¹ Me Paulo , ntumwa e Yezu-Kristu n'oshin oyileang Nzeam, ya wa santu inkum ili ne Efeso, ti ya vear amidjir Yezu-Kristu. ² Nzeam Tea su na Nkum Yezu-Kristu wopiagni Ngrasia na ngemba! ³ Nzeam ,Tea e Nkum e su Yezu-Kristu avey osiang nde, nde wur emipea vear lusakumuna enkum e nde e kimpeve ne dzug olung ne dzin i Kristu ! ⁴ Ne dzin i nde , Nzeam amisoon vear ne nteang nkie buu ene, djwi siyi wa santu,sikwon bifu ne nteang ende; Amiwong bana ntama na ngangn ende ,djwi siyi aman amivey nde na luzolo ende, etay e Yezu-Kristu, ⁶ djwi n'onkumisa na nkembo ende e ngrasia eyitepiinde ne dzin i mon nde eleang nde entsign. ⁷ Ndug wur emiyia teshum na aluung ande, sili na ndolula i masumu, n'otsun o ngrasia ende, ⁸ eyimuang Nzeam entsign-etsign ya su, emitepeande waagn na ntiegn e njia vii ankum, 9 amitekaba waagn enjia oziy e ngangn na wuo ende eyiwum nde ndemie, ¹⁰ djwi akii, yug ntangu ewo etikug, ayatsug nde vim ankum ondii omog ne dzin i Kristu, vim ali ne dzug ti ne buu. ¹¹ Djwi na nde, simikum aman ayavey oleama-nzo, n'oshin oyiwong Nzeam djwi na su, oshin eyiyinduli wur etsankie vii ankum n'oshin oleang nde, ¹² djwi su, sikike djwi n'osiang onde, su vear ayitsug ekaagn etay e Yezu-Kristu. 13 Gnu ko vear amidjir ya nde ntangu eyiyug gnu otuba e masonga, wamotsugagni tampo e Mpeve-Santu eyipiinde vear elaga, ¹⁴ enagn eli ashung (garantie) djwi n'oleama-nzo esu, n'oshin oyiteshum nde n'aluung ande eyipii Nzeam djwi na lokumu e nkembo ende. ¹⁵ Wog enagn, me ko, ntangu eyiyug me watuba djwi n'emidjir gnu Nkum Yezu, na ngangn elignu na wo djwi na wa santu inkum, ¹⁶ mpilem ve na nkeara nsag- na-viye ya Nzeam djwi na gnu, atsame ntuba dzin ignu e bisamu ime, ¹⁷ djwi Nzeam e Nkum esu Yezu-Kristu, Tea eli n'osiang opiagni mpeve e waagn ti e nkab vii ajia nde, ¹⁸ ongamagni vy etura egnu, djwi ojiagni ekaagn emotsugagni ondii omog ti evie ende, otsun e nkembo e oleama-nzo emiwuma nde wa santu, ¹⁹ na onen e biu ende eli kaku nsuka djwi na su vear amodjir, ayayegne nde biu ende enkum. ²⁰ Ayegni nde biu ya Kristu, ntangu eyobiyi nde n'ewa, amigneme ne wum ende ewuo ne dug olung, ²¹ ne dzug i biu enkum e satana, ne dzug ikub inkum, ne dzug ankum ankum, ne dzug i wa vuy inkum, ne dzug i dzin inkum inkum esiviewo, epa ko ne mvwe e luo ene ve, kansi ti ne mvwe ileye mby. ²² Amitsug vim ankum ne ngie i nkuu inde, mby s'apiind ewog ya Nkum enteang e evuru e Nzeam, ²³ evuru e Nzeam ewo eli djuung inde, eli opfugn owur etsangyura vim ankum ya vear ankum.