¹ Tangu di tu lu lombele bampangi mu kusu ku mfumu betu Yesu Kidisitu we mu ku sangakana we yandi: We yandi, tu lu lombele bampangi, ² Mana lu yaku kumu kisaka saka mu mabanza ma benu mu kimpefu, ki benu ku ndingi mosi, we ku mkanda wu tuku moniki na ka tukidi kwene benu, muku tambusulu na kilumbu ki mfumu kisidi. ³ Heku mutu ka lu busu mu masumu ma mpidi yakulu. Mu diambu misamu mini mi fenoko kusu na batu ba hiki ba yandikidoko ku bisi Nzambi.We mutu wunu kondele munsiku ka moniki, mwana mubungi. ⁴ Kene wu bisawu we wu teleminawu wu ba telawu na Nzambi we wu ba sambidawu ka zakalawu mu nzo yi Nzambi mana ka monikawu nga Nzambi ⁵ Tu tuku yubukoko na ke yi lu kembe bimi bini tangu yi kele bele bele we benu? ⁶ Tangu di lu yebe wu ki swekawu, mu mpidi na ki lubuku mu tangu di fene dini. ⁷ Mu diambu kimpa ki ku kondo bulemvu kiene na mu kisalu, kwene we mutu tu ku ki kwata tangu di tii kunu ba mu katulu mu nzidi. ⁸ Mana wu kondo ku lemvuku ku munsiku ka lubuku ha mpenze, wu ka hondo mfumu Yesu we mumpebe wu munwa yandi. Mfumu ka mu bebisi ka monikoko mu kumoniki ku kusu ku yandi. ⁹ Kusu ku mtu mvalangasa ku kala mu kisalu ki mufu we ngolo zakulu, we binsisu, we bimpa bi bumpala, ¹⁰ Mana we bumpala bwakulu bu ku hondo misamu mi kiediki. Bimi bini bi kala mu diambu di ba ba fwa, mu diambu ba bongeloko dizolo di musamu kiediki mu diambu ba huluku. ¹¹ Mu diambu di bwabunu Nzambi ka ba nata ku ba ba tuku ladisi mu diambu ba tambusulu misamu mi bumpala. ¹² Difuti diene bakulu ba ba sambisi ba ba kondele ku tambusulu misamu mi kiediki ba mwne kiese mu bumpala. ¹³ Mana tu vutulawu tangu diakulu mu diambu di benu bampangi ba dizolo di mfumu Nzambi, mu diambu wu lu solo nga bibundu bi ntete bi ku huluku ku kondo ku disumu ku kimpefu, we dikwikidi mu misamu mi kiediki. ¹⁴ Mu biabini ka lu telele mu malongi ma betu mu ku bongo mukembu mfumu betu, Yesu Kidisitu. ¹⁵ Yi bwawu, bampangi lu simbi ngolo, lu simbi misamu mi ba lu longele, ku kala ndingi, ku kala ku mukanda. ¹⁶ Tangu mfumu betu Yesu Kidisitu yandi bene, we Nzambi tata betu wu tu zolawu we wu tu helengolo za kimakulu, we ku di hana ku mboti mu kusu kala ku dise mu ngolo za yandi, ¹⁷ Ka lu heke ngolo mana ka cha mambundu ma benu mu bisalu bi bunkete biakulu we ndingi.