¹ Ne Icone, Paulu na Barnabasi washue wankeape n'evuru e Nzeam e wa Yuda, watuba n'oshin omog eli na wa Yuda na wa Greki, vear entsign wadjir otuba o Nzeam. ² kansi wa Yuda ekadjir ve , watsug ontshiey ya empaagn , wapea nginu ipwo djwi na atwung anagn. ³ Awumeliwo, alelong'ikiwo n'omwong ti biu e Nzeam mpi alekierakawo nteign n'along e grasia . Akie nde ngyn djwi bidimu esalamine mbuo e Paulu na Barnabasi. ⁴ A vear mingi e wiya onen wanam : Amuu etay e wa yuda , amuu etay wa ntumua. ⁵ Ntangu empaagn ti wa Yuda n'ankum wayokana djwi na mpea Paulu na Barnabasi mpay, waling oshin odjag wo n'atari, ⁶ wakaba mpi s'atshiwo nzuba ne viya e Lycaonie, Lystre ,ti Derbe, ti ne viya eli etitign enagn. ⁷ Along'ikiwo along a Nzeam mpiog. ⁸ Ne Listre , wur emog ayikinde ko ngigneme , ekom ne nkuu yim ko eyowur wo , akakienaka ko ve. ⁹ Wur e nagn ayug'iki nde vi a itubiki Paulu. Paulu olir pwo, mpi ayen ndenden wur ene ali na lukwikilu djwi avug. ¹⁰ Mby atuba n'otuba biu : yima ne nkuu i yie '' Ayima ko mbala emog , atwom mby akien. ¹¹ Ntangu emiyen wo vii amikie Paulu , oluy o vear anagn wadzama na biu n'otuba o wiya Lyaconienne wuwun ; Ene wa Nzeam wativey djung i su vear watikra. ¹² S'aviikiwo Barnabasi "Zeus", mby Paulu "Mercure", djwi ndug wur enteang elelongike otuba o Nzeam. ¹³ Nganga-Nzambi e Zeus enagn, tempelo ende ayiiwo ko n'ondii oshwewo ne wiya enen, ayia na wangombe ti bintuntu n'epfug e tempelo, nde ti oluy o vear anagn djwi wapii empeab. ¹⁴ Kansi ntangu emiyug wantumwa, Paulu ti Barnabasi vii anagn, wayara ileam iwo, watsa eveang eveang ne kati e vear anagn, ¹⁵ wadzama wuwun: "Vear ane, djwi na nge ekiegnu ngean? So, siliko vear oshin omog ti gnu. Sitjiagni oshwong owuo djwi osaingagni vii a mpama mpamaane, otshimagni ilung ignu etay e Nzeame luzingu eyiiki olung na buu, nzey ti vim ankum ali neti. ¹⁶ Ne wamvwe imileg, apiinde mbug ya buu imuu inkum na nkien ne mbug iwo ileang wo. ¹⁷ Ata akashir mpea ntiegn n'oshin olinde ve, djwi na iwuo ilekinde, elotumagni nde mvuye yim dzug, djwi na mpea mafuku ne buu, alopiagni vim anda ti osiang n'itura. ¹⁸ Ata itubikinde vii anagn, Paulu ti Barnabasi wakakug ve na mpum vear anagn, wakie ko empeab ewo. ¹⁹ WaYuda imuu iyim Antioshi ti iyim Icone wayia, wabin vear anagn mby ewo. S'abugikiwo Paulu atari,wotwomo nelien e wiya enen, abansiwo wuwun atiwa. ²⁰ Kansi ntangu emiyia walongki mbeama na nde, ayima, s'ashwinde ne kati e wiya enen. Mpimpign enagn, s'atshinde Derbe ti Barnabasi. ²¹ Emishir wo ndongne wiya enen, emiveawo wlongoki entsign kog, s'akey wo Lystre, ne Icone, ne Antioshi. ²² Wakalemaka ve na mpea along ya walongoki djwi wayii na kikesa ne mpeve ewo, watsug ko biu ne lukwikilu ewo, wuwun: "Su na nshwe n'ekub e Nzeam, sifwete ngyen mpay entsign." ²³ Watsug antsuru a dibundu ne konso evuru e Nzeam ntangu emishir wo nsama ti na nkie okio, s'apiiwo n'ewuo e Nkum eyidjiirwo. ²⁴ Watear Pisidi, wakum ne Pamfili. ²⁵ Alelongikiwo along ne Perge, mby s'akriwo Atali. ²⁶ Yim kog, washwe ne war, watsa Antioshi etay eyatum ngrasia e Nzeam djwi na etshia eyim wo na nkie. ²⁷ Ntangu emikum wo, wavie vera e evuru e Nzeam, wasanga, s'akabikiwo inkum iyiiki Nzeam ya wo, n'oshin omingama Nzeam epfug e ekaagn ya empaagn. ²⁸ Mby s'asawoyia mpiog nshuu mwa mingi ti walongoki.