¹ Surat ari Paulus, ulun Allah Taala sereta nyadi rasul Yesus Kristus, ketegal pengarap urang ke udah dipilih Allah Taala enggau ketegal penemu pasal pemendar iya ke mai ngagai pengidup iya ke nangika Allah Taala, ² pengarap enggau penemu iya ke beduduk ba pengadang ke pengidup iya ke meruan belama iya, iya ke udah disemaya Allah Taala laban Allah Taala enda kala bula, kenyau ari sebedau penumbuh dunya. ³ Lalu ba maya iya ke patut, Iya udah mandangka semaya nya ngena pesan Iya, pesan nya udah diserahka ngagai aku, lalu aku nusi pesan nya nitihka asuh Allah Taala iya ke Juru Selamat kitai. ⁴ Ngagai Titus, anak aku iya ke bendar dalam pengarap kitai. Awakka Allah Taala iya ke Apai, enggau Yesus Kristus iya ke Juru Selamat kitai meri nuan berekat enggau pemadas. ⁵ Kebuah aku ninggal ka nuan ba Kreta, nya ngambika nuan ulih mutar ka semua pekara iya ke bedau diputar ga, lalu ngeletak ka urang nyadi penatua-penatua ba genap bengkah nengeri nitih ke atur iya ke diberi aku ngagai nuan. ⁶ Tuai penatua enda tau enda orang ke nadai penyalah, ke bise siko aja bini, lalu anak iya endang orang ke arap, ke nadai kala didinga enda manah ulah, tauka enda ngasi. ⁷ Laban bishop, ke ngemataka pengawa Allah Taala, enda tau enda orang ke nadai jalai mantah, enda sumbung, tauka jampat ringat, tauka pemabuk, tauka mangah, tauka amo ka duit. ⁸ Tang iya enda tau enda rindu nyambut temuai, rinduka utai iya ke badas, uleh nagang dire, lurus, kudus sereta nemu disiplin dire empu. ⁹ Iya enda tau enda bepegai teguh ba pesan iya ke tau dikarapka, ti udah diajar, ngambe ka iya uleh meransang urang ngena ajar iya ke betul, lalu nyakal orang ke ngelaban ajar nya. ¹⁰ Laban mayoh urang deka ngelaban, urang ke semina bejako ngapa, ke ngakal, kelebih age urang Judah. ¹¹ Padam ke jako sida nya, laban sida ngacau ruang bilek urang ngena ajar iya ke enda patut diberi, ketegal sida ngulih ka duit. ¹² Siko ari bala sida, ke endang nabi sida empu, udah nyebut, “Urang Kreta endang seruran bula, mangah alu jae baka jelu, ngeluso, burok alu bam.” ¹³ Nya endang amat. Nya alai rara sida enggau terit, ngambe ke sida kering dalam pengarap, ¹⁴ lalu anang mending ke cerita kelulo urang Yahudi, tauka mending ke pesan iya ke diberi urang ke nulak pemendar. ¹⁵ Ba urang ke tuci, semua utai tuci magang. Tang ba orang ke jai sereta enda arap, nadai site utai iya ke tuci laban runding enggau ati sida endang jai. ¹⁶ Sida ngumbai dire ngelala Allah Taala, tang utai iya ke dikereja sida besangkal ke Allah Taala. Sida nya mere pegede, enda ngasi, enda tau di karap ngereja pengawa iya ke badas.