¹ Aman, lemfukagni ya atea ti amea agnu, oshin otuba Nkum djwi eli wuo. ² Pea tea yie ti mea yie lokumu (ene eli nsiku enteang eli ti ealaga), ³ djwi oyi na luzingu etitey ne buu ene. ⁴ Gnu atea, oyapeagni aman nkier ve, kansi wungagni wo wuo, wongagni bifu iwo ne ntangu elalong gnuoshin oleang Nkum. ⁵ Vear otshia, lemfukagni ya ankum agnu ne djuung, na womo, ti ekukuma, n'etura ewuo, kamsi elemfukagnu ya Kristu, ⁶ epa ko ne vy awo ve, djwi vear wayen wog wuo, kansi kamsi vear otshia e Kristuetsankie oshin oleang Nzeamn'etura ewuo. ⁷ Peagni wo vim a nda eveang-eveang, kamsi vear aoea Nkum kansi epa ya vear ve, ⁸ jiagni gnugnun wur na wur , eyia mpfumi, eyia nkum, ayavea nde ifutu inde ya Nkum yug atikie iwuo. ⁹ Mby gnu ankum, kiagni ya wo oshin omog, siangagni na ngnianga na nkier, jiangi gnugnun Nkum ewo, ali ko Nkum egnu, ali ne dzug, ne nteang ende kaku ontshiey ve. ¹⁰ Wog enagn, tsugagni biu ne dzin i Nkum, na biu onde elenga. ¹¹ Lweragni endug enkum e Nzeam, djwi okwon ndogagni ne waagn epwo ontshung. ¹² Djwi mbeagn iluasu ipa i djuung ti aluung ve, kansi silua ti wa mpeve ipwo, ikub ili ne dzug, ankum ali ne buu e mpib, wa mpeve ipwo ili ne dzug olung. ¹³ Wog enagn, veyagni endug enkum e Nzeam, djwi sikwon ndog n'eshuu epwo, siyii ko na biuu ntangu eyavean su ne dzug i viim ankum. ¹⁴ Yiagni biu, lweragni masonga n'ikini ignu kamsi okaba, lweragni kirasi e luzingu; ¹⁵ lweragni ne nkuu ignu mpuy e nkie otshia e ndong oshuong owuo e ngemba kamsi antwum ne nkuu; ¹⁶ ne dzug i vim anagn ankum, veyagni lukwikilu kamsi vim e ndzub djuung, djwi asidzum gnu vign i yshiya iwur epwo; ¹⁷ veayagni ti impu evug, ti ompien e vur epe e Mpeve, eli otuba o Nzeam. ¹⁸ Ntangu enkum ne Mpeve, kiagni bisamu eshin n'eshin. Kiagni oshin onagn, tsugagni inaagn, samagni mpi djwi na wa santu inkum. ¹⁹ Samagni djwi na me, djwi ampii biu e ndong, ntangu engama me odzum, vear wajii oziy e oshuong owuo, ²⁰ djwi ndi wur emitum wowmitshung wo nkori, djwi ntubi n'ekaagn n'oshin ofweteme ntuba. ²¹ Djwi gnu mpi, ojiagni vii ali ya me, vii alekiime, Tishiki otwung e ngangn, wur otshia e Nkum aykabagni nde vii ankum. ²² Ntotum etay egnu djwi ojiagni oshin oli su,djwi nde mpi aye otsugagni ngemba n'itura ignu. ²³ Tea Nzeam ti Nkum Yezu-Kristu wopiagni ngemba ti ngangn eli na lukwikilu! ²⁴ Ngrasia eyi ya vear ankum aleang Nkum esu Yezu-Kristuna ngangn eli kaku nsuka!