¹ Siko lelaki nama iya Ananias, enggau bini iya Safira alu nyual kersa seduai iya. ² Ari sepakat seduai laki bini, Ananias ninggal ka sebagi empu seduai iya, udah nya sebagi age di leka seduai iya ba kaki sids rasul. ³ Petrus alu nanya, "Ananias, nama kebuah sitan bise ba ati nuan, udah ngasoh ngemula ka Roh Kudus, alu ngasoh nuan ngetan ka sebagi ari rega tanah nya? ⁴ Leboh tanah nya empai di jual , ukai enda tanah nya sige endang empu nuan? Alu leboh tanah nya udah di jual, endang sige ga tanah nya empu nuan? Alu nama kebuah bise runding dalam ati nuan ngereja utai to? Nuan ukai ngemula ka kami, tang nuan ngemula ka Allah Taala". ⁵ Ninga jako nya, Ananias rebah alu parae. Nyadi urang ke ninga pekara to semua bala takut magang. ⁶ Urang ke bujang datai, mungkus bangkai nya, ngesan iya ke ruar, alu numbak ka iya. ⁷ Udah tiga jam, bini Ananias datai, tang iya enda nemu nama utai udah nyadi. ⁸ Alu nanya iya, "Padah ngagai aku, nama kita nyuala tanahà anya rega iya penyampau to? iya alu nyaut, "Au. Nya meh rega iya". ⁹ Alu bejako ngagai iya, " Nama kebuah seduai besetuju deka nguji Roh Tuhan? Uji peda, bekau kaki urang ke udah numbak ke laki nuan, age bedau meruan ba mua pintu, pia mega sida deka ngesan alu mansut ke nuan". ¹⁰ Nya Safira alu rebah ba kaki Petrus, alu parai. Leboh sida ke bujang tama alu nemu iya udah parae, sida ngesan bangkai iya ke ruar, alu numbak ke iya ngimbai laki iya. ¹¹ Jemaat, enggau semua urang ke ninga pasal pekara nya alu balat amat takut. ¹² Kelai kereja ajih enggau iya nyelai di kereja sida Rasul ngena jari sida iya ba bala urang mayoh. Alu semua sida site pengarap begempuro ba Serambi Salomo. ¹³ Urang bukai berani begulai enggau sida iya, tang urang balatmuji sida. ¹⁴ Taja pia, urang be arap ke Allah Taala majak nambah penambah, urang ke laki enggau urang ke indo, ¹⁵ Datai ka urang mai urang urang ke sakit ngagai jalai raya, alu ngeleka sida ba tilam tau ka ba jerame, ngambe nggunggo Petrus ninggang sida iya, leboh iya mansa. ¹⁶ Mega urang datai begulai begempuro ari bengkah nengeri bukai iya ke ngelinge Yerusalam, mae urang ke sakit enggau iya ke di keduan roh jae, alu semua sida iya dembe suman magang. ¹⁷ Imam besai ngereja site pengawa. Semua urang ke niteh ke sida iya, iya nya bala Saduki. Sida nya ke papas ke sida Rasul, ¹⁸ Sida Rasul nutup sida dalam rumah penjara. ¹⁹ Malam nya siko Malaikat Tuhan muka pintu rumah penjara nya, mae sida pansut, alu bejako, ²⁰ Kita, bediri, padah age urang mayoh, pesau pasal pengidup to, ba Bait Allah. ²¹ Sida ninga nya, leboh maya rerak tawas, sida tama age Bait Allah, majak ngajar urang mayoh. Leboh Imam Besai enggau bala iya datai, sida ngempuro ke Sanhedrin enggau semua tuai bansa Israel, alu ngasoh urangage penjara, ngambe sida Rasul ngagai sida iya. ²² leboh urang ke di asoh nya datai ba rumah penjara, sida enda enda betemu enggau sida Rasul dalam rumah penjara nya. Nya alai sida pulai baru, alu madah