mbiy etuba su ene ya banzio ve. ⁶ Djwi eli na wur emog amipea ntiegn ene ne ondii omuu, ndenden : Wur ali nge ,djwi yie okanike, ata mon -wur ali nge ,djwi yie osarisi ? ⁷ akri nde ngie ko djwi na ivim i ntangu, ne ngie e banzio , omopea impu ekub na osiang, ⁸ Omitsug vim ankum ne ngie i nkuu i nde, djwi ne ntangu emopea nde vim ankum, Nzeam akasasugn vim emog ne dzug i nde ve. kansi su opeane sitoyen ve oshin emopea nde vim ankum ne ngie ende. ⁹ Kansi wur eyikri ngie,djwi na ivim i ntangu ne ngie e banzio ,eli Yezu,siloyen watoluer impu ekub e osiang djwi na ewa eyiyen nde mpay; mbiy ne ngrasia e Nzeam, ayen nde mpay ewa enagn djwi na vear ankum. ¹⁰ Akug wo wur eyipiiwo vim enagn, eyileang mvara aman entsign ne nkembo, wojir ne dzug n'ondii owuo djwi na mpay imiyen nde, nde nkum emapea evug. ¹¹ Djwi wur eletsug vear wakum wasantu ti nde wur eli santu, wayim ko ya wur emog. Wog enagn, kaku nde na nsogn ve na mvie wo atwung ande, ¹² ntangu etuba nde ndenden: "Ayakam me dzin iyie ya atwung ame, ayakie me okina oyie ne kati e vear oluy". ¹³ Emuu ndenden: "Ayapeame etura eme ko ya yie." Emuu mpi ndenden: " Mean, ndi ti aman ayimpii Nzeam." ¹⁴ Kansi, djwi aman wali ti aluung, ti djuung, nde ndemie mpi ayinde na wo, djwi n'ewa ende, ashiri biu e wur eyike na biu e ewa, elakab Ontshung, ¹⁵ mby s'apubikinde nkori i vear ayii ne kimpika, na womo ewa. ¹⁶ Djwi nde, akayia nsarisa banzio ve, kansi ayinde djwi na aman Abrama. ¹⁷ Kansi ayiwo afuete ngya oshin omog ti atwung ande ne vim ankum djwi nde ayii nkum e wankum epea empeab na ngy e vear, eli n'ekaagn n'otshia o Nzeam, djwi na nsuy masumu i vear na alung ande; djwi, n'oshin eyopiwo mpukumuna ne mpay iyiyen nde, asikug nde nsarisa vear ali ne mpukumuna.