¹ Mana, tanngu di, bampangi, lu sambidi mu diambu di betu mu diambu ndigi mfumu yi tiakana we dikumu, bunu kwenawu ku lweke di benu. ² Lu sambidi mu diambu tu katuku ku batu ba nkabu we ba mbi, mu diambu beku we dikwkidi. ³ Mana mfumu ka wanisawu misamu mini, ka hoyele mu diambu ku dise di batu ba mbi. ⁴ Ntwene yi kivuvu mu mfumu mu diambu di benu, misamu lu tuku sala we mi lu tuku landa mu ku sla misamu mini tu lu tumini. ⁵ Yambulu mfumu ka natisi mambundu ma benu we dizolo di Nzambi we kikese ki Kidisitu. ⁶ Tangu di mpangi, tu lu tumawu mu zini di mfumu betu Yesu Kidisitu, lu yaku sangana we bampangi bana ba zingawu mu kisaka saka yi ba ba bisawu malongi mana lu bongele ku ntwene betu. ⁷ Mu diambu benu benu lu yebe nki mpidi lu tu lendewu mu betu. Mu diambu tu keloko bamolo ho batu bana ba konele dizitu ku lwene benu. ⁸ Tu didieku bimi bi mutu bi nkatu mana tu sadidiwu muni yi mpibi mu mpidi mosi yi ngolo we mpasi, mu diambu ata mutu mosi lo mu nkati ka benu ka bongo buzitu mu diambu di betu. ⁹ Tu sambididieku bwabunu keku na bu tu kondele kiyeke. Mana tu sadidiwu lu kala mbandu ku benu, lu fene benu ku landa. ¹⁰ Tangu tu kele yi benu, betu tu lu tumini,"Na mutu ka bisi mu ku sala ka yaku dia." ¹¹ Mana betu ba tu longele ho kwene yi batu mu nkati ka benu ba kondawu ku zolo kusala ba yaku sala. Mana bene bamolo. ¹² Mana mu batu ba bwabunu tu ba tumini we ku longo mu zini di mfumu Yesu Kidisitu ba sala kisalu ki bunkete mu diambu ba dia bimi ba sadidi babene. ¹³ Mu diambu, di benu bampangi, lu yaku lembe mu ku sala misamu mi bunkete. ¹⁴ Ho mutu ka bisi malongi ma, tu lu hele mu mukanda, lu cha mesu lu mu tini mu diambu ka wa nsoni. ¹⁵ Mana lu yaku mu bongo nga mbeni benu, lu mu bongo nga mpangienu. ¹⁶ Yambulu mfumu ka lu heke mpweti tangu diakulu we mu bimi biakulu. Ka kala yi benukulu. ¹⁷ Yi lu hele mboti, mene Mpolo mu moko ma mene mene yi sonokene mikanda mi. ¹⁸ Yambulu ngolo za mfumwetu Yesu Kidisitu za kala yi benu.