¹ Batu bakulu bana bene mu ndongo bampiki ba fete ku ba zitisi mu bamfumu bawu bunu ku fene yi dikumu. Ba fete ku sala bwabunu mu diambu zini di Nzambi we malongi ba yambulu ku sawulu. ² Mana bampiki ba bene ba tambusulawu ndingi ku balongi ba yaku kondo ku ba heke dizitu, ata ba tuku ba bongo nga bampangi mana ba ba sadidi mboti, balongi ba ba tuku ba sadisi mu kisalu bene ba ba tambusulu we ba ba zolo. longo mana hoyi misamu mi. ³ Ho kwene batu bana ba longawu ndingi hiki mana ba tambusulaku ndingi yi kiediki, ndingi yi mfumu betu Yeu Kidisitu. Tu ba yabawu na ba tambusulaku malongi mana ma natawu mu misamu mi bunkete. ⁴ Batu bana ba basa yi dilendu mana ba yeboko kimi. Mana, bene yi kimbefu ki ku sia mpaka mu misamu miakulu mana ba hoyi misamu mi hana kunwana, ku siala, kipala we ku wa misamu mi mbi, ⁵ mpaka za bawu we batu bana bene na mampefu ma bebe ba balumuku mu kiediki. Ba yabawu na sala misamu mi bunkete kwene nzidi yi ku kumu mvwama. ⁶ Mu ku hoyi ku bunkete mu ku sala misamu mi bunkete ku sia mbundu kwene kimvwama ki vulu vulu. ⁷ Mu diambu tu yisi natieku kimi mu nsi. Tu fenoko mpe ku nata kimi. ⁸ Mana, tu kala yi kiese mu madia we mu milele. ⁹ Mana ba ba zolele ku kumu bamvwama ba bwa mu ku mekesana, we mu mitambu. Ba tuku bwa mu mamfunu ma buzobo we ma mbi, ma bungawu we ma ba ladisawu. ¹⁰ Mu diambu nzala mbongo yene dibandikidi di misamu miakulu mi mbi. Batu ba hiki ba ladisi dikwikidi ba heke mpasi zengi. ¹¹ Mana nge, mutu wu Nzambi, tini bimi biabini. Dingi makiediki, misamu mi bunkete, dizolo, kituyi we dikwikidi. ¹² Nwana mviti yi dikwikidi. Simbi dizingu di mvulu yi mvulu di ba ku telelele. Ku kala mu diambu di bwabunu wu tambuswele ku dise di bambangi ba vulu vulu mu diambu di ki kiene ki bunkete. ¹³ Yi ku tumawu ku dise di Nzambi wu, wu hana dizingu mu bimi biakulu, we ku dise di Kidisitu Yesu, wu hoyele yi kiediki kiakulu ku dise di Ponso Mpilatu: ¹⁴ Landa misamu ba ku tumini, kala mutu wu kondele musamu tii ha ka kusu mfumu Yesu Kidisitu. ¹⁵ Nzambi ka mu tumu mu kilumbu kini ka sia Nzambi, ka mu sakumunu, yandi wene yi ngolo, mfumu wu ngolo, mfumu wu bamfumu. ¹⁶ Yandi wu kondawu ku fwa ka zakalawu ku kwene wangala. Heku mutu mu monawu ba fenoko mpe ku mu mono. Ku yandi ka bongo dikumu we ngolo za mvulu yi mvulu keku bwabunu. Bwabunu. ¹⁷ Ba kamba bamvwama ba nsi ba yaku kala we dilendu, mana ba yaku sia kivuvu mu kimvwama ki kondawu ku lama. Mana, ba sia mbundu ku Nzambi. wu tu heke kimvwama ki kiediki mu diambu betu tu kala yi kiese. ¹⁸ Ba kamba ba salawu mamboti, ba kala bamvwama mu bisalu bi bunkete, ba kala batu ba mambundu ma bunkete, mana ba kala batu bana ba kabawu. ¹⁹ Mana bwabunu, ba bongo kimvwama ki vulu vulu ki diyandikidi di mamboti ma ku dise, mu ku simbi dizingu di bunkete. ²⁰ Timatio, sweke makulu mana ba ku hele. Yambulu bi hoyi hoyi ba hoya batu bana ba kondele nduku we mpaka zana ba siawu ba mona na ba yebe misamu. ²¹ batu ba hiki ba hoyawu bimi bi hiki ba yiki kiana yi dikwikidi. Yambulu ngolo zakala we benu.