ka nya, alu bejako, ²³ Meda pintu rumah penjara di kunci magang, alu semua dedaga bediri ba mua ba pintu, tang leboh kami muka pintu nya , nadai siko pen urang ba dalam bilek penjara nya" ²⁴ Iya ka nyaga Bait Allah enggau Tuai Imam ninga nya, sida beba runding, leboh berunding ke nama di gaga sida Rasul, utai tao nyadi. ²⁵ Nya bise siko urang datai alu madah ngagai sida, "Peda kita, urang ke di tutup kita dalam rumah penjara, diato bwediri dalam Bait Allahngajar urang mayoh" ²⁶ Pemesai nya enggau bala iya ka nyaga Bait Allah, alu mae sida Rasul, tang enda enggau cara iya ke kasar, laban sida takut ke dire di tuko urang mayoh ngena batu. ²⁷ Sida mae Petrus enggau Yohanes, alu ngasoh sida Rasul nya bediri ba mua Sanhedrin. Imam besai alu nya sida. ²⁸ Iya, "kami udah mere atur iya ke terit, enda nyagi kita ngajar dalam nama Iya, tang diato kita uudah ngise Yerusalem ngena ajar kita, alu kita keras deka ngasoh kami betanggungjawap ke pemati Iya". ²⁹ Ku Petrus enggau sida rasul bukai nyaut, “Kami enda tau enda ngaseh ka Allah Taala, ukai ngaseh ka mensia. ³⁰ Taala aki ini kitai udah ngangkat ke Yesus ari mati, ke udah dibunuh kita ba kayu regang. ³¹ Taala udah ngangkat ka Iya sepiak kanan Iya nyadi Kepala enggau Juru Selamat, ngambe ka Iya ulih mere urang Israel bise nesal ati lalu dosa sida diampun. ³² Kami empu nyadi saksi ke utai nya, lalu baka nya mega Roh Kudus ke udah dembe Allah Taala ngagai urang iya ke ngasi ka Iya.” ³³ Sida ninga nya, sida balat amat pedeh ati, lalu deka munoh sida Rasul. ³⁴ Siko urang Parisi ke benama Gamaliel, ke nyadi pengajar Taurat sereta iya ke dibasa urang mayoh, bediri lalu ngasoh urang mae sida Rasul pansut enda lama. ³⁵ Nya iya alu bejako ngagai sida, “Kita orang Israel, perunding enggau manah utai iya ke deka dikereja kita ngagai urang to. ³⁶ Dulo suba Tadeus angkat ngelaban, ngumbai dire urang ke besai, alu kira empat ratus iko u rang nitih ka iya. Tang iya dibunoh, alu semua urang ke nitih ka iya pambar alu lesap. ³⁷ Nya Yudas ari Galilea angkat ga ngelaban leboh maya ngitung tuboh, alu mae urang enggau iya. Iya mega dibunoh, alu semua urang ke nitih ka iya pambar magang. ³⁸ Alai, ba pekara ke diato, aku madah ngagai kita, anang ngereja sebarang utai ngagai sida. Awak ka sida pia aja! Laban enti pelan tau ka pengawa to datai ari mensia, iya deka puntan. ³⁹ Enti utai to datai ari Allah Taala, kita enda uleh ngalah ka sida, alu kita deka ditemu ngelaban Allah Taala!” Sida alu besetuju enggau penemu Gamaliel. ⁴⁰ Alu besetuju enggau penemu Gamaliel. Leboh sida ngasoh Rasul tama, sida alu ngasoh sida disipat, udah nya sida enda nyagi sida bejako dalam nama Yesus, alu ngelepas ka sida. ⁴¹ Sida Rasul angkat ari Sanhedrin, sida alu capoh gaga ati ke dire laban ke udah dikira patut kena perinsa ketegal nama Yesus. ⁴² Tiap hari, alam Bait Allah enggau ari rumah ke rumah sida empu, sida enda ngetu-ngetu ngajar sereta madah ka Yesus nya Kristus.