¹ Paulo, ntumwa e Yezu-Kristu ne luzolo e Nzeam, ti Timotei otwung osu, ya evuru e Nzeam eli ne Kolinto ti ya vear ankum amidjir ali ne buu e Akai. ² Ngrasia ti ngemba e Nzeam ti e Nkum esu Yezu-Kristu eyii ya gnu. ³ Nzeam, Tea e Nkum esu Yezu-Kristu avey lokumu. Ali Tea e ngy mpi Nzeam eyug ngy e vear. ⁴ Nzeam atsande nteyug ngy ne vii a mpay ali su na wo n'itura, djwi su mpi siyug ngy e vear amuu ali na mpay n'itura. Siyug vear amuu ngy kamsi Nzeam mpi eleteyug nde ngy. ⁵ Oshin omog, Kristu ayen nde mpay i ngilega n'ondii osu, ngy esu mpi elegi ne mbug e Kristu. ⁶ Kansi, yug sili ko na ngy n'itura isu, eli ko djwi na ngu, mpi djwi n'evug egnu. Kansi yug Nzeam ateyug su ngy, eli djwi n'ongyugagni gnu ngy. Ngy egnu vear wayen, djwi oleyenagni mpay gnankumondii omog, mpay ileyen su mpi. ⁷ Ekaagn esu ya gnu eli e masonga. Sijia susun oleveyagni ikab i mpay, olaveyagni mpi ikab i ngy e Nzeam. ⁸ Atwung, sipileang ve oyiagni vear akwon njia vii, na vii a mpay iyiyen su ne Azia. Ayensu mpay ilenga n'oshin onakug su ngyen, mpi sikafiyia n'ekaagn ve susun asifiyiasu na luzingu. ⁹ Oniang su, ewu esu ayiiwo sifwete ngwa. Kansi ayiwo djwi sikwon ntsug ekaagn ya su nkeanga su, kansi ya Nzeam nde wur etsa mbiya vear n'ewa. ¹⁰ Eli ndug wur eyitelimi n'ewa, mpi ayakeande ntesarisa. Ekaagn esu eli ya nde susun ayakeande ntelima n'ewa. ¹¹ Ayakiende wog ntangu eli, gnu, oletesarisagni ne bisamu ignu. Mby vear entsign ayakearwo nsag-na-viye djwi na su, djwi na ngrasia eyiitepiwo djwi bisamu i vear entsign. ¹² Djwi, vim elepii vear osiang eli ntiegn elepii etura esu. Djwi eli nitsin i djwi i wuo ti masonga eyim ya Nzeam n'oshin olekien su ne buu ene. Akiisu vim anagn ti gnu, epa na waagn e buu ene ve kansi na ngrasia e Nzeam. ¹³ Kaku vim emuu iky ofugnagnisu n'onkean ve, eli ko vim etanga gnu ti ejiagnu. Mbansa asijiagnu wog enkum, ¹⁴ oshin omitejiagnu ata fioti. Mby eshuu e Nkum esu Yezu ayayia su osiang ognu, kamsi gnu ayiagnu osiang djwi na su. ¹⁵ Djwi ayime ngiwong djwi na wo, anatigna me ngya etay egnudjwi oviyagni iwuo i mbala ipe enayiame ondiragni. ¹⁶ Akanikime na ngya ondiragni ntangu eletshime Macedonia. Mby anakeame ondiragni yug ntangu elekeyme yim Macedonia, mby sitse ti gnu Yudea. ¹⁷ Ntangu ekanikime djwi na wog, akikime ikagn? Nge awong me vii n'oshin o vear, djwi ntubu memen "Ndeang, ndeang, ntun, ntun" ko ne mbala emog? ¹⁸ Kamsi Nzeam ali masonga, sikatuba ve ya lukwikilu susun "Ndeang" mpi "ntun" . ¹⁹ Djwi mon e Nzeam, Yezu Kristu, elelongike, Sylvain, Timothe, ti me ne kati egnu apa ali "ndeang" mpi "ntun" ve. Kansi aliko "ndeang kaka". ²⁰ Djwi nsilulu inkum i Nzeam ya nde ili ko "ndeang". Mby ne mbug ende situba "Amen" ne nkembo e Nzeam. ²¹ Ntangu ene eli Nzeam wur emitekaba ti gnu ne kati e Kristu, mpi eli ndug wur emitetum. ²² Amitetsug tampo mpi amitepea Mpeve n'itura isu kamsi obag (garantie) e vim eyatepeande Mby. ²³ Kansi, ndavey Nzeam ntiegn djwi na me oshin ekayia me kolinto ayiwo djwi n'ongwumagni. ²⁴ Ene epa djwi siling njia oshin oofwete ngya lukwikilu egnu ve, kansi sikie otshia one ti gnu djwi n'osiang ognu, djwi oliagni biu ne lukwikilu.