¹ Mpolo, ngenzi Kidisitu Yesu bunu kwene ku tumu ku Nzambi nguluswetu we Kidisitu Yesu wu tu sidawu kivuvu, ² Ku Timatio mwana wu kiediki wu dikwikidi: Ngolo, kiadi we mpweti za tukawu ku Nzambi tata we Kidisitu Yesu mfumwetu. ³ Nki mpidi ba tumini yi ngolo mu ku sala ku dise di kwende ku mene ku Masedwani. ⁴ Sala ku Efezo mu diambu wu hana nzidi ku batu ba hiki ba yaku longo malongi ma hiki. Ata kulewulu lu kebe lu yaku hoyi bi hoyi hoyi we kutanga mazini ma vulu vulu ma bankaka ku kondo kuhwa. Bi bi natawu mpaka ku fene ba nata kisalu ki Nzambi ku dise, kiene mu dikwikidi. ⁵ Tangu di kisini ki ku tumu kwene dizolo di tukawu ku mbundu yi bunkete, ku di yaba bu bunkete we dikumu di bunkete. ⁶ Batu ba ba hiki ba ladisi kisini di ba balumuku ku bimi biawu, mu malongi ma kondo nsikiningi. ⁷ Ba zolelel ba kala ba longi ba minsiku mana ba yabku misamu mi ba hoya holo mu nki ba ketamawu. ⁸ Mana ntu yebe na minsiku miene mi bunkete ho ba misadidawu bunu mi fanakene. ⁹ Mana tu yebe bu, minsiku mi salamenoko mu diambu di mutu wunu wene mu kinungu, mana wunu wu lubuku mu minsiku we mutu kisakasaka, we batu ba salawu masumu ma mpidi yi mpidi, ba kondawu ku sambidi, ba salawu misamu mi mu nsi mutoto ba hondawu ba tata bawu we bangudi bawu, ¹⁰ Bawu ba tawu mbongi, ba ba takasanawu mbongi bayakala yi bayakala, ba ba katulawu batu mu diambu ba ba kumisi bampiku, ku bingumbu ba ba hanawu bimbangi bi bumpala, we mu diambu di nki lu fete kala ba ba hiki bene ba kondawu ku lemvuku mu minsiku mi wana. ¹¹ Malongi menawu misamu mi bunkete mi Nzambi mu dikumu we kiese ka mpele mu diambu yi longo. ¹² Yi tuku tondo Kidisitu Yesu mfumwetu. Ka mpele ngolo mu diambu ka mbwne bu bunkete, di yi ka nsidi mu kisalu kiandi. ¹³ Yi kele mtu wu sawelewu, mutu wu helewu batu mpasi we mutu kingolo ngolo. Mana ke ngiebe kiadi mu diambu yi sadidiwu misamu mi yi kondele ku yaba mu ku kondo ku dikwikidi. ¹⁴ Mana ngolo za mfumwetu za lutidi mu dikwikidi we dizolo diene mu Kidisitu Yesu. ¹⁵ Nsangu zene ze kiediki we za ku wana mu ku tambusulu misamu kiakulu, na Kidisitu Yesu ka yisidi ha nsi mu diambu di ku hulusu batu ba masumu mene yi ba lutidi ba bana. ¹⁶ Mu diambu di kiawu yi bongele yi yandi, mu diambu di mene, ku lutukidi ku toko, Kidisitu Yesu ka songidi ku ka sidawu mbundu ka sadidi bwabunu nga mbandu mosi ku bakulu bana ba mu tambuswele mu yandi mu dizingu di mvulu yi mvulu. ¹⁷ Di tangu di, ku mfumu wu mambasi wu kondo ku fwa, wu kondawu ku moniki, Nzambi mosi, bonga mukembu we dikumu di mvulu yi mvulu. Bwabunu. ¹⁸ Nsidi minsiku mi ku dise di nge, Timatio, mwana mene nsadidi bu ndandididi mu ndingi ba hoyele bangunzu yi misamu mi tekesele mu ku salama ku kwene nge, mu diambu yi di kotisi mu mizingu mi bunkete. ¹⁹ Sala bwabunu mu diambu wu kala we dikwikidi we ku di yaba bu bunkete. Batu ba hiki bana ba di loso mpe ba di ziomisi mu ku tala dikwikidi di bawu. ²⁰ Nga bu bene, Hymene we Lekizandele, ba yi hene kwene mufu mu diambu ba ba longo mu diambu ba yaku sawulawu.