¹ Nteang-nteang ,mbala na mbala, mpi eshin na eshin, Nzeam atubikinde nda a tea su wa ngunza, ² Kansi nshu ine , Nzeam amituba nda su n'odzum e mon nde; amotsug wur evey oleama-nzo e vim ankum , ya nde mpi, Nzeam s'akinde buu na olung na vim ankum. ³ Mon ali wur eyegne osiang o nde na tampo e wuo e nde, amikir vim ankum na otuba e nde e biu, amisuy masumu, s'amigneme nde ne wum ewuo e ekub e Nzeam ne dzug olung. ⁴ Atikum na ekub eleng'a banzio eyiviy nde oleam-nzo e dzin i wuo eleng'a dzin i wo. ⁵ Djwi wanzio nagn eyitubi Nzeam nda nde ndenden: Oli mon me ,ntowur lwo ene ? Emuu ndenden : ayayia me Tea nde , nde ayayia nde mon me ? ⁶ Emuu, ntangu eyishuer nde mon e nsom eteang ne buu ene, atubinde ndenden: Banzio inkum wakr abong ne nteang ende! ⁷ Emuu eyitubinde mpi nda Banzio ndende : Banzio i nde watikum wa mpeve, mbiy vear ande etshia watikum ekb etshiya. ⁸ Kansi atuba nda mon nde ndenden : ONzeam, ekub e yie eli e mvuye na mvuye; ikom ekub emikir yie ne ewuo li ikom ikug na yie. ⁹ Omileang masonga, omitun ipwo; O Nzeam wog enagn Nzeam eyie amokwe vir a osiang ne dzug iwur i yie. ¹⁰ Akea ntuba ndenden : Yie, Nkum, akiyie buu ne itsin n' olung eli etshi e mbwo i yie . ¹¹ Olung na buu ayawa wo, kansi yie ayisatsug'a ; ayangnwing wo kamsi eleama, ¹² Ayaadjing yie kamsi kazag mbiy ayasogno wo, kamsi yie, osatsug'a ko oshin omog , mvuye i yie ipayashir ve. ¹³ Mbiy wanzio nagn eyitubinde nda nde ndenden: Gneme ne wum me ewuo , tii ko eyemeara yie wa mbeni i yie ne ngie i nkuu? ¹⁴ Wankum epa wali wa Mpeve eleki otshia e Nzeam, amatum djwi na vear afuete mvey oleama-Nzo e evug